Ayṯ-Ruma 16:25 - Ṯarifiṯ 2020

²⁵ Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Ruma 16:25 ပူးပေါင်းရင်းမြစ်များ

Matta 13:17

Aqa tesȓam ȓḥaqq: Aṭṭas n lʼanbiya ḏ ȓmuminin rzun aḏ ẓren min twaȓam, walakin war ṯ ẓrin ca. Rzun aḏ sȓen min ṯesȓam, walakin war ṯ sȓin ca.

Matta 13:35

Ḥima aḏ ikemmeȓ wawaȓ iy inna Siḏi Arebbi i nnabi Icaƹya ḏeg yijjen n zman: "

Matta 20:7

Nnan-as: Walu, war ḏaneɣ isexḏem ḥadd. Inna-asen: Ruḥem uȓa ḏ kenniw ɣar umarjeƹ inu.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ayṯ-Ruma 11:25

Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

Ayṯ-Ruma 14:4

Cek min ṯeƹniḏ bac aḏ tƹeyybeḏ axeddam n midden? Injeḥ niɣ war injiḥ, wanita ḏ ccɣeȓ n siḏis. U ḏ ṣṣaḥ netta aḏ injeḥ liʼanna Siḏi Arebbi izemmar aṯ isenjeḥ.

Ayṯ-Ruma 16:24

{Axawem yiȓi marra iḏwem arḍa n Siḏiṯneɣ Ƹisa Lmasiḥ. Amin.}

Ayṯ-Ruma 2:16

Iqqar Lʼinjil iy zi tḥeddaṯeɣ: Manaya aḏ yiȓi ḏi Nhar nni xmi ɣa iḥaseb Arebbi x ufus n Ƹisa Lmasiḥ marra min inuffaren ḏeg wuȓawen n yiwḏan.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 2:7

Lla, neccin nessawaḍ ijjen n ȓefhameṯ ḏayes ȓmaƹna inuffaren n Arebbi ḏ min itwasnuffaren. Izemmem-it Arebbi qbeȓ ma aḏ d ṯexȓeq ȓweqṯ qaƹ ḥima neccin a netwasemɣar.

1 Ayṯ-Kurinṯ 4:1

Cuf, ammu itxeṣṣa aḏaneɣ ẓren yiwḏan iƹni neccin ḏ ixeddamen n Lmasiḥ, neccin netkellaf x ṯmesȓayin inuffaren n Arebbi.

2 Ayṯ-Kurinṯ 4:3

Lʼinjil nneɣ meȓa iɣemmes s yijjen n ltam, iɣemmes ɣir i yinni ifennan.

2 Ayṯ-Kurinṯ 4:5

War netbeccir ca s yixef nneɣ, netbeccar s Ƹisa Lmasiḥ iƹni netta ḏ Siḏiṯneɣ. U neccin ḏ ixeddamen nwem ƹlaḥsab Ƹisa.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Ayṯ-Ufasus 3:11

Manaya iǧa ƹlaḥsab lɣaraḍ n Arebbi zi ȓebda, u lɣaraḍ-a ikemmeȓ-iṯ s Ƹisa Lmasiḥ Siḏiṯneɣ.

Ayṯ-Ufasus 3:9

Ƹaweḏ bac aḏ seḍhareɣ mliḥ i marra iwḏan min ixeṭṭeṭ Arebbi ḏi ȓmaƹna nni inuffaren ig ijja netta ḏeg yixef nnes ḏi zmanaṯ iy iƹḏun u ḏ netta ḏ Lxaliq n marra min iǧan ḏ ṯimesȓayin.

Ayṯ-Ufasus 6:19

Ttarem xafi nec ƹaweḏ meȓmi ma rezmeɣ aqemmum inu aḏayi muccen wawaȓen iy zi ɣa beccareɣ s ȓmaƹna inuffaren n Lʼinjil.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

Ayṯ-Kulus 4:3

Ḏi nnefs n ȓweqṯ ttarem-as i Arebbi xaneɣ bac aḏ irzem ṯawwarṯ i wawaȓ nneɣ a nbeccar s ȓmaƹna inuffaren n Lmasiḥ iy xef iy ǧiɣ nec ḏi ȓeḥbes.

1 Ayṯ-Salunik 3:13

Aḏawem isejheḏ uȓawen nwem bac aḏ tiȓim bȓa ȓƹib aḏ tiȓim muqeddsin zzaṯ i Arebbi Babaṯneɣ xmi d ɣa yas Siḏiṯneɣ Ƹisa ak marra ṣṣaliḥin nnes.

2 Ayṯ-Salunik 2:14

Aqa iȓaɣa-d xawem ƹlaḥsab i manaya s Lʼinjil iy netbeccar bac aḏ tcarcem ḏi lƹaḍama n Siḏiṯneɣ Ƹisa Lmasiḥ.

2 Ayṯ-Salunik 3:3

Walakin Siḏiṯneɣ ḏayes ttiqeṯ, akenniw isejheḏ akenniw iḥḍa zi ccarr.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

2 Timutawus 2:8

Fekkar ḏi Ƹisa Lmasiḥ wenni iy d isekkar Arebbi zi ȓmewṯ, netta lʼaṣel nnes zi Dawed. Ḏ manaya ig iǧan ḏi Lʼinjil iy tbeccareɣ nec.

Titus 1:2

Lʼiman-a ḏ ṯusna-ya ṯbedda x lʼamal n ṯuḏarṯ nni war ifennin ƹemmarṣ, ṯenni iy zi iwƹeḏ Arebbi iƹni wenni war isxerriqen ca. Iwƹeḏ s ṯuḏarṯ nni qbeȓ ma aḏ bḏan zmanaṯ qaƹ.

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

1 Buṭrus 1:20

U netta itwaxḍar qbeȓ ma d twaxȓeq ddunect-a, walakin ismeḍhar-iṯ-iḏ Arebbi ḏi zman-a aneggaru x ssabab nwem.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

Lwaḥi 10:7

Aqa ḏi nhuraṯ nni xmi ɣa ṯṣuḍ lmalaʼika wis sebƹa ḏi zzammar nnes qa ṣafi ssirr n Arebbi ikemmeȓ mammec ḏasen ṯ iƹaweḏ i lƹibad nnes lʼanbiya."