Ayṯ-Ruma 5:1 - Ṯarifiṯ 2020

¹ Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ruma 5:1 ပူးပေါင်းရင်းမြစ်များ

Luqa 19:38

Qqaren: "Ssaƹḏ n uzeǧiḏ iy d yusin ƹlaḥsab isem n Siḏi Arebbi. Ȓehna ḏeg ujenna, lḥamdu i Arebbi yuƹȓan!"

Luqa 19:42

Inna: "A ṯandint n Lquds, cem maƹlik tuɣa ṯessneḏ nhara ṯimesȓayin iy d iticcen ȓehna! Walakin lla, ȓexxu nuffarent x ṯiṭṭawin nnem.

Luqa 2:14

"Lƹaḍama i Arebbi Yuƹȓan, ḏ ȓehna n yinni ḏi ṯmurṯ mixef irḍa."

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ayṯ-Ruma 1:17

Arebbi isbeyyen-aneɣ-d ḏi Lʼinjil mammec ɣa nemṣȓaḥ akiḏes, manaya s lʼiman waḥḏes. Mammec iqqar Lkitab:

Ayṯ-Ruma 1:7

Tariɣ i marra imƹizzen n Arebbi iy iǧan ḏi ṯendint n Ruma ixḍar-ikenniw aḏ tiȓim ḏ ȓmuminin ṣṣaliḥin. Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Ayṯ-Ruma 10:10

Liʼanna s wuȓ nnec cek tamneḏ, ac isemṣȓaḥ Arebbi akiḏes. U s uqemmum nnec cek ṯcehhḏeḏ, cek ṯnejmeḏ.

Ayṯ-Ruma 10:15

U mammec ɣa ggen aḏ ḥeddṯen meȓa war ḏasen d issekk ḥadd? Aqa iqqar Lkitab:

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Ayṯ-Ruma 15:33

Arebbi n ȓehna akiḏwem yiȓi marra iḏwem. Amin.

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

Ayṯ-Ruma 3:30

Liʼanna Arebbi netta ḏ ijjen. Ḏ netta ig ismeṣȓahen Ayṯ-Israʼil akiḏes s lʼiman, ḏ yinni war iǧin ca zi Ayṯ-Israʼil s nnefs lʼiman.

Ayṯ-Ruma 4:5

Wenni war itwekkiȓen x ȓexḏayem ig itegg, itwekkiȓ x Arebbi itarran lƹaṣi ɣar ubriḏ, wanita isemṣȓaḥ-iṯ Arebbi akiḏes s lʼiman iy ḏayes.

Ayṯ-Ruma 5:11

War iǧi ɣir manaya waha, neccin nfarreḥ zi Arebbi s Siḏiṯneɣ Ƹisa Lmasiḥ wenni iy ḏaneɣ isemṣȓaḥen akiḏes.

Ayṯ-Ruma 5:18

Iḏen ijjen n ȓmuƹṣiyeṯ ig igga ijjen n bnaḏem ṯuwi-d lḥisab ḏ lƹiqab i marra iwḏan. Amenni ijjen n baraʼa ig igga ijjen n bnaḏem yuwi-d ṣṣulḥ ḏ ṯuḏarṯ i marra iwḏan.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

Ayṯ-Ruma 9:30

Iwa, min ɣa nini? Yinni war iǧin ca zi Ayṯ-Israʼil tuɣa war rezzun ca ṣṣulḥ ak Arebbi, walakin ufin-ṯ wami umnen.

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 3:25

Ȓexxu wami ṣafi imeḍhar-d lʼiman, war ṯeqqim ca Ccariƹa n Musa trebba-yaneɣ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Ufasus 2:7

Mayemmi? Ḥima Siḏi Arebbi ḏi zmanaṯ iy d ɣa yasen aḏ d ismeḍhar agȓa nnes iƹni arḍa nnes mecḥaȓ ig iǧa ḏ ameqqran bȓa ȓeqyas iy ḏaneɣ d isbeyyen ḏi Ƹisa Lmasiḥ.

Ayṯ-Filippas 3:9

Ḥima aḏayi afen ḏayes bȓa ca n ṣṣulḥ ak Arebbi iy d itasen zzayi nec waha ƹlaḥsab ccariƹa. Lla, ṣṣulḥ nni inu ak Arebbi itas-d s lʼiman inu zi Lmasiḥ, iƹni ṣṣulḥ nni itas-d zi Arebbi itas-d s lʼiman.

Ayṯ-Kulus 1:20

Ṯumma isemṣȓaḥ Arebbi qaƹ ṯimesȓayin i yixef nnes ig iǧan ḏi ṯmurṯ niɣ ḏeg ujenna iƹni igga ȓehna s iḏammen n Mmis iy yuzzȓen x ṣṣalib.

Ayṯ-Kulus 3:15

Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

2 Ayṯ-Salunik 3:16

Siḏiṯneɣ n ȓehna aḏawem yuc ijjen ȓehna ḏi aya ȓweqṯ u s marra ṯimesȓayin. Aḏ yiȓi Siḏi Arebbi akiḏwem marra.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.