Ayṯ-Ruma 3:29 - Ṯarifiṯ 2020

²⁹ Iwa Arebbi, ma netta ḏ Arebbi n Ayṯ-Israʼil waha? Lla! Ma war iǧi uȓa ḏ Arebbi n yiwḏan war iǧin ca zi Ayṯ-Israʼil? Wah, ḏ Arebbi nsen uȓa ḏ niṯni.

Ayṯ-Ruma 3:29 ပူးပေါင်းရင်းမြစ်များ

Matta 22:32

Iqqar qa nec ḏ Arebbi n Brahim, ḏ Arebbi n Isḥaq, ḏ Arebbi n Yaƹqub." Inna-asen Ƹisa: "Netta ḏ Arebbi n yinni iddaren maci n yinni immuṯen."

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Ȓexḏayem 10:34

Ibḏa Buṭrus issawaȓ inna-asen: "Ḏ ṣṣaḥ twaȓiɣ Arebbi war itegg ca s wuḏemawen jar yiwḏan.

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ȓexḏayem 26:17

Ac snejmeɣ zi lʼumma nnec, ac snejmeɣ ƹaweḏ zeg yinni war iǧin ca zi Ayṯ-Israʼil. Ac ssekkeɣ ɣarsen

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ruma 10:12

Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

Ayṯ-Galaṭya 3:14

S Ƹisa Lmasiḥ ṯehwa-d lbaraka nni iy zi tuɣa ṯ iwƹeḏ Arebbi i Brahim ṯuweḍ ɣar ȓegnus, ḥima s lʼiman aḏaneɣ immuc Arruh iqeddsen iy zi ḏaneɣ iwƹeḏ.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.