Ayṯ-Ruma 3:22 - Ṯarifiṯ 2020

^22-23 Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

Ayṯ-Ruma 3:22 ပူးပေါင်းရင်းမြစ်များ

Luqa 15:22

Inna-asen babas i ixeddamen nnes: Ruḥem ḏeɣya awim-d čammir ḏ aṣebḥan arḍem-as-ṯ. Ggem-as ṯxaḏent ḏeg ufus nnes, ggem-as ṯisiȓa ḏeg iḍaren nnes.

Ȓexḏayem 11:12

Ṯumma iweṣṣa-ayi Arruḥ n Arebbi inna-ayi ruḥ akiḏsen bȓa ma aḏaysen ṯcekkeḏ. Uwiɣ akiḏi setta-ya n yayṯma, nuḏef ɣar ṯeddarṯ n Kurninyus.

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

Ȓexḏayem 3:16

Ḏeg yisem n Ƹisa iƹni ḏ lʼiman s yisem nnes, aqa aryaz-a iy twaȓam iy ṯessnem iḏweȓ ijheḏ. S lʼiman nnes ḏi Ƹisa iy zi igenfa qaƹ mammec twaȓam marra kenniw.

Ayṯ-Ruma 1:17

Arebbi isbeyyen-aneɣ-d ḏi Lʼinjil mammec ɣa nemṣȓaḥ akiḏes, manaya s lʼiman waḥḏes. Mammec iqqar Lkitab:

Ayṯ-Ruma 10:12

Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

Ayṯ-Ruma 10:4

Li'anna Lmasiḥ ḏayes ḏi netta iy ṯkemmeȓ ccariƹa ḥima marra wi zzayes ɣa yamnen aḏ imeṣȓaḥ ak Arebbi.

Ayṯ-Ruma 2:1

Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

Ayṯ-Ruma 3:30

Liʼanna Arebbi netta ḏ ijjen. Ḏ netta ig ismeṣȓahen Ayṯ-Israʼil akiḏes s lʼiman, ḏ yinni war iǧin ca zi Ayṯ-Israʼil s nnefs lʼiman.

Ayṯ-Ruma 4:16

S manayenni ȓƹaheḏ-a ibna x lʼiman waḥḏes: Ḥima ȓƹaheḏ-a aḏ d yas zi arḍa nnes, ḥima aṯ iḍmen Arebbi i marra ddurriṯ n Brahim. U maci ɣir wenni iḏeffaren ccariƹa n Musa; Lla, uȓa ḏ wenni icarrcen ḏi lʼiman n Brahim. Netta ḏ jeddiṯneɣ marra.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Ayṯ-Ruma 9:30

Iwa, min ɣa nini? Yinni war iǧin ca zi Ayṯ-Israʼil tuɣa war rezzun ca ṣṣulḥ ak Arebbi, walakin ufin-ṯ wami umnen.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 4:7

Cek, wi c iscenƹen x unneɣni? Kuȓ ȓḥajeṯ iy ɣarek ṯemmuc-ac niɣ lla? Y cek, wami immuc-ac manayenni mayemmi teftaxareḏ axmi war ḏac immuc ca?

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 3:22

Walakin lla, Lkitab iqqar belli marra min iǧan netta amecnaw ameḥbus n ȓmuƹṣiyeṯ. Mayemmi? Bac min iwƹeḏ aḏ immuc s lʼiman zi Ƹisa Lmasiḥ i yinni iy ɣa yamnen.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

Ayṯ-Ufasus 3:12

Zzayes netta a nqarreb ɣar Arebbi s zƹameṯ ḏ ttiqeṯ bȓa ma a neggweḏ xmi zzayes ntamen.

Ayṯ-Filippas 3:9

Ḥima aḏayi afen ḏayes bȓa ca n ṣṣulḥ ak Arebbi iy d itasen zzayi nec waha ƹlaḥsab ccariƹa. Lla, ṣṣulḥ nni inu ak Arebbi itas-d s lʼiman inu zi Lmasiḥ, iƹni ṣṣulḥ nni itas-d zi Arebbi itas-d s lʼiman.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Yaƹqub 2:23

Ḏ wa ḏ ȓmaƹna n wawaȓ nni n Arebbi ḏi Lkitab wami inna: "Uca yumen Brahim zi Arebbi, ikkar Arebbi isemṣȓaḥ-iṯ akiḏes s lʼiman nni." Amenni ig ijja Arebbi Brahim ḏ ameddukeȓ nnes.