Ayṯ-Ruma 15:26 - Ṯarifiṯ 2020

²⁶ Liʼanna ȓmuminin iy iǧan ḏi jwayeh n Masidunya ḏ Uxaya texsen aḏ ƹawnen ipubriṯen iy iǧan jar ȓmuminin ṣṣaliḥin ḏi ṯendint n Lquds.

Ayṯ-Ruma 15:26 ပူးပေါင်းရင်းမြစ်များ

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 26:11

Imesƹan aqaṯen akiḏwem i ȓebda, nec war kiḏwem tɣimiɣ ca i ȓebda.

Luqa 14:13

Lla, meȓa ṯeggiḏ zarrdeṯ ƹareḍ x ȓmusakin ḏ inecrufen ḏ izeḥḥafen ḏ iḍarɣaȓen.

Luqa 6:20

Iysi ṯiṭṭawin nnes Ƹisa ɣar imeḥḍaren nnes inna-asen: "Ssaƹḏ nwem a ȓmusakin, aqa ȓmulk n Arebbi i kenniw.

Ȓexḏayem 16:12

Ssenni nruḥ ɣar Filippi, nettaṯ ḏ ijjen n ṯendint ṯusa-d ḏi lwilaya ṯamezwarut n lʼiqlim n Masidunya, staƹmaren-teṯ irumaniyen. Neqqim ḏinni ḏi ṯendint nni ȓebƹaḍ n wussan.

Ȓexḏayem 16:9

Ḏi ǧiȓeṯ nni ihwa-d ijjen n lwaḥi x Bulus iẓra ḏayes ijjen n uṯarras zi lʼiqlim n Masidunya ibedd itṭalab-iṯ iqqar-as zwa-d ɣarneɣ ɣar Masidunya ƹawen-aneɣ.

Ȓexḏayem 18:12

Walakin ḏi ȓweqṯ nni n Galyun lƹamil n lʼiqlim n Uxaya, munen israʼiliyen hejmen x Bulus uwin-ṯ ɣar lmaḥkama.

Ȓexḏayem 19:21

Menbaƹd i manaya, iƹewweȓ Bulus aḏ isafer ɣar Lquds, aḏ ikk x lʼiqlim n Masidunya ḏ lʼiqlim n Uxaya. Inna: Xmi ɣa awḍeɣ ḏinni, itxeṣṣa-ayi ƹaweḏ aḏ raḥeɣ ɣar ṯendint n Ruma!

Ȓexḏayem 9:13

Yarra xas Anas inna-as: "A Siḏi, nec xebbaren-ayi aṭṭas n yiwḏan x bnaḏem-a Cawul, mecḥaȓ iƹeddeb netta ȓmuminin nnec ṣṣaliḥin ḏi Lquds.

1 Ayṯ-Kurinṯ 16:15

Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.

1 Ayṯ-Kurinṯ 16:5

Fa xmi ɣa ƹḏuɣ Masidunya aɣarwem d aseɣ, qa nec ƹaḏ aḏ d kkeɣ ssenni x Masidunya.

2 Ayṯ-Kurinṯ 1:16

Iƹni tuɣa rezzuɣ axawem d kkeɣ xmi ɣa raḥeɣ ɣar lʼiqlim n Masidunya, menbaƹd aɣarwem d ƹeqbeɣ zi Masidunya bac aḏayi ṯƹawnem aḏ safareɣ ɣar ṯmurṯ n Yahuḏiya.

2 Ayṯ-Kurinṯ 11:9

Wami ḥḍareɣ akiḏwem tuɣa nec teḥḏajiɣ, war tbessaȓeɣ x ḥadd zzaywem; Lla, ucin-ayi min teḥḏajiɣ ayṯmaṯneɣ yinni iy d yusin zi Masidunya. Amenni ugiɣ axawem bessȓeɣ, aḏ qqimeɣ mestammer amenni.

2 Ayṯ-Kurinṯ 2:13

Walakin uȓ inu war iǧi ca mertaḥ wami war ufiɣ ca ḏinni uma Titus, mṣafaḍeɣ xasen uyureɣ ɣar Masidunya.

2 Ayṯ-Kurinṯ 7:5

Cuf, neccin wami d nuḏef ɣar lʼiqlim n Masidunya ddat nneɣ war ṯriyyeḥ ca, netwazeyyar zi mkuȓ jjiheṯ amenɣi ɣar barra ḏ ṯiggwḏi ɣar ḏaxeȓ.

2 Ayṯ-Kurinṯ 9:12

Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.

2 Ayṯ-Kurinṯ 9:4

Menbaƹd meȓa usin-d akiḏi ȓebƹaḍ zi Ayṯ-Masidunya ufin-kenniw war ṯeswejḏem ca ataf neccin a nseḏḥa x ttiqeṯ nneɣ ḏaywem (uȓa ḏ kenniw aḏ tseḏḥam).

Ayṯ-Filippas 4:15

A Ayṯ-Filippi, wami ffɣeɣ nec zi lʼiqlim n Masidunya ṯessnem qa ḏ kenniw waha zi marra ṯijumaƹ n ȓmuminin iy kiḏi icarcen ḏi lmuƹawana. Manayenni iwqeƹ wami yallah bḏiɣ tbeccareɣ s Lʼinjil ḏi jwayeh nni.

1 Ayṯ-Salunik 1:7

Ammu ṯḏewȓem ḏ ijjen n lmiṯal aṯ ḏeffaren marra ȓmuminin ig iǧan ḏi lʼiqlim n Masidunya ḏ lʼiqlim n Uxaya.

1 Ayṯ-Salunik 1:8

Zzaywem kenniw iy d iffeɣ ṣṣut n wawaȓ n Siḏiṯneɣ. Maci iffeɣ-d ḏi Masidunya ḏ Uxaya waha; Lla, iffeɣ-d ȓexbar-a x lʼiman nwem zi Arebbi ɣar yiwḏan ḏi marra imucan. X manaya war ḏaneɣ itxeṣṣi ca axas nessiweȓ minzi iwḏan tesȓan xawem.

1 Ayṯ-Salunik 4:10

Wah, ḏ ṣṣaḥ texsem marra ayṯmaṯwem iy kiḏwem itƹicen ḏi lʼiqlim n Masidunya. Walakin netweṣṣa-kenniw ay ayṯma aḏ tarnim ƹaḏ ktar.

1 Timutawus 1:3

Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.

Filimun 1:5

Qa nec tesȓiɣ x lʼiman nnec iy ḏayec zi Siḏiṯneɣ Ƹisa ḏ ȓemḥibbeṯ nnec ɣar marra ṣṣaliḥin.