Ayṯ-Ruma 3:25 - Ṯarifiṯ 2020

²⁵ Arebbi iqeddem-iṯ ḏ lfidya ḥima aḏ twaɣfarent ȓmuƹṣiyaṯ s iḏammen nnes, iƹni i yinni iqebbȓen manayenni s lʼiman nsen. S manayenni ismeḍhar-d Arebbi ȓḥaqq nnes. Netta tuɣa iṣebbar, war t yuwi ca ḏi ȓmuƹṣiyaṯ nni iy iƹḏun,

Ayṯ-Ruma 3:25 ပူးပေါင်းရင်းမြစ်များ

Yuḥanna 6:47

Aqa tesȓam ȓḥaqq: Wenni iy ɣa yamnen aɣares ṯiȓi ṯuḏarṯ n ȓebda.

Ȓexḏayem 14:16

Ḏi zmanaṯ iƹḏun, Arebbi ijja marra ȓegnus aḏ ḏfaren ibriḏen iy xsen.

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ȓexḏayem 2:23

Y kenniw min ḏas ṯeggim? Wami itwasellem ƹlaḥsab mammec ixes Arebbi ḏ mammec tuɣa issen netta, kenniw tṣellbem-ṯ ṯenɣim-ṯ s ifassen n lkuffar.

Ȓexḏayem 3:18

Ammu ikemmeȓ wawaȓ nnes iy inna Arebbi i marra lʼanbiya zi qbeȓ, iƹni itxeṣṣa Lmasiḥ nnes aḏ itwaƹeddeb.

Ȓexḏayem 4:28

Ggin qaƹ min tuɣa ṯzemmmeḏ aḏ iwqeƹ s ufus ḏ ȓxaḍar nnec.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

Ayṯ-Ruma 3:26

ḥima aḏ d ismeḍhar ḏi zman-a ȓḥaqq nnes. Liʼanna Arebbi netta nican ig iǧa, netta isemṣȓaḥ akiḏes wenni ɣa yamnen zi Ƹisa.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ruma 5:11

War iǧi ɣir manaya waha, neccin nfarreḥ zi Arebbi s Siḏiṯneɣ Ƹisa Lmasiḥ wenni iy ḏaneɣ isemṣȓaḥen akiḏes.

Ayṯ-Ruma 5:18

Iḏen ijjen n ȓmuƹṣiyeṯ ig igga ijjen n bnaḏem ṯuwi-d lḥisab ḏ lƹiqab i marra iwḏan. Amenni ijjen n baraʼa ig igga ijjen n bnaḏem yuwi-d ṣṣulḥ ḏ ṯuḏarṯ i marra iwḏan.

Ayṯ-Ruma 5:9

Iḏen, aqaneɣ bariʼin ȓexxu s iḏammen n Lmasiḥ, u labud zzayes iy ɣa nenjem zeg uɣḍab n Arebbi.

1 Ayṯ-Kurinṯ 5:7

Kkseṯ antun nni aqḏim ḥima aḏ tiȓim ḏ ijjen n ȓƹajneṯ ḏ jḏiḏ n urecṯi bȓa antun. Liʼanna ammu ḏ ṣṣaḥ iy ṯeǧam kenniw. Cuf, itwaɣareṣ ȓƹiḏ nneɣ iƹni Lmasiḥ.

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Ufasus 2:13

Walakin wami ṯumnem zi Ƹisa Lmasiḥ, kenniw iy tuɣa ṯuggwjem aṭṭas zi Arebbi qbeȓ, ṣafi ȓexxu isqarreb-ikenniw-d ɣares s iḏammen n Lmasiḥ.

1 Timutawus 1:15

Aqa ijjen n wawaȓ ḏayes ttiqeṯ u labud aḏ itwaqbeȓ marra, iƹni Ƹisa Lmasiḥ yusa-d ɣar ddunect-a bac aḏ isenjem yinni iƹeṣṣan, zzaysen nec ig iǧan ḏ lƹaṣi ḏ ameqqran xasen marra.

Iƹibraniyen 10:4

Liʼanna iḏammen n iyenduzen ḏ iɣayḏen war zemmaren ca aḏ kksen ȓmuƹṣiyeṯ, war itemkin ca.

Iƹibraniyen 11:14

Iwḏan iy ssawaȓen ammu iteḍhar-d belli rezzun x yijjen n ṯmurṯ aḏ tiȓi ḏ ṯamurṯ nsen.

Iƹibraniyen 11:17

S lʼiman ikkar nnabi Brahim aḏ iqeddem ḏ dbiḥeṯ s memmis Isḥaq wami ṯ ijarreb Arebbi. Iƹni tuɣa itqeddam ḏ dbiḥeṯ s memmis waḥḏes iy zi iwƹeḏ Arebbi Brahim,

Iƹibraniyen 11:7

S lʼiman nnabi Nuḥ wami ḏas iƹȓem Arebbi x ṯmesȓayin nni war ṯent ẓrin yiwḏan ƹemmarṣ, ikkar netta s yijjen n ṯiggwḏi ḏ yijjen n ȓeḥya igga aɣarrabu bac aḏ isenjem ayṯbab n ṯeddarṯ nnes. Wami igga manayenni netta iƹeyyeb ddunect, iwareṯ ṣṣulḥ nni iy d itasen s lʼiman.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

Iƹibraniyen 9:5

Ṯaqebbarṯ n tabut-a xas ṯnayen n lmexluqaṯ n lƹaḍama ggin am munikuṯ ɣarsen afriwen. Ṯiȓi n wafriwen nsen ṯɣeṭṭa ṯaqebbarṯ-a ṯanita n arraḥmeṯ. Walakin neccin ḏi ȓweqṯ-a war nzemmar a nweṣṣef ṯimesȓayin-a ṯa s ṯa.

1 Yuḥanna 1:10

Meȓa neqqar qa neccin war neƹṣi ca Arebbi, ataf netta ntarra-ṯ ḏ bu-ixarriqen, ataf awaȓ nnes war ḏayneɣ izeddeɣ ca.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

1 Yuḥanna 4:10

S manayenni minzi ḏas qqaren ȓemḥibbeṯ. Maci ḏ neccin iy ixsen Arebbi, ḏ netta iy ḏaneɣ ixsen wami d issekk Mmis aḏ yiȓi ḏ lfidya x ȓmuƹṣiyaṯ nneɣ.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.