Ayṯ-Ruma 3:20 - Ṯarifiṯ 2020

²⁰ Falihaḏa, uȓa ḏ ijjen n bnaḏem war izemmar aḏ imeṣȓaḥ ak Arebbi s ȓexḏayem iy ḏayes ḏi ccariƹa; Lla, ccariƹa ṯesbeyyan-aneɣ-d min ṯeƹna ȓmuƹṣiyeṯ.

Ayṯ-Ruma 3:20 ပူးပေါင်းရင်းမြစ်များ

Ayṯ-Ruma 2:13

Liʼanna iwḏan war tmeṣȓiḥen ca ag Arebbi meȓa tṣennaṭen waha i wawaȓ n ccariƹa; Lla, yinni iteggen array s min ḏayes ḏi ccariƹa, ataf ḏ yinni iy itmeṣȓaḥen ag Arebbi.

Ayṯ-Ruma 3:28

Mayemmi? Ȓaḥeqqac neccin ɣarneɣ belli bnaḏem ismeṣȓah-iṯ Arebbi akiḏes s lʼiman nnes bȓa lḥasanaṯ n ccariƹa.

Ayṯ-Ruma 4:13

Ȓƹaheḏ iy zi iwƹeḏ Arebbi Brahim ḏ ddurriṯ nnes ḥima aḏ iwareṯ netta ddunect. Ȓƹaheḏ nni war d yusi ca s ccariƹa, yusa-d s lʼiman nni ig isemṣȓaḥen iwḏan ak Arebbi.

Ayṯ-Ruma 4:15

Aqa ccariƹa n Musa tawi-d lƹiqab n Arebbi. Walakin mani war tiȓi ca ccariƹa war tiȓi ca ḏinni ȓmuƹṣiyeṯ.

Ayṯ-Ruma 5:13

Aqa ȓmuƹṣiyeṯ tuɣa teǧa ḏi ddunect qbeȓ ma aḏ d ṯas ccariƹa. Walakin mani war ṯuwiḍ ca ccariƹa, Arebbi war ḏinni itḥisib bu ȓmuƹṣiyeṯ.

Ayṯ-Ruma 5:20

U ccariƹa nettaṯ ṯuḏef-d ḥima aḏ kṯarent ȓmuƹṣiyaṯ. Walakin cḥaȓ ma kṯarent ȓmuƹṣiyaṯ, arḍa n Arebbi ikṯar ktar zzaysent.

Ayṯ-Ruma 7:11

Liʼanna ȓmuƹṣiyeṯ ṯufa ḏayi lfurṣa s ȓuṣiyeṯ-a ṯecmeṯ-ayi u ƹaweḏ zzayes zi ȓuṣiyeṯ-a ṯneɣ-ayi.

Ayṯ-Ruma 9:32

Mayemmi? Liʼanna tuɣa rezzun ṣṣulḥ nni s ȓexḏayem nsen waha bȓa ma aḏ amnen. Nqeȓḍen ḏeg uzru nni iy ḏi tneqȓaḍen yiwḏan.

1 Ayṯ-Kurinṯ 15:56

Aqa ȓmewṯ ṯiqqest nnes tas-d zi ȓmuƹṣiyeṯ. Qa ȓmuƹṣiyeṯ ṯizemmar nnes tas-d zi ccariƹa.

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 2:19

Ƹlaḥsab Ccariƹa n Musa nettaṯ s yixef nnes, nec mmuṯeɣ zaƹma i ȓeḥkam n Ccariƹa-ya xafi bac aḏ ddareɣ i Arebbi waha.

Ayṯ-Galaṭya 5:4

Kenniw iy irezzun ṣṣulḥ s ccariƹa nni ak Arebbi, aqa ṯetwaḥarrmem zi Lmasiḥ ṯbeƹƹḏem x arḍa nnes.

Iƹibraniyen 7:19

Iffeɣ-d ijjen lʼamal ḥsen zi ȓuṣiyeṯ nni, zzayes iy ɣa nqarreb ɣar Arebbi ȓaḥeqqac Ccariƹa n Musa war d tarri uȓa ḏ ijjen ȓḥajeṯ war ḏayes bu ȓƹib.