Ayṯ-Ruma 14:8 - Ṯarifiṯ 2020

⁸ Neccin meȓa neddar, a neddar i Siḏi Arebbi. Meȓa nemmuṯ, a nemmeṯ i Siḏi Arebbi. Falihaḏa, meȓa neddar niɣ nemmuṯ neccin n Siḏi Arebbi.

Ayṯ-Ruma 14:8 ပူးပေါင်းရင်းမြစ်များ

Luqa 20:38

Netta ḏ Arebbi n yinni iddaren maci n yinni immuṯen, ȓaḥeqqac netta marra iwḏan aɣares iȓin ddaren."

Yuḥanna 21:19

Inna manayenni Ƹisa ḥima aḏ isbeyyen mamc ɣa immeṯ Buṭrus ḥima aḏ tmeḍhar lƹaḍama n Arebbi. Wami iy ḏas inna manayenni, inna-as: "Ḏfar-ayi-d."

Ȓexḏayem 13:36

Liʼanna Dawed ḏi zman nnes wami ikemmeȓ min ixes Arebbi ṣafi immuṯ, itwanḍeȓ ṭṭarf i ȓejḏuḏ nnes ṣafi ikiccew.

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Ȓexḏayem 21:13

Inna-aneɣ: "Min kenniw yuɣin? Mayemmi iy ḏayi ṯeḥfarem ḏeg wuȓ s imeṭṭawen nwem? Nec aqayi mujud maci aḏayi qqnen waha. Nec aqayi mujud aḏ mmṯeɣ ḏi Lquds ƹlaḥsab isem n Siḏiṯneɣ Ƹisa!"

1 Ayṯ-Kurinṯ 15:23

Walakin kuȓ ijjen nnubeṯ nnes: Lmasiḥ netta ḏ ṯafeǧaḥṯ ṯamezwarut. Xmi d ɣa iƹqeb netta, aḏ d tas nnubeṯ n yinni iǧan zzayes netta.

Ayṯ-Filippas 1:20

Trajiɣ s wur inu nec tmenniɣ war tseḏḥiɣ ca qaƹ x lwajib inu. Lla, nec tzeƹƹameɣ ȓexxu aḏ zeƹmeɣ menbaƹd bac s ddat inu azzayes imɣar Lmasiḥ waxxa aḏ mmṯeɣ niɣ aḏ ddareɣ.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

Ayṯ-Filippas 2:30

Mayemmi? Tuɣa ƹȓayen immuṯ ƹlaḥsab ȓxeḏmeṯ n Lmasiḥ minzi iɣamar s ṯuḏarṯ nnes wami irzu aḏ ixḏem min war ṯzemmarem ca aḏ txeḏmem kenniw zi lwajib nwem ɣari.

1 Ayṯ-Salunik 5:10

Netta immuṯ xaneɣ bac a neddar akiḏes waxxa neccin nfaq niɣ neṭṭeṣ ḏeg unḍeȓ.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."