Ayṯ-Ruma 15:19 - Ṯarifiṯ 2020

¹⁹ iƹni s jjheḏ n lmuƹjizaṯ ḏ lburhanaṯ iy d yusin s jjheḏ n Arruḥ n Arebbi. Ammu iy beccareɣ s Lʼinjil n Lmasiḥ ḏi mkuȓ amcan iƹni zi ṯendint n Lquds aȓ jwayeh n Ilirya.

Ayṯ-Ruma 15:19 ပူးပေါင်းရင်းမြစ်များ

Matta 12:28

Nec, meȓa sufuɣeɣ jnun s Arruḥ n Arebbi, aqa ȓmulk n Arebbi yusa-d ɣarwem.

Yuḥanna 4:48

Inna-as Ƹisa: "Kenniw, ma war timnem ca ḥetta aḏ teẓrem lmuƹjizaṯ ḏ lburhanaṯ?"

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 13:14

Niṯni ffɣen zi ṯendint n Barja ruḥen ɣar ṯendint n Wanṭakya ḏi jwayeh n Pisidya. Uḏfen qqimen ḏi ṯemziḏa n Ayṯ-Israʼil ḏi nhar n ssebṯ.

Ȓexḏayem 13:51

Kkaren Bulus ḏ Barnaba mesḥen ṯaƹejjact zeg iḍaren nsen am yijjen n chaḏeṯ xasen, ruḥen ɣar ṯendint n Ikunya.

Ȓexḏayem 14:10

Iȓaɣa-d s yijjen n ṯmijja ṯejheḏ inna-as: "Kkar, bedd nican x iḍaren nnec!" Ȓexddenni inexḍef ibḏa iggur.

Ȓexḏayem 14:20

Walakin wami xas munen imeḥḍaren, ikkar-d iddar wa ssenni yuḏef ɣar ṯendint. Ṯiwecca nnes iffeɣ ak Barnaba iruḥ ɣar ṯendint n Dirba.

Ȓexḏayem 14:25

Wami tbeccaren s wawaȓ n Arebbi ḏi ṯendint n Barja, ƹḏun ɣar ṯendint n Waṭalya.

Ȓexḏayem 14:6

Arrin-d ȓexbar arrusul, arewȓen ɣar ṯendint n Listra ḏ ṯendint n Dirba ḏ marra jwayeh iy ḏasent d yuḏsen tbeccaren ḏinni ḏi lwilaya n Likawniya.

Ȓexḏayem 15:12

Marra jmaƹeṯ nni ḏinni iy qqimen war nnin walu, tesȓan i Barnaba ḏ Bulus ssawaȓen x lmuƹjizaṯ ḏ lburhanaṯ igga Arebbi x ufus nsen jar yinni war iǧin ca zi Ayṯ-Israʼil.

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.

Ȓexḏayem 17:10

Ssenni s ǧiȓeṯ nni ayṯmaṯneɣ ssekken Bulus ḏ Silas ɣar ṯendint umi qqaren Birya. Wami uwḍen, uḏfen ɣar ṯemziḏa n Ayṯ-Israʼil.

Ȓexḏayem 17:15

Iryazen nni iy ruḥen ak Bulus ssiwḍen-ṯ ɣar ṯendint n Utina ssenni ḏewȓen-d. Iweṣṣa-ṯen Bulus inna-asen: Inim-asen i Silas ḏ Timutawus araḥem-d ɣari ḏeɣya.

Ȓexḏayem 18:1

Menbaƹd iffeɣ Bulus zi ṯendint n Utina iruḥ ɣar ṯendint n Kurinṯ.

Ȓexḏayem 18:19

Uwḍen ɣar ṯendint n Ufasus, ijja Bulus ḏinni Priskila ḏ Wakilas, ssenni yuḏef ɣar ṯemziḏa bac aḏ imnaqac ak israʼiliyen.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren

Ȓexḏayem 20:20

War zzaywem snuffareɣ walu, nec txebbareɣ-kenniw s marra min kenniw ɣa inefƹen. Seȓmaḏeɣ-awem-ṯ zzaṯ i yiwḏan u ƹaweḏ zi ṯeddarṯ ɣar ṯeddarṯ.

Ȓexḏayem 20:6

Wami iƹḏu Ȓƹiḏ n Ṯefḍirṯ, nenya ḏeg uɣarrabu neffeɣ zi ṯendint n Filippi. Menbaƹd i xemsiyyam neḏfar-iṯen ɣar ṯendint n Traws, neqqim ḏinni sebƹiyyam.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Ayṯ-Ruma 15:24

Xmi ɣa raḥeɣ ɣar Spanya tmenniɣ axawem d kkeɣ, akiḏwem qqimeɣ akiḏwem farḥeɣ cwayt n ȓweqṯ. Nec tmenniɣ zzaywem aḏayi ṯƹawnem aḏ kemmȓeɣ x ubriḏ inu.

1 Ayṯ-Kurinṯ 2:4

Min qqareɣ ḏ min tḥeddaṯeɣ war iǧi ca s wawaȓen n ȓefhameṯ bac akenniw sqenƹen ḏeɣya; Lla, sxeddameɣ jjheḏ n Arruḥ n Arebbi

2 Ayṯ-Kurinṯ 12:12

Ṯimesȓayin nni iy d isbeyyanen nec ḏ arrasul iy ǧiɣ niṯenti tuɣa twaxeȓqent-id jarawem s yijjen n ṣṣbar ḏ ameqqran, iƹni lƹalamaṯ ḏ lmuƹjizaṯ ḏ lburhanaṯ.

Ayṯ-Galaṭya 3:5

Iḏen, mammec ḏawem d iticc Arebbi Arruḥ iqeddsen itegg jarawem lmuƹjizaṯ? Wac xmi tṭaƹam i Ccariƹa n Musa? Lla, xmi tesȓam Lʼinjil tamnem zzayes.

Ayṯ-Kulus 1:25

Jmaƹeṯ-a ḏewȓeɣ ɣares nec ḏ ijjen n uxeddam nnes ƹlaḥsab lwajib nni zi Arebbi iy ḏayi d immucen bac akenniw beccareɣ s wawaȓ ikmaȓ n Arebbi.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

2 Timutawus 4:17

Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.