Ayṯ-Ruma 3:19 - Ṯarifiṯ 2020

¹⁹ Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Ayṯ-Ruma 3:19 ပူးပေါင်းရင်းမြစ်များ

Yuḥanna 15:25

Manaya iwqeƹ ḥima aḏ ikemmeȓ wawaȓ ig yurin ḏi ccariƹa nsen wami inna

Yuḥanna 8:9

Wami sȓin i wawaȓ-a bḏan ugguren ij-ij, iwessura ḏ imezwura. Iqqim Ƹisa waḥḏes netta ḏ ṯemɣarṯ nni ṯbedd zzaṯes.

Ayṯ-Ruma 1:20

Zeg wami ṯeǧa ddunect-a, min war itwaẓerren n Arebbi iƹni jjheḏ nnes itduman ḏ ṭṭabiƹa nnes yuƹȓan, nfehhem-iṯent nẓerr-iṯent mliḥ ḏi ṯmesȓayin itwaxeȓqen. Ƹlaḥsab manaya iwḏan war ɣarsen bu lƹuder.

Ayṯ-Ruma 3:2

Wah, aṭṭas n nnfaƹ! Ḏ amezwaru, ijja-asen-d Arebbi awaȓ nnes ḏ lʼamana.

Ayṯ-Ruma 3:4

Ƹemmarṣ! Ȓaḥeqqac Arebbi iqqar lḥaqiqa waxxa iwḏan marra sxerriqen. Mammec iqqar Lkitab:

Ayṯ-Ruma 3:9

Iwa neccin Ayṯ-Israʼil, ma lḥala nneɣ ḥsen zeg yiwḏan nneɣni? Lla, ƹemmarṣ! Nenna qbeȓ qa Ayṯ-Israʼil ḏ yinni war iǧin ca zi Ayṯ-Israʼil marra negga ȓmuƹṣiyeṯ.

1 Ayṯ-Kurinṯ 1:29

Mayemmi? Ḥima uȓa ḏ ijjen n bnaḏem war iteftaxar ca zzaṯ i Arebbi.

Ayṯ-Galaṭya 3:10

Cuf, marra yinni itƹewwaȓen x ṭṭaƹa n Ccariƹa n Musa twanaƹƹȓen. Mayemmi? Ȓaḥeqqac Lkitab iqqar:

Ayṯ-Galaṭya 4:21

Inim-ayi kenniw itexsen axawem ṯḥekkem Ccariƹa n Musa. Ma war ṯessinem min ḏayes ḏi ccariƹa nni niɣ?

Ayṯ-Galaṭya 4:5

Mayemmi? Ḥima aḏ iqeddem lfidya x yinni iy xef ṯḥekkem Ccariƹa n Musa bac aḏaneɣ itbenna Arebbi a niȓi ḏ ṯarwa nnes.

Ayṯ-Galaṭya 5:18

U meȓa ȓxaḍar n Arruḥ iqeddsen indeh-ikenniw, ataf war xawem ṯḥekkim ca ccariƹa.