Ayṯ-Ruma 4:1 - Ṯarifiṯ 2020

¹ Iwa min ɣa nini x jeddiṯneɣ Brahim? Min ḏas iweqƹen i netta?

Ayṯ-Ruma 4:1 ပူးပေါင်းရင်းမြစ်များ

Matta 3:9

Maci aḏ tinim ḏi nnefs nwem qa neccin ḏ ṯarwa n Brahim u ṣafi. Meȓa ixes Arebbi ṯarwa n Brahim, ataf aḏ iysi izra-ya aṯen yarr ḏ ṯarwa n Brahim!

Luqa 3:8

Meȓa ṯtubem ḏ ṣṣaḥ, ggeṯ ȓexḏayem ḏ ṯiṣebḥanin. Maci aḏ tinim ḏi nnefs nwem qa neccin ḏ ṯarwa n Brahim u ṣafi. Meȓa ixes Arebbi ṯarwa n Brahim, ataf aḏ iysi izra-ya aṯen yarr ḏ ṯarwa n Brahim!

Yuḥanna 8:33

Nnan-as: "Neccin zi ddurriṯ n Brahim, ƹemmarṣ war neǧi ḏ isemɣan i ḥadd. Mayemmi ḏaneɣ ṯenniḏ aḏ twaḍeȓqem aḏ tiȓim ḥurr?"

Yuḥanna 8:53

Ma cek ktar zi jeddiṯneɣ Brahim ḏ lʼanbiya nni immuṯen? Min ṯḥessbeḏ ixef nnec?"

Yuḥanna 8:56

Jeddiṯwem Brahim ifareḥ aṭṭas ƹlaḥsab xmi ɣa iẓer nhar inu, wami ṯ iẓra ifareḥ."

Ȓexḏayem 13:26

Inna-asen Bulus: "Ay ayṯma, a ṯarwa n Brahim, ay yinni iteggwḏen Arebbi! Qa ḏ neccin umi d issekk Arebbi awaȓ-a iy zi ɣa nenjem.

Ayṯ-Ruma 1:3

U manaya x Mmis Siḏiṯneɣ Ƹisa Lmasiḥ. Ƹlaḥsab ddat nnes ḏ bnaḏem netta zi ddurriṯ n Siḏna Dawed. Walakin ƹlaḥsab Arruḥ nnes iṣfan imeḍhar-d ḏ Mmis n Arebbi s yijjen n jjheḏ imɣar wami iy d ikkar zi ȓmewṯ.

Ayṯ-Ruma 3:5

Fa meȓa ȓbaṭeȓ nneɣ iy ntegg ismeḍhar-d ȓḥaqq n Arebbi, min ɣa nini? (Nec ssawaȓeɣ ƹlaḥsab lfikra n bnaḏem.) Arebbi, ma iḍeǧem-aneɣ xmi ḏaneɣ itƹaqab?

Ayṯ-Ruma 4:16

S manayenni ȓƹaheḏ-a ibna x lʼiman waḥḏes: Ḥima ȓƹaheḏ-a aḏ d yas zi arḍa nnes, ḥima aṯ iḍmen Arebbi i marra ddurriṯ n Brahim. U maci ɣir wenni iḏeffaren ccariƹa n Musa; Lla, uȓa ḏ wenni icarrcen ḏi lʼiman n Brahim. Netta ḏ jeddiṯneɣ marra.

Ayṯ-Ruma 6:1

Iwa, min ɣa nini? Ma a nsiɣi ḏi ȓmuƹṣiyaṯ ḥima aḏ ikṯar arḍa n Arebbi?

Ayṯ-Ruma 7:7

Iwa min ɣa nini? Ma ccariƹa n Musa nettaṯ s yixef nnes ḏ ijjen n ȓmuƹṣiyeṯ? Lla, ƹemmarṣ! Maƹlik ccariƹa war ṯeǧi, ataf war ssineɣ min ṯeƹna ȓmuƹṣiyeṯ. Maƹlik war ḏayes ȓuṣiyeṯ nni , ataf war ssineɣ min iƹna uƹeccaq.

Ayṯ-Ruma 8:31

Iwa, min ɣa nini menbaƹd i marra manaya? Meȓa Arebbi aqaṯ akiḏneɣ, uw izemmaren aḏ yiȓi ḍed nneɣ?

2 Ayṯ-Kurinṯ 11:22

Meȓa niṯni ḏ iƹibraniyen, uȓa ḏ nec ḏ aƹibrani. Meȓa niṯni zi Ayṯ-Israʼil, uȓa ḏ nec ḏ aʼisraʼili. Meȓa niṯni usin-d zi ṯarwa n Brahim, uȓa ḏ nec usiɣ-d zi ṯarwa n Brahim.

Iƹibraniyen 12:9

U ƹaweḏ neccin marra tuɣa ɣarneɣ lwalidin ḏi ddunect-a iy ḏaneɣ itrebban netseḏḥa zzaysen. Iwa neccin meȓa a neddar, ataf a nseḏḥa zi Babaṯneɣ n ujenna ktar niɣ lla?