Ayṯ-Ruma 3:9 - Ṯarifiṯ 2020

⁹ Iwa neccin Ayṯ-Israʼil, ma lḥala nneɣ ḥsen zeg yiwḏan nneɣni? Lla, ƹemmarṣ! Nenna qbeȓ qa Ayṯ-Israʼil ḏ yinni war iǧin ca zi Ayṯ-Israʼil marra negga ȓmuƹṣiyeṯ.

Ayṯ-Ruma 3:9 ပူးပေါင်းရင်းမြစ်များ

Luqa 7:39

Afarrisi nni iy ṯ iƹarḍen wami iẓra manaya inna ḏi nnefs nnes: Wanita maƹlik ḏ nnabi ataf aḏ issen min ṯeƹna ṯemɣarṯ-a iy ṯ itḥaḏan, nettaṯ ṯeƹṣa Arebbi.

Ayṯ-Ruma 1:18

Fa imeḍhar-d uɣḍab n Arebbi zeg ujenna x marra ccarr ḏ ȓbaṭeȓ iy teggen yiwḏan iƹni yinni itbeṭṭaȓen lḥaqiqa s ccarr nsen.

Ayṯ-Ruma 11:32

Liʼanna netta Arebbi yarra iwḏan marra ḏ imeḥbas n ȓmuƹṣiyeṯ ḥima aṯen irḥem marra iḏsen.

Ayṯ-Ruma 11:7

Iḏen, mixef rezzun Ayṯ-Israʼil war ṯ ufin ca, yinni itwaxḍaren ufin-ṯ. Yinni iqqimen, uȓawen nsen twaqsḥen.

Ayṯ-Ruma 2:1

Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

Ayṯ-Ruma 3:1

Iwa israʼiliyen, ma ɣarsen can nnfaƹ x yinni war iǧin ca zi Ayṯ-Israʼil? Ƹaweḏ ṭṭahareṯ, ma ḏayes can nnfaƹ?

Ayṯ-Ruma 3:19

Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Ayṯ-Ruma 3:5

Fa meȓa ȓbaṭeȓ nneɣ iy ntegg ismeḍhar-d ȓḥaqq n Arebbi, min ɣa nini? (Nec ssawaȓeɣ ƹlaḥsab lfikra n bnaḏem.) Arebbi, ma iḍeǧem-aneɣ xmi ḏaneɣ itƹaqab?

Ayṯ-Ruma 6:15

Iwa neccin ma a neƹṣa Arebbi xmi aqaneɣ swadday n arḍa nnes war neǧi ca swadday n ufus n ccariƹa? Lla, ƹemmarṣ!

Ayṯ-Ruma 7:14

Fa neccin nessen ccariƹa n Musa zi Arebbi, walakin nec ḏ bnaḏem twammenzeɣ i ȓmuƹṣiyeṯ.

1 Ayṯ-Kurinṯ 10:19

Min xseɣ nec aḏ iniɣ? Ma qqareɣ belli lmakla nni itqeddamen i lʼaṣnam nettaṯ ḏ ca n ȓḥajeṯ? Niɣ qqareɣ belli lʼaṣnam niṯni ḏ ca n ȓḥajeṯ?

1 Ayṯ-Kurinṯ 14:15

Iwa min ɣa ggeɣ? Aḏ ẓẓaǧeɣ s arruḥ inu, aḏ ẓẓaǧeɣ ƹaweḏ s ȓaƹqeȓ inu. Aḏ ɣennjeɣ s arruḥ inu, aḏ ɣennjeɣ ƹaweḏ s ȓaƹqeȓ inu.

1 Ayṯ-Kurinṯ 4:7

Cek, wi c iscenƹen x unneɣni? Kuȓ ȓḥajeṯ iy ɣarek ṯemmuc-ac niɣ lla? Y cek, wami immuc-ac manayenni mayemmi teftaxareḏ axmi war ḏac immuc ca?

Ayṯ-Galaṭya 3:10

Cuf, marra yinni itƹewwaȓen x ṭṭaƹa n Ccariƹa n Musa twanaƹƹȓen. Mayemmi? Ȓaḥeqqac Lkitab iqqar:

Ayṯ-Galaṭya 3:22

Walakin lla, Lkitab iqqar belli marra min iǧan netta amecnaw ameḥbus n ȓmuƹṣiyeṯ. Mayemmi? Bac min iwƹeḏ aḏ immuc s lʼiman zi Ƹisa Lmasiḥ i yinni iy ɣa yamnen.

Ayṯ-Filippas 1:18

Walakin maƹlic, s ṯnayen n ibriḏen-a Lmasiḥ itwabeccar. Ḏ manayenni iy iǧan muhim waxxa s wuȓ iy iǧan ḏ aɣeddar niɣ s wuȓ iy iǧan iṣfan. U s manayenni iy zi farḥeɣ nec. Wah, aḏ qqimeɣ nec farrḥeɣ.