Ayṯ-Ruma 15:3 - Ṯarifiṯ 2020

³ Liʼanna Lmasiḥ war iggi ca min ḏas iteƹjiben i yixef nnes, igga mammec iqqar Lkitab: <Ȓbaṭeȓ iy xac nnan ifḍeḥ-ayi.>

Ayṯ-Ruma 15:3 ပူးပေါင်းရင်းမြစ်များ

Matta 10:25

Baraka ɣir aḏ yiȓi umeḥḍar am lmuƹallim nnes, aḏ yiȓi uxeddam am uweqqaf nnes. Meȓa ȓaɣan i bab n ṯeddarṯ , iwa mammec ɣa ȓaɣan i ȓeḥbab n ṯeddarṯ nnes?

Matta 26:39

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi inna: "A Baba, meȓa mumkin sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Matta 26:42

Ibeƹƹeḏ xasen ṯwaȓa wis ṯnayen, ittar i Arebbi inna: "A Baba, meȓa ȓkas-a n ȓaƹḏab war xafi ṯesbeƹƹḏeḏ ca swiɣ-ṯ, ataf aḏ yiȓi min ixes ȓxaḍar nnec."

Matta 27:44

Amenni ƹaweḏ iy ṯ zawaren iceffaren nni iy kis iṣellben.

Yuḥanna 15:10

Meȓa ṯxeddmem zi ȓuṣiyaṯ inu, ataf aḏ tiȓim ḏi ȓemḥibbeṯ inu amecnaw mamc ggiɣ nec zi ȓuṣiyaṯ n Baba aqayi ḏi ȓemḥibbeṯ nnes.

Yuḥanna 15:24

Maƹlik war xḏimeɣ akiḏsen lmuƹjizaṯ war ṯent ixḏim uȓa ḏ ijjen illa nec, ataf war ɣarsen bu ȓmuƹṣiyeṯ. Walakin ȓexxu niṯni ẓrin lmuƹjizaṯ inu ƹiffen-ayi nec uȓa ḏ Baba.

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Yuḥanna 5:30

Nec war zemmareɣ aḏ ggeɣ walu zeg yixef inu. Mammec tesȓiɣ, ammu tḥasabeɣ. Lḥisab inu n ȓḥaqq minzi nec war rezzuɣ ca min xseɣ; Lla, rezzuɣ min ixes wenni iy ḏayi d issekken."

Yuḥanna 6:38

Minzi nec hwiɣ-d zeg ujenna, war iǧi ca aḏ ggeɣ min xseɣ; Lla, hwiɣ-d aḏ ggeɣ min ixes wenni iy ḏayi d issekken.

Yuḥanna 8:29

Wenni ḏayi d issekken aqaṯ akiḏi war ḏayi ijji bu waḥḏi minzi nec xeddmeɣ ȓebda min ḏas iteƹjiben."

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

Ayṯ-Filippas 2:5

Array nwem itxeṣṣa aḏ yiȓi am array n Ƹisa Lmasiḥ.

Ayṯ-Filippas 2:8

Wami d imeḍhar am ṣṣifeṯ n yijjen n bnaḏem, isehwa-d ixef nnes iṭaƹ ḥetta wami immuṯ ijjen n ȓmewṯ ḏi ṣṣalib.