Ayṯ-Ruma 2:1 - Ṯarifiṯ 2020

¹ Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

Ayṯ-Ruma 2:1 ပူးပေါင်းရင်းမြစ်များ

Luqa 12:14

Inna-as Ƹisa: "A bnaḏem, wi ḏayi iggin jarawem ḏ ȓqaḍi niɣ ḏ wenni iferqen ȓwarṯ?"

Luqa 19:22

Indeq-d uzeǧiḏ nni inna-as: Cek min ṯenniḏ axak ḥekmeɣ zzayes ay axeddam amcum. Iwa ṯessneḏ belli nec ḏ ijjen n uryaz qesḥeɣ, kessiɣ min war srusiɣ, mejjareɣ min war zerrƹeɣ.

Luqa 6:37

War tƹeyyabem ḥadd ḥima war kenniw itƹeyyib ca Arebbi. War tzawaȓem ḥadd ḥima war kenniw itzawaȓ ca Arebbi. Semḥem i yiwḏan, aḏawem iɣfar Arebbi.

Ayṯ-Ruma 14:22

Min ma ṯumneḏ x ṯmesȓayin-a, ejj-iṯent jarac-d ḏ Arebbi. Ssaƹḏ n wenni war d itiwin lḥisab ḏ lƹiqab i yixef nnes x min itwaȓa ḥalal.

Ayṯ-Ruma 2:2

Wah, neccin nessen qa lƹiqab n Arebbi ihewwa nican x yinni iteggen ṯimesȓayin-a.

Ayṯ-Ruma 2:3

Ay aryaz, iwa min tfekkareḏ? Ma aḏ tnejmeḏ zi lƹiqab n Arebbi wami tƹeyyabeḏ x yina u cek teggeḏ ṯmesȓayin-a kif-kif am niṯni?

Ayṯ-Ruma 3:9

Iwa neccin Ayṯ-Israʼil, ma lḥala nneɣ ḥsen zeg yiwḏan nneɣni? Lla, ƹemmarṣ! Nenna qbeȓ qa Ayṯ-Israʼil ḏ yinni war iǧin ca zi Ayṯ-Israʼil marra negga ȓmuƹṣiyeṯ.

Ayṯ-Ruma 9:20

Cuf a bnaḏem, min ṯeƹniḏ cek bac ṯzemmareḏ aḏ tarreḏ awaȓ x Arebbi? Ma zemmaren aḏ inin iɣerrafen i wenni iy ṯen iṣenƹen, Mayemmi ḏaneɣ ṯeggiḏ ammu?

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

1 Ayṯ-Kurinṯ 7:16

Cuf a ṯamɣarṯ, manis ṯessneḏ cem zaƹma bac aḏ tesnejmeḏ aryaz nnem? Y cek ay aryaz, manis ṯessneḏ cek zaƹma bac aḏ tesnejmeḏ ṯamɣarṯ nnec?

Yaƹqub 2:20

Ay aryaz, cek ṯqefȓeḏ! Ma nec aḏawem d sbeyyneɣ belli lʼiman bȓa ȓexḏayem war ḏayes bu nnfaƹ?

Yaƹqub 4:11

Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.