Ayṯ-Ruma 2:14 - Ṯarifiṯ 2020

¹⁴ U ḏ ṣṣaḥ, yinni war iǧin ca zi Ayṯ-Israʼil war ɣarsen ca ccariƹa, maƹlik teggen array s nniyyeṯ nsen min ḏayes ḏi ccariƹa n Musa, ataf niṯni aḏ iȓin ḏ ccariƹa s yixef nsen waxxa war ɣarsen ca ccariƹa n Musa.

Ayṯ-Ruma 2:14 ပူးပေါင်းရင်းမြစ်များ

Ȓexḏayem 10:35

Arebbi iqebbeȓ iwḏan zi mkuȓ ȓgens yinni iy ṯ iteggwḏen teggen min iǧan nican.

Ȓexḏayem 14:16

Ḏi zmanaṯ iƹḏun, Arebbi ijja marra ȓegnus aḏ ḏfaren ibriḏen iy xsen.

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ayṯ-Ruma 1:32

Waxxa ssnen Arebbi iḥekkem xasen s ȓmewṯ x yinni iteggen ṯimesȓayin-a, niṯni kkaren teggen-ṯent. Ktar zi manaya, reṭṭan x yinni iy ṯent iteggen.

Ayṯ-Ruma 2:12

Cuf, marra yinni iƹeṣṣan niṯni war ɣarsen tiȓi bu ccariƹa, ataf aḏ fnan bȓa ccariƹa. Walakin yinni iƹeṣṣan ataf ɣarsen ccariƹa, aḏ twaḥakmen ƹlaḥsab ccariƹa nni.

Ayṯ-Ruma 2:15

Yina seḍharen-d belli min yurin ḏi ccariƹa aqaṯ ɣarsen yura ḏeg wuȓawen nsen. Ȓaƹquȓaṯ nsen iy zi ṣaḥḥen manaya, ḍḍamir nsen iƹeǧem-asen xmi teggen min iǧan ḏ aṣebḥan niɣ ḏ min iǧan war iḥȓin.

Ayṯ-Ruma 2:27

Iƹni wenni ixeddmen s min ḏayes ḏi ccariƹa n Musa, waxxa war iggi ca ṭṭahareṯ ḏi ddat, axac iḥkem cek iy ɣar iǧa Lkitab nni ḏ ṭṭahareṯ. Mayemmi? Liʼanna cek ṯƹeṣṣiḏ ccariƹa.

1 Ayṯ-Kurinṯ 11:14

Yak ddunect-a s yixef nnes ṯseȓmaḏ-ikenniw, aryaz meȓa ijja acewwaf ḏ azeyrar ḏ ȓƹib niɣ lla?

1 Ayṯ-Kurinṯ 9:21

Arriɣ ixef inu am yijjen war ɣares ṯeǧi ca Ccariƹa n Musa ɣar yinni war ɣarsen ṯeǧi ca Ccariƹa n Musa bac ataf aṯen rebḥeɣ (waxxa nec war ǧiɣ ca bȓa ccariƹa n Arebbi, ṯḥekkem xafi ccariƹa n Lmasiḥ).

Ayṯ-Ufasus 2:12

Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.