Ayṯ-Ruma 5:10 - Ṯarifiṯ 2020

¹⁰ Neccin nmeṣȓaḥ ak Arebbi s ȓmewṯ n Mmis wami tuɣaneɣ neccin ƹaḏ ḏ ȓƹaḏyan nnes. Ȓexxu wami kiḏes nmeṣȓaḥ, u labud zzayes iy ɣa nenjem s ṯuḏarṯ nnes!

Ayṯ-Ruma 5:10 ပူးပေါင်းရင်းမြစ်များ

Yuḥanna 14:19

Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem.

Yuḥanna 5:26

Am Babas ɣares ṯuḏarṯ ḏeg yixef nnes, ammu iy ḏas yuca i Mmis aɣares ṯiȓi ṯuḏarṯ ḏeg yixef nnes.

Yuḥanna 6:40

Min ixes Baba? Ixes belli kuȓ wenni iẓrin Mmis yumen zzayes, aɣares ṯiȓi ṯuḏarṯ n ȓebda nec aṯiḏ sekkareɣ ḏi Nhar Aneggaru."

Yuḥanna 6:57

Mammec iy ḏayi d issekk Baba iddaren u nec ddareɣ zi Baba, amenni wenni ḏayi ɣa iccen azzayi iy iddar.

Ayṯ-Ruma 11:28

S ssabab n Lʼinjil, israʼiliyen ḏ ȓaƹḏu ƹlaḥsab kenniw. Walakin s ssabab minzi twaxḍaren, niṯni ḏ imƹizzen ƹlaḥsab ssalaf ṣṣaliḥin.

Ayṯ-Ruma 5:11

War iǧi ɣir manaya waha, neccin nfarreḥ zi Arebbi s Siḏiṯneɣ Ƹisa Lmasiḥ wenni iy ḏaneɣ isemṣȓaḥen akiḏes.

Ayṯ-Ruma 5:6

Fa ḏi ȓweqṯ nni nican ṯenni tuɣa ixḍar Arebbi neccin war ɣarneɣ bu jjheḏ, immuṯ Lmasiḥ xaneɣ wami neƹṣa.

Ayṯ-Ruma 8:32

Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?

Ayṯ-Ruma 8:34

Wi izemmaren axasen iḥkem? Uȓa ḏ ijjen! Liʼanna netta Ƹisa Lmasiḥ ig immuṯen. U ktar, ikkar-d zi ȓmewṯ u ḏ netta iy iǧan x ufusi n Arebbi, itcafaƹ ḏayneɣ.

Ayṯ-Ruma 8:7

Aqa ȓxaḍar ixeddmen ḏi ṯmesȓayin n ṭṭabiƹa ṯaƹeffant n bnaḏem itƹarraḍ Arebbi. War iṭṭiƹi ca i ccariƹa n Arebbi, u ḏ ṣṣaḥ war izemmar ca.

2 Ayṯ-Kurinṯ 5:20

Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

Ayṯ-Ufasus 2:16

Amenni isemṣȓaḥ ṯnayen n ccuƹub-a ak Arebbi yarri-ṯen ḏ ijjen n ccaƹb s ṣṣalib, inɣa zzayes lƹadawa jarasen.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

1 Yuḥanna 2:1

A iḥenjiren inu, tariɣ-awem-d ṯimesȓayin-a ḥima war ṯƹeṣṣim ca Arebbi. Walakin meȓa neƹṣa-ṯ aqa ɣarneɣ ijjen n lwasiṭ ak Arebbi Babaṯneɣ netta ḏ Ƹisa Lmasiḥ wenni ig iǧan nican.

1 Yuḥanna 4:10

S manayenni minzi ḏas qqaren ȓemḥibbeṯ. Maci ḏ neccin iy ixsen Arebbi, ḏ netta iy ḏaneɣ ixsen wami d issekk Mmis aḏ yiȓi ḏ lfidya x ȓmuƹṣiyaṯ nneɣ.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.