Ayṯ-Ruma 16:23 - Ṯarifiṯ 2020

²³ Issiweḍ-awem-d sȓam Ɣayus, ḏ netta iy zzayi ireḥḥben ɣar ṯeddarṯ nnes irzem-it i marra jmaƹṯ n ȓmuminin. Issiweḍ-awem-d sȓam Arisṭus lʼamin n ṣṣenduq n ṯendint, ḏ umaṯneɣ Qartus.

Ayṯ-Ruma 16:23 ပူးပေါင်းရင်းမြစ်များ

Ȓexḏayem 19:22

Issekk ɣar Masidunya ṯnayen zeg yinni iy ṯ itƹawanen ijjen qqaren-as Timutawus ijjen qqaren-as Arisṭus, netta Bulus iqqim ijjen n ȓweqṯ ḏi lʼiqlim n Asya.

Ȓexḏayem 19:29

Ṯewqeƹ ijjen n ȓfawḍa ḏ ṯameqqrant ḏi ṯendint nni amen-ṯekmaȓ. Munen yiwḏan-a uzzȓen ɣar furbu jarren akiḏsen ṯnayen n imeddukaȓ n Bulus iy kiḏes itsafaren, ijjen qqaren-as Ɣayus ijjen qqaren-as Aristarxus, niṯni zi Ayṯ-Masidunya.

Ȓexḏayem 20:4

Isafer akiḏes Supatrus mmis n Piru zi ṯendint n Birya, ḏ Aristarxus ḏ Sakundus niṯni zi ṯendint n Salunik, ḏ Ɣayus zi ṯendint n Dirba, ḏ Timutawus ḏ Tuciq ḏ Trifumu niṯni zi lʼiqlim n Asya.

Ayṯ-Ruma 16:24

{Axawem yiȓi marra iḏwem arḍa n Siḏiṯneɣ Ƹisa Lmasiḥ. Amin.}

1 Ayṯ-Kurinṯ 1:14

Tcekkareɣ Arebbi war ṭehhireɣ uȓa ḏ ijjen zzaywem s waman illa Krisbus ḏ Ɣayus ḥima war iqqar ḥadd qa itwaṭehhar s waman ƹlaḥsab isem inu.

2 Timutawus 4:20

Iqqim Arisṭus ḏi ṯendint n Kurinṯ, Trifumu jjiɣ-ṯ nec ḏi ṯendint n Militus ihȓec.