Ayṯ-Ruma 2:10 - Ṯarifiṯ 2020

¹⁰ Walakin aḏ tiȓi lhimma ḏ uweqqar ḏ ȓehna i marra yinni iteggen lḥasanaṯ, Ayṯ-Israʼil ḏ imezwura ƹaḏ ḏ yinni war iǧin ca zi Ayṯ-Israʼil.

Ayṯ-Ruma 2:10 ပူးပေါင်းရင်းမြစ်များ

Matta 10:13

Meȓa qebȓen-kenniw ayṯbab nnes, ataf akiḏsen ṯiȓi lbaraka nwem. Meȓa war kenniw qbiȓen ca, ataf war kisen tɣimi ca lbaraka nwem.

Luqa 1:79

Ḥima aḏ yuc ṯfawṯ i yinni itƹicen ḏi ṯaǧesṯ ḏi ṯiȓi n ȓmewṯ, ḥima aḏaneɣ isuyur iḍaren nneɣ ɣar ubriḏ n ȓehna."

Luqa 12:37

Ssaƹḏ n ixeddamen nni meȓa yusa-d siḏiṯsen yufi-ṯen ƹaḏ war ṭṭiṣen ca. Aqa tesȓam ȓḥaqq: Aḏ igeffeḍ siḏiṯsen aṯen isɣim, aḏ ibḏa itsexxar xasen.

Luqa 19:42

Inna: "A ṯandint n Lquds, cem maƹlik tuɣa ṯessneḏ nhara ṯimesȓayin iy d iticcen ȓehna! Walakin lla, ȓexxu nuffarent x ṯiṭṭawin nnem.

Luqa 22:14

Wami d tuweḍ ȓweqṯ yusa-d Ƹisa iqqim ɣar missa aḏ icc ak arrusul nnes.

Luqa 9:48

Inna-asen: "Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi iqebbȓen, ataf iqbeȓ wenni ḏayi d issekken. Minzi wenni iǧan zzaywem ḏ amezyan qaƹ, ḏ netta ig iǧan ḏ ameqqran."

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ȓexḏayem 10:35

Arebbi iqebbeȓ iwḏan zi mkuȓ ȓgens yinni iy ṯ iteggwḏen teggen min iǧan nican.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 2:9

Aḏ yiȓi uziyyar ḏ tamara x kuȓ bnaḏem iteggen ssayyiʼaṯ, x yinni zi Ayṯ-Israʼil ḏ imezwura ƹaḏ ḏ yinni war iǧin ca zi Ayṯ-Israʼil.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ruma 8:6

Aqa yinni ixeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen ataf aḏ mmṯen. Walakin yinni ixeddmen s ȓxaḍar nsen ḏi ṯmesȓayin n Arruḥ ataf aḏ ddaren aɣarsen yiȓi ȓehna.

Ayṯ-Ruma 9:21

Ma war ɣares bu ȓḥaqq ɣar lemƹallem aḏ isexḏem ṯȓaxṯ mammec ixes, iƹni aḏ igg zeg yijjen n ȓƹajneṯ iḏeqqi ijjen n uɣerraf i min iṣebḥan, aḏ igg ijjen i min iƹuffnen?

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Filippas 4:7

Ṯumma ȓehna n Arebbi ig itejhiḏen x marra ȓefhameṯ ḏi ddunect-a ḏ wenni iy ɣa iḥḍan uȓawen nwem ḏ ȓaƹquȓaṯ nwem ḏi Ƹisa Lmasiḥ.

1 Timutawus 1:17

Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

Iƹibraniyen 2:7

Ṯeggiḏ-ṯ ƹȓayen am lmexluqaṯ ujenna yuƹȓan, ṯuciḏ-as ttaj n ȓuweqqar ḏ waṭṭas n ccan,

Yaƹqub 2:22

Aqa twaȓiḏ lʼiman n Brahim ixeddem ak ȓexḏayem nnes, uca lʼiman nnes iḏweȓ ikmaȓ s ȓexḏayem-a iy igga.

Yaƹqub 3:13

Ma akiḏwem wenni iy ḏi ṯeǧa ȓefhameṯ ḏ ṯusna? Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ.

1 Buṭrus 1:7

Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.

1 Buṭrus 5:4

Xmi d ɣa imeḍhar Umeksaw ameqqran ataf aḏ tqebȓem ijjen n ttaj ƹemmarṣ aḏ ikcef.