Ayṯ-Ruma 3:27 - Ṯarifiṯ 2020

²⁷ Iwa ma a neftaxer s can ȓḥajeṯ? Lla, memnuƹ! Ma memnuƹ s ccariƹa, iƹni s lḥasanaṯ? Lla, s lʼiman!

Ayṯ-Ruma 3:27 ပူးပေါင်းရင်းမြစ်များ

Marqus 16:16

Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Yuḥanna 3:36

Wenni itamnen zi Mmis ataf ɣares ṯuḏarṯ n ȓebda. Wenni war itṭiƹin ca i Mmis, ataf war ɣares bu ṯuḏarṯ axas iɣḍeb Arebbi."

Ayṯ-Ruma 10:5

Cuf, mammec iǧa ubriḏ n ṣṣulḥ ƹlaḥsab ccariƹa? Yura xas Musa inna: Marra wi ɣa ixeḏmen s ṯmesȓayin-a ṯina, ataf azzaysent iƹic.

Ayṯ-Ruma 11:6

Meȓa ixḍar-iṯen s arḍa nnes, ataf ȓexxu war iǧi ca s lḥasanaṯ nsen. Meȓa maci amenni, ataf arḍa war itiȓi bu ḏ arḍa.

Ayṯ-Ruma 2:17

Iwa cek, meȓa ṯḥessbeḏ ixef nnec ḏ aʼisraʼili, trajiḏ zi ccariƹa, teftaxareḏ s lƹalaqa nnec ak Arebbi.

Ayṯ-Ruma 2:23

Cek iteftaxaren zi ccariƹa, ma war tweqqareḏ ca Arebbi xmi ṯƹeṣṣiḏ min ḏayes ḏi ccariƹa n Musa?

Ayṯ-Ruma 3:19

Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Ayṯ-Ruma 3:26

ḥima aḏ d ismeḍhar ḏi zman-a ȓḥaqq nnes. Liʼanna Arebbi netta nican ig iǧa, netta isemṣȓaḥ akiḏes wenni ɣa yamnen zi Ƹisa.

Ayṯ-Ruma 4:2

Maƹlik netta isemṣȓaḥ-iṯ Arebbi akiḏes ƹlaḥsab ȓexḏayem nnes, ataf Brahim ɣares ȓḥaqq iy zi ɣa iftaxer zeg yixef nnes walakin zzaṯ i Arebbi lla.

Ayṯ-Ruma 7:21

Falihaḏa nec ufiɣ ḏeg yixef inu ijjen n ṭṭabiƹa, iƹni xmi texseɣ aḏ ggeɣ can ṯmesȓayṯ ḏ ṯaṣebḥant, ufiɣ ḏinni ccarr yuḏes.

Ayṯ-Ruma 7:23

walakin tafeɣ ijjen n ṭṭabiƹa nneɣni ḏeg yixef inu ig itmenɣan ak min ɣari ḏi ȓaƹqeȓ inu. S ṭṭabiƹa-ya teqqen-ayi ȓmuƹṣiyeṯ nni iy ḏayi izeddɣen ḏeg yixef inu.

Ayṯ-Ruma 7:25

Tcekkareɣ Arebbi ƹlaḥsab Siḏiṯneɣ Ƹisa Lmasiḥ! S manaya ḏi ȓaƹqeȓ inu nec ḏ ismeɣ n ccariƹa n Arebbi, nec ḏi ddat inu ḏ ismeɣ n ṭṭabiƹa n ȓmuƹṣiyeṯ.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Ayṯ-Ruma 9:11

Ṯumma ikkar Arebbi inna-as i Rafiqa qa ameqqran aḏ yiȓi ḏ axeddam ɣar umezyan. Iȓaɣa-yas-d Arebbi i netta waha, niṯni war ggin walu. Tuɣa ƹaḏ war d xȓiqen ca ƹaḏ war ggin ȓxir war ggin ccarr, walakin Siḏi Arebbi ixḍar ijjen zzaysen ismeḍhar-d ȓxaḍar nnes iy ɣa yiȓin.

Ayṯ-Ruma 9:31

Ayṯ-Israʼil wami rezzun ijjen n ccariƹa iticcen ṣṣulḥ ak Arebbi, war ufin ca ccariƹa nni.

Ayṯ-Ruma 9:32

Mayemmi? Liʼanna tuɣa rezzun ṣṣulḥ nni s ȓexḏayem nsen waha bȓa ma aḏ amnen. Nqeȓḍen ḏeg uzru nni iy ḏi tneqȓaḍen yiwḏan.

1 Ayṯ-Kurinṯ 4:7

Cek, wi c iscenƹen x unneɣni? Kuȓ ȓḥajeṯ iy ɣarek ṯemmuc-ac niɣ lla? Y cek, wami immuc-ac manayenni mayemmi teftaxareḏ axmi war ḏac immuc ca?

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 3:22

Walakin lla, Lkitab iqqar belli marra min iǧan netta amecnaw ameḥbus n ȓmuƹṣiyeṯ. Mayemmi? Bac min iwƹeḏ aḏ immuc s lʼiman zi Ƹisa Lmasiḥ i yinni iy ɣa yamnen.