Ayṯ-Ruma 6:14 - Ṯarifiṯ 2020

¹⁴ Aqa ȓmuƹṣiyeṯ war ṯeqqim ca aḏ teḥkem xawem liʼanna war ṯeǧim ca swadday n ufus n ccariƹa, aqawem swadday n arḍa n Arebbi.

Ayṯ-Ruma 6:14 ပူးပေါင်းရင်းမြစ်များ

Matta 1:21

Aqa aḏ d tejj ijjen n uḥenjir aṯ ṯsemmiḏ Ƹisa ȓaḥeqqac netta iy ɣa isnejmen ȓqum nnes zi ȓmuƹṣiyaṯ nsen."

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Yuḥanna 1:17

Ccariƹa n Ayṯ-Israʼil ṯemmuc x ufus n Musa. Arḍa ḏ lḥaqiqa niṯenti usint-id x ufus n Ƹisa Lmasiḥ.

Yuḥanna 8:36

Meȓa iḍȓeq-awem Mmis yuca-awem lḥurriya, aɣarwem ṯiȓi ḏ ṣṣaḥ lḥurriya.

Ayṯ-Ruma 11:6

Meȓa ixḍar-iṯen s arḍa nnes, ataf ȓexxu war iǧi ca s lḥasanaṯ nsen. Meȓa maci amenni, ataf arḍa war itiȓi bu ḏ arḍa.

Ayṯ-Ruma 4:16

S manayenni ȓƹaheḏ-a ibna x lʼiman waḥḏes: Ḥima ȓƹaheḏ-a aḏ d yas zi arḍa nnes, ḥima aṯ iḍmen Arebbi i marra ddurriṯ n Brahim. U maci ɣir wenni iḏeffaren ccariƹa n Musa; Lla, uȓa ḏ wenni icarrcen ḏi lʼiman n Brahim. Netta ḏ jeddiṯneɣ marra.

Ayṯ-Ruma 5:17

Iƹni, s ssabab n ȓmuƹṣiyeṯ nni n yijjen n bnaḏem ṯebḏa ȓmewṯ ṯḥekkem x yiwḏan s ssabab n bnaḏem nni. Ȓexxu s ssabab n yijjen n bnaḏem, iƹni s Ƹisa Lmasiḥ, ḏ ṯuḏarṯ nettaṯ ṯḥekkem aṭṭas x yinni iqebbȓen arḍa imɣaren n Arebbi ḏ lhadiya iy ṯen isemṣȓaḥen akiḏes.

Ayṯ-Ruma 5:18

Iḏen ijjen n ȓmuƹṣiyeṯ ig igga ijjen n bnaḏem ṯuwi-d lḥisab ḏ lƹiqab i marra iwḏan. Amenni ijjen n baraʼa ig igga ijjen n bnaḏem yuwi-d ṣṣulḥ ḏ ṯuḏarṯ i marra iwḏan.

Ayṯ-Ruma 6:12

Falihaḏa ixeṣṣa war tejjim ca ȓmuƹṣiyeṯ aḏ teḥkem x ddat nwem iy ɣa ifnan ḥima war teggem ca array i ccehweṯ nnes.

Ayṯ-Ruma 6:15

Iwa neccin ma a neƹṣa Arebbi xmi aqaneɣ swadday n arḍa nnes war neǧi ca swadday n ufus n ccariƹa? Lla, ƹemmarṣ!

Ayṯ-Ruma 8:12

X manayenni ay ayṯma, itxeṣṣa-yaneɣ a negg lwajib, walakin maci ḥima a negg array i ṭṭabiƹa ṯaƹeffant nneɣ.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Ayṯ-Galaṭya 3:23

Fa qbeȓ ma aḏ d yas lʼiman-a, tuɣa Ccariƹa n Musa ṯcarref-aneɣ iƹni neccin tuɣa neǧa amecnaw imeḥbas nnes ḥetta aȓ wami iy d imeḍhar lʼiman-a iy tuɣa d itasen.

Ayṯ-Galaṭya 4:21

Inim-ayi kenniw itexsen axawem ṯḥekkem Ccariƹa n Musa. Ma war ṯessinem min ḏayes ḏi ccariƹa nni niɣ?

Ayṯ-Galaṭya 5:18

U meȓa ȓxaḍar n Arruḥ iqeddsen indeh-ikenniw, ataf war xawem ṯḥekkim ca ccariƹa.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 8:10

Ḏ wanita ḏ ȓƹaheḏ iy ɣa ggeɣ ak Ayṯ-Israʼil menbaƹd i ȓweqṯ nni, iqqar-iṯ Siḏi Arebbi. Aḏasen siḏfeɣ ȓuṣiyaṯ inu ḏi ȓaƹquȓaṯ nsen, aɣarsen iȓint ḏ ṯira x wuȓawen nsen. Aḏ iȓiɣ ḏ Arebbi nsen aḏ iȓin ḏ ccaƹb inu.