Ayṯ-Ruma 15:14 - Ṯarifiṯ 2020

¹⁴ Ay ayṯma, nec mteyyqen belli kenniw ṯeccurem s ȓxir ḏ marra ṯusna, ṯzemmarem aḏ tesȓemḏem ayawya.

Ayṯ-Ruma 15:14 ပူးပေါင်းရင်းမြစ်များ

1 Ayṯ-Kurinṯ 1:5

Zi netta, itwarni-yawem ȓxir ḏi kuȓci, iƹni ḏi marra awaȓen ḏ ṯusna.

1 Ayṯ-Kurinṯ 12:8

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita.

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.

1 Ayṯ-Kurinṯ 8:1

Fa lmakla itqeddamen i lʼaṣnam. Neccin marra iḏneɣ ɣarneɣ ṯusna, iƹni nessen ṯimesȓayin. Ṯusna-ya iy nessen tsuffa iwḏan s ttakebbur, walakin ȓemḥibbeṯ tarni ḏayneɣ jjheḏ.

1 Ayṯ-Kurinṯ 8:10

Cuf, wenni umi ɣar iǧa lʼiman iḍƹef. Maƹlik iẓri-c cek ɣarek ṯusna zaƹma tetteḏ ḏeg yijjen n zzawyiṯ n lʼaṣnam, iȓi ṯcejjƹeḏ-ṯ cek ḥima uȓa ḏ netta aḏ icc lmakla itqeddamen i lʼaṣnam, niɣ lla?

1 Ayṯ-Kurinṯ 8:7

Walakin maci iwḏan qaƹ ssnen manaya. Ȓebƹaḍ n yiwḏan tuɣa ɣarsen lʼaṣnam ḏ ddin nsen ijheḏ. Meȓa tetten lmakla-ya itqeddamen i lʼaṣnam ataf itɣir-asen manaya ḏ ṣṣaḥ, ḍḍamir nsen iḍeƹfen ataf aḏ ixnez.

2 Ayṯ-Kurinṯ 8:7

Kenniw teggem zyada ḏi marra ṯimesȓayin, iƹni ḏi lʼiman nwem ḏ lxuṭba nwem ḏ ṯusna nwem ḏ mammec iy tḥawaȓem s wuȓawen nwem u ḏ ȓemḥibbeṯ nwem i neccin. Ammu iy ɣa ṯeggem mliḥ aṭṭas ḏi ȓxir n ṣṣaḏaqa-ya ƹaweḏ.

Ayṯ-Ufasus 5:9

Aqa nnur itarew-d min iǧan ḏ aṣebḥan ḏ min iǧan nican ḏ min iǧan ḏ lḥaqiqa.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Filippas 1:7

Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

1 Ayṯ-Salunik 5:11

Falihaḏa tcejjaƹeṯ ayawya tƹawaneṯ ayawya mammec teggem ȓexxu.

1 Ayṯ-Salunik 5:14

Ay ayṯma, nhaṯ yinni itbaƹen farq-ccɣeȓ, cejjƹeṯ yinni itefciȓen, ƹawneṯ yinni iteḍƹifen, ṣebbareṯ ak marra.

2 Ayṯ-Salunik 1:11

X manaya ntettar i Arebbi xawem ȓebda bac akenniw yarr ṯesḏahǧem aȓaɣi nnes. U s jjheḏ nnes aḏawem yarew marra ȓxir iy ṯexsem aḏ teggem, aḏawem yarew kuȓ ȓxeḏmeṯ ƹaweḏ iy d tasen zi lʼiman nwem.

2 Timutawus 1:5

Ƹeqȓeɣ x lʼiman nnec bȓa nnifaq wenni iǧan ḏ amezwaru ḏi ḥennac Lwiza ḏ yemmac Anisa. Ȓexxu teyyqeɣ ḏ ṣṣaḥ belli aqaṯ ḏayec uȓa ḏ cek.

Filimun 1:21

Nec tʼakkadeɣ s ṭṭaƹa nnec, s manaya tariɣ-ac-d ṯabrat-a ssneɣ cek aḏ teggeḏ ktar zi min ḏac tṭalabeɣ.

Iƹibraniyen 5:12

Cuf, wa labud kenniw ȓexxu aḏ tiȓim ḏ imseȓmaḏen walakin ƹaḏ itxeṣṣa-yawem ijjen akenniw isɣar s ṯɣuri nni ṯamezwarut zeg wawaȓ n Arebbi. Kenniw teḥḏajam aɣi waha, maci lmakla ḏ ṣṣaḥ.

Iƹibraniyen 6:9

Ay imƹizzen inu, waxxa nessawaȓ ammu neccin metʼakeddin zzaywem iƹni x ṯmesȓayin ṯiṣebḥanin iy zi ɣa ṯnejmem.

2 Buṭrus 1:12

Iḏen fa, akenniw sfekkareɣ ȓebda x ṯmesȓayin-a waxxa ṯessnem-ṯent kenniw mliḥ qa ṯbeddem x dsas n lḥaqiqa-ya iy ɣarwem ȓexxu.

1 Yuḥanna 2:21

Tariɣ-awem-d ȓaḥeqqac ṯessnem lḥaqiqa maci war t ṯessinem ca. U ƹaweḏ war iǧi bu can uxarriq iy d yusin zi lḥaqiqa.