Ayṯ-Ruma 5:15 - Ṯarifiṯ 2020

¹⁵ Walakin ȓmuƹṣiyeṯ n Adam war nzemmar at nmeṯṯel ak lhadiya n arḍa n Arebbi. Cuf, ijjen n bnaḏem, netta ḏ Adam, iƹṣa Arebbi yuwi-d ȓmewṯ i marra yiwḏan. Ȓexxu mecḥaȓ imɣar arḍa n Arebbi ḏ lhadiya iy d infeyyḍen x yiwḏan s arḍa n yijjen n bnaḏem nneɣni netta ḏ Ƹisa Lmasiḥ.

Ayṯ-Ruma 5:15 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 26:28

Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Yuḥanna 3:16

Wami iḥibb Arebbi ddunect-a, ihḏa-yas Mmis aweḥḏani ḥima wenni zzayes ɣa yamnen war ifenni ca aɣares ṯiȓi ṯuḏarṯ n ȓebda.

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Ȓexḏayem 15:11

Neccin min ntamen? Ntamen belli neccin a nenjem s arḍa n Siḏiṯneɣ Ƹisa mammec ɣa nejmen uȓa ḏ yinni war iǧin ca zi Ayṯ-Israʼil."

Ayṯ-Ruma 5:12

Iḏen, ṯban-d ȓmuƹṣiyeṯ ɣar ddunect s yijjen n bnaḏem, iƹni Adam. S ȓmuƹṣiyeṯ nni iy ṯeǧa ȓmewṯ. Ssenni ṯnefreq ȓmewṯ x yiwḏan marra liʼanna iwḏan marra ƹṣan.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

2 Ayṯ-Kurinṯ 5:14

Liʼanna ȓemḥibbeṯ n Lmasiḥ tsayṭar xaneɣ wami nessen ijjen immuṯ ƹlaḥsab marra iwḏan. Falihaḏa ȓmewṯ nnes ḏ ȓmewṯ n marra iwḏan.

2 Ayṯ-Kurinṯ 9:15

A neḥmeḏ Arebbi x lhadiya nni nnes, war nzemmar at newṣef.

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Iƹibraniyen 2:9

Walakin Ƹisa wah, netwaȓa-ṯ ȓexxu s ttaj nnes n ȓuweqqar ḏ waṭṭas n ccan. Mayemmi? Lʼianna Ƹisa ḏeg yijjen n ȓweqṯ tuɣa isehwa-ṯ-iḏ Arebbi cwayt swadday i lmalaʼikaṯ iƹni wami iṣbar i ȓaƹḏab n ȓmewṯ. Bac netta s arḍa n Arebbi aḏ iqqas ȓmewṯ, ȓmewṯ nni aḏ tiȓi n marra iwḏan.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

1 Yuḥanna 5:11

Ḏ ṯanita ḏ chaḏeṯ-a iƹni Arebbi yuca-aneɣ-d ṯuḏarṯ n ȓebda, ṯuḏarṯ-a aqat ḏi Mmis.