Ayṯ-Ruma 2:12 - Ṯarifiṯ 2020

¹² Cuf, marra yinni iƹeṣṣan niṯni war ɣarsen tiȓi bu ccariƹa, ataf aḏ fnan bȓa ccariƹa. Walakin yinni iƹeṣṣan ataf ɣarsen ccariƹa, aḏ twaḥakmen ƹlaḥsab ccariƹa nni.

Ayṯ-Ruma 2:12 ပူးပေါင်းရင်းမြစ်များ

Matta 11:22

X manayenni aḏawem iniɣ: Aqa ṯineddam ṯiƹeffanin nni n Ṣur ḏ Ṣayda aḏ iȓint ḥsen zzaywem ḏi Yum Lḥisab ḏ Lƹiqab.

Matta 11:24

X manayenni aḏawem iniɣ: Aqa ṯandint ṯaƹeffant nni n Sadum aḏ tiȓi ḥsen zzayec ḏi Yum Lḥisab ḏ Lƹiqab!"

Yuḥanna 19:11

Indeq-d Ƹisa inna-as: "War ɣarek bu jjheḏ xafi illa meȓa immuc-ac zi Arebbi. Ƹlaḥsab manaya, wenni iy ḏayi d yuwin ɣarec, ɣares ddnub ktar zzayek."

Ȓexḏayem 2:23

Y kenniw min ḏas ṯeggim? Wami itwasellem ƹlaḥsab mammec ixes Arebbi ḏ mammec tuɣa issen netta, kenniw tṣellbem-ṯ ṯenɣim-ṯ s ifassen n lkuffar.

Ayṯ-Ruma 1:32

Waxxa ssnen Arebbi iḥekkem xasen s ȓmewṯ x yinni iteggen ṯimesȓayin-a, niṯni kkaren teggen-ṯent. Ktar zi manaya, reṭṭan x yinni iy ṯent iteggen.

Ayṯ-Ruma 4:15

Aqa ccariƹa n Musa tawi-d lƹiqab n Arebbi. Walakin mani war tiȓi ca ccariƹa war tiȓi ca ḏinni ȓmuƹṣiyeṯ.

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

1 Ayṯ-Kurinṯ 9:21

Arriɣ ixef inu am yijjen war ɣares ṯeǧi ca Ccariƹa n Musa ɣar yinni war ɣarsen ṯeǧi ca Ccariƹa n Musa bac ataf aṯen rebḥeɣ (waxxa nec war ǧiɣ ca bȓa ccariƹa n Arebbi, ṯḥekkem xafi ccariƹa n Lmasiḥ).

Ayṯ-Galaṭya 3:10

Cuf, marra yinni itƹewwaȓen x ṭṭaƹa n Ccariƹa n Musa twanaƹƹȓen. Mayemmi? Ȓaḥeqqac Lkitab iqqar:

Ayṯ-Galaṭya 3:22

Walakin lla, Lkitab iqqar belli marra min iǧan netta amecnaw ameḥbus n ȓmuƹṣiyeṯ. Mayemmi? Bac min iwƹeḏ aḏ immuc s lʼiman zi Ƹisa Lmasiḥ i yinni iy ɣa yamnen.

Yaƹqub 2:10

Liʼanna wenni ixeddmen ḏi Ccariƹa-ya marra, meȓa ixḍa ɣir ḏeg yijjen n ȓuṣiyeṯ nnes ataf netta ixḍa ḏi ccariƹa amen-ṯekmaȓ.