Ayṯ-Ruma 5:2 - Ṯarifiṯ 2020

² Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Ayṯ-Ruma 5:2 ပူးပေါင်းရင်းမြစ်များ

Matta 25:21

Inna-as siḏes: Ṯeggiḏ mliḥ ay axeddam aṣebḥan, cek ḏayek ȓaman. Ḏayek ȓaman x ḏrus, ȓexxu ac kellfeɣ x waṭṭas. Aḏef aḏ tfarḥeḏ ak siḏec.

Yuḥanna 10:7

Inna-asen Ƹisa ƹaweḏ: "Aqa tesȓam ȓḥaqq: Nec ḏ ṯawwarṯ n ȓkuri.

Yuḥanna 10:9

Nec ḏ ṯawwarṯ, wenni zzayi ɣa yaḏfen aḏ injem. Aḏ yiȓi amecnaw ijjen n uḥuȓi itaḏef iteffeɣ itaf min ɣa icc.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ayṯ-Ruma 11:20

Wah, niṯenti twaqessent ssenni wami war uminent ca; cek ṯeqqimeḏ ḏinni wami ṯumneḏ. Walakin war tsemɣar ca ixef nnec; Lla, ggweḏ!

Ayṯ-Ruma 12:12

Farḥeṯ ḏi lʼamal. Ṣbareṯ x tamara. Dawwmeṯ x ṯẓaǧiṯ.

Ayṯ-Ruma 14:4

Cek min ṯeƹniḏ bac aḏ tƹeyybeḏ axeddam n midden? Injeḥ niɣ war injiḥ, wanita ḏ ccɣeȓ n siḏis. U ḏ ṣṣaḥ netta aḏ injeḥ liʼanna Siḏi Arebbi izemmar aṯ isenjeḥ.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Ayṯ-Ruma 8:24

Aqa ḏi mezȓi-ya neccin nenjem. Cuf, meȓa ṣafi nufa mezȓi nni iy nrezzu, ataf ṣafi war ḏayneɣ itiȓi bu mezȓi ƹaḏ. Ma a nraja ƹaḏ mezȓi nni meȓa ṣafi nufi-ṯ?

1 Ayṯ-Kurinṯ 15:1

Fa ay ayṯma akenniw sfekkareɣ x Lʼinjil iy zi kenniw beccareɣ, iƹni netta ṯqebȓem-ṯ u mtebṯin xas.

2 Ayṯ-Kurinṯ 3:18

Ȓexxu neccin aɣembub nneɣ war iɣmis s walu. Netwaȓa lƹaḍama n Siḏiṯneɣ, netwabeddaȓ bac a niȓi ḏ ijjen n ṣṣifeṯ nnes s yijjen n lƹaḍama itmarnin. Manaya itas-d zi Siḏiṯneɣ ig iǧan ḏ Arruḥ.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Ayṯ-Ufasus 2:18

Liʼanna s Lmasiḥ am neccin am kenniw nzemmar a nqarreb ɣar Arebbi Babaṯneɣ s yijjen n Arruḥ iqeddsen.

Ayṯ-Ufasus 3:12

Zzayes netta a nqarreb ɣar Arebbi s zƹameṯ ḏ ttiqeṯ bȓa ma a neggweḏ xmi zzayes ntamen.

Ayṯ-Ufasus 6:13

S manaya ysiṯ ɣarwem marra ȓesnaḥ n Arebbi bac war trekkwiȓem ca ḏi nhar n ccarr. U meȓa ṯeggim manaya marra, ataf aḏ tbeddem.

2 Ayṯ-Salunik 2:16

Siḏiṯneɣ Ƹisa s yixef nnes u ƹaweḏ Arebbi Babaṯneɣ wenni iy ḏaneɣ yucin s arḍa nnes ijjen n ucejjaƹ war ifennin ca ƹemmarṣ ḏ ijjen n lʼamal iṣbaḥ, ataf akenniw icejjeƹ s wuȓawen nwem aṯen isejheḏ ƹlaḥsab ḏi kuȓ ȓxeḏmeṯ ḏ kuȓ awaȓ aṣebḥan.

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

Lwaḥi 21:11

Ḏayes lƹaḍama n Arebbi, nnur nnes amecnaw ṯazrut ṯaṣebḥant, amecnaw ṯazrut n lyaceb ṯeṣfa aṭṭas.

Lwaḥi 21:23

Ṯandint-a war teḥḏiji ca ṯfawṯ n ṯfucṯ niɣ n ṯziri ȓaḥeqqac lƹaḍama n Arebbi nettaṯ iy iteggen ḏinni ṯfawṯ, Izmar ḏ netta ḏ ȓefnar nnes.

Lwaḥi 21:3

Sȓiɣ i yijjen n ṯmijja zi lƹarc ṯeqqar s jjheḏ: "Aqa ṯazeddiɣṯ n Arebbi ak yiwḏan, aḏ izḏeɣ jarasen aḏ iȓin ḏ ccaƹb nnes. Arebbi s yixef nnes akiḏsen yiȓi, u ƹaweḏ aḏ yiȓi ḏ Arebbi nsen.

Lwaḥi 3:21

Wenni ɣa irebḥen aṯ jjeɣ akiḏi iqqim x lƹarc inu, am rebḥeɣ uȓa ḏ nec qqimeɣ ak Baba x lƹarc nnes.