Ayṯ-Ruma 3:2 - Ṯarifiṯ 2020

² Wah, aṭṭas n nnfaƹ! Ḏ amezwaru, ijja-asen-d Arebbi awaȓ nnes ḏ lʼamana.

Ayṯ-Ruma 3:2 ပူးပေါင်းရင်းမြစ်များ

Yuḥanna 5:39

Ṯrezzum ḏi Lkutub kenniw tɣir-awem ḏaysen ṯuḏarṯ n ȓebda. Iwa uȓa ḏ yina cehhḏen xafi.

Ȓexḏayem 7:38

Ḏ netta Musa iy igguren ak jmaƹeṯ n Ayṯ-Israʼil ig imunen ḏi ṣṣaḥra. Ḏ netta mikeḏ ṯessiweȓ lmalaʼika x uḏrar n Sina ḏ ȓejḏuḏ nneɣ. Ḏ netta iy xef d hwan wawaȓen iddaren ḥima aḏaneɣ ṯen yuc.

Ayṯ-Ruma 1:2

Lʼinjil-a iy zi iwƹeḏ Arebbi ḏi zman s yiȓes n lʼanbiya nnes ḏi Lkitab lmuqeddes.

Ayṯ-Ruma 2:18

Meȓa cek ṯessneḏ min ixes Arebbi, ṯessneḏ ƹaweḏ aḏ tixḍareḏ min iǧan nican liʼanna ccariƹa n Musa ṯesfehham-ic.

Ayṯ-Ruma 3:1

Iwa israʼiliyen, ma ɣarsen can nnfaƹ x yinni war iǧin ca zi Ayṯ-Israʼil? Ƹaweḏ ṭṭahareṯ, ma ḏayes can nnfaƹ?

Ayṯ-Ruma 3:3

Iwa meȓa ȓebƹaḍ zzaysen war uminen ca, ma s lkufer nsen iy zi ɣa isbeṭṭeȓ Arebbi ȓƹaheḏ nnes?

Ayṯ-Ruma 9:4

Niṯni ḏ Ayṯ-Israʼil, itbenna-ṯen Siḏi Arebbi. Ismeḍhar-asen-d lƹaḍama nnes, iƹaheḏ-iṯen, yuca-asen ccariƹa n Musa ḏ lƹibada, iwƹeḏ-iṯen.

1 Ayṯ-Kurinṯ 9:17

Meȓa tbeccareɣ s ȓxaḍar inu, ataf aḏayi ijaza Arebbi. Meȓa war iǧi bu s ȓxaḍar inu, iƹni ataf teggeɣ ijjen n lmesʼuliya bezzez xafi waha.

2 Ayṯ-Kurinṯ 5:19

Iƹni Arebbi igga ḏi Lmasiḥ bac aḏ isemṣȓaḥ iwḏan akiḏes, war xasen iḥesseb ca ȓmuƹṣiyaṯ nsen. Ƹaweḏ Arebbi ikellef xaneɣ awaȓ-a wanita n ṣṣulḥ.

Ayṯ-Galaṭya 2:7

Walakin min ufin? Ufin ikellef-ayi Arebbi bac aḏ beccareɣ i iyunaniyen mammec ikellef Buṭrus bac aḏ ibeccar i Ayṯ-Israʼil.

1 Timutawus 6:20

A Timutawus, ḥḍa minxef tkellafeḏ qbeȓ. Awggwej zi min tperpiren yinni war yuminen ca ḏ lʼafkar nni iy ḏaneɣ itƹarraḍen qqaren-as Lƹarfaniya walakin manayenni ḏ ixarriqen waha.

Iƹibraniyen 5:12

Cuf, wa labud kenniw ȓexxu aḏ tiȓim ḏ imseȓmaḏen walakin ƹaḏ itxeṣṣa-yawem ijjen akenniw isɣar s ṯɣuri nni ṯamezwarut zeg wawaȓ n Arebbi. Kenniw teḥḏajam aɣi waha, maci lmakla ḏ ṣṣaḥ.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 22:6

Inna-ayi lmalak wenni: "Awaȓen-a ḏaysen ȓaman ḏaysen ȓḥaqq. Arebbi netta ḏ Mawlana iy d isehwan lwaḥi x lʼanbiya, issekk-d lmalak nnes ḥima aḏ d ismeḍhar i yinni iy ṯ iƹebbḏen min labud ɣa iweqƹen ƹȓayen."