Ayṯ-Ruma 5:11 - Ṯarifiṯ 2020

¹¹ War iǧi ɣir manaya waha, neccin nfarreḥ zi Arebbi s Siḏiṯneɣ Ƹisa Lmasiḥ wenni iy ḏaneɣ isemṣȓaḥen akiḏes.

Ayṯ-Ruma 5:11 ပူးပေါင်းရင်းမြစ်များ

Luqa 1:46

Uca ṯenna Maryam: "Ȓaƹmar inu iḥemmeḏ Siḏi Arebbi,

Yuḥanna 1:12

Yinni iy ṯ iqebȓen umnen zzayes zeg yisem nnes, yuca-asen netta ṯizemmar ḥima aḏ ḏewȓen ḏ ṯarwa n Arebbi.

Ayṯ-Ruma 11:15

Aqa wami xasen yuzzeȓ Arebbi, isemṣȓaḥ netta ddunect-a akiḏes. Ƹaweḏ xmi ṯen ɣa iqbeȓ, aḏ tiȓi am ṯuḏarṯ i yinni immuṯen!

Ayṯ-Ruma 2:17

Iwa cek, meȓa ṯḥessbeḏ ixef nnec ḏ aʼisraʼili, trajiḏ zi ccariƹa, teftaxareḏ s lƹalaqa nnec ak Arebbi.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ruma 5:10

Neccin nmeṣȓaḥ ak Arebbi s ȓmewṯ n Mmis wami tuɣaneɣ neccin ƹaḏ ḏ ȓƹaḏyan nnes. Ȓexxu wami kiḏes nmeṣȓaḥ, u labud zzayes iy ɣa nenjem s ṯuḏarṯ nnes!

Ayṯ-Ruma 5:3

War iǧi ɣir manaya waha, nfarreḥ neccin uȓa ḏi ȓemḥayen. Nessen belli ȓemḥayen-a tarwent-id ṣṣbar.

Ayṯ-Ruma 8:23

U maci niṯni waha, uȓa ḏ neccin umi immuc Arruḥ iqeddsen ḏ amezwaru nnehhek ḏeg yixef nneɣ. Ḏayneɣ mezȓi, neccin netraja zi Arebbi aḏ d isbeyyen belli neccin ḏ ṯarwa nnes, iƹni aḏ ifekk ddat nneɣ.

Ayṯ-Ruma 9:10

War iǧi bu manayenni waha. Rafiqa ṯeysi aƹeddis ɣares acniwen, babaṯsen netta ḏ jeddiṯneɣ Isḥaq.

1 Ayṯ-Kurinṯ 10:16

Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ.

2 Ayṯ-Kurinṯ 8:19

Maci manayenni waha, qa xḍarent-ṯ-iḏ ṯjumaƹ n ȓmuminin bac akiḏneɣ isafar xmi ɣa neksi ȓxir n ṣṣaḏaqa-ya. Nkellef x ṣṣaḏaqa-ya i lƹaḍama n Siḏiṯneɣ s yixef nnes u bac aḏ d imeḍhar mammec ntegg ṯizemmar a nƹawen.

Ayṯ-Galaṭya 4:9

Walakin ȓexxu kenniw ṯessnem Arebbi, iƹni netta iy kenniw issnen. Mammec teggem ƹaweḏ ṯḏewwaȓem ɣar lqawanin iqḏimen nni iteḍƹifen war itejhiḏen ca? Ma ṯexsem aɣarsen ṯḏewȓem ḏ isemɣan ƹaweḏ niɣ?

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Filippas 3:1

Ȓexxu ay ayṯma aḏ kemmȓeɣ, farḥeṯ s Siḏiṯneɣ! War ɣari bu lmuckil aḏawem ƹawḏeɣ ṯimesȓayin-a s ṯira, kenniw ƹaweḏ azzaysent twaḥḍam zi lxaṭar.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

Ayṯ-Filippas 4:4

Farrḥeṯ ȓebda s Siḏiṯneɣ! Aḏawem iniɣ awaȓ-a ƹaweḏ, farrḥeṯ!

Ayṯ-Kulus 2:6

Iḏen, mammec ṯqebȓem Ƹisa Lmasiḥ amenni iy ɣa ṯƹicem.

1 Buṭrus 1:8

Ṯḥibbem-ṯ waxxa war ṯ ṯeẓrim ca. Aqa ṯumnem zzayes waxxa war ṯ twiȓim ca ȓexxu. Kenniw ṯƹemmarem s yijjen n ȓefraḥeṯ ḏ ṯameqqrant war ṯzemmarem ca at tcarrḥem.