Ayṯ-Ruma 14:19 - Ṯarifiṯ 2020

¹⁹ Iḏen fa itxeṣṣa-yaneɣ u labud a negg lmejhud nneɣ bac a negg min itawin ɣar ȓehna ḏ minzi ɣa ncejjeƹ ayawya.

Ayṯ-Ruma 14:19 ပူးပေါင်းရင်းမြစ်များ

Matta 5:9

Ssaƹḏ nsen i yinni iṣeǧḥen iwḏan, aqa niṯni aṯen semman amecnaw ṯarwa n Arebbi.

Marqus 9:50

Ȓemȓeḥ ṯṣeǧaḥ, walakin meȓa iruḥ-as lmaḏaq nnes, mamc ḏas ɣa negg aḏas ṯiḏ narr? Aɣarwem ṯiȓi ȓemȓeḥ ḏi nnefs nwem, iȓim ḏi ȓehna ak wayawya."

Ayṯ-Ruma 12:18

Ƹlaḥsab kenniw, meȓa mumken ggeṯ aḏ tiȓim ḏi ȓehna ak yiwḏan marra.

Ayṯ-Ruma 15:2

Mkuȓ ijjen zzayneɣ itxeṣṣa-yas axas yarḍa wajjar nnes akiḏes igg ȓxir ḥima aḏ ijheḏ.

1 Ayṯ-Kurinṯ 10:23

Marra ṯimesȓayin ḥeǧȓent, walakin maci marra ṯimesȓayin testenfaƹent. Marra ṯimesȓayin ḥeǧȓent, walakin maci marra ṯimesȓayin aḏaneɣ sjehḏent.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

1 Ayṯ-Kurinṯ 14:26

Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.

1 Ayṯ-Kurinṯ 14:3

Walakin wenni issawaȓen ak yiwḏan s min iƹȓem zi Arebbi ataf issawaḍ-asen ijjen n wawaȓ bac aḏ twajehhḏen aḏ twacejjƹen aḏ twaṣebbaren.

1 Ayṯ-Kurinṯ 14:4

Wenni issawaȓen s lluɣa ruḥiya istenfaƹ ixef nnes. Wenni issawaȓen s min iƹȓem zi Arebbi istenfaƹ jmaƹeṯ n ȓmuminin.

1 Ayṯ-Kurinṯ 14:5

Iwa xseɣ marra kenniw aḏ tessiwȓem s lluɣaṯ ruḥiyaṯ, walakin mliḥ ƹaḏ aḏ tessiwȓem s wawaȓen iy ṯƹeȓmem zi Arebbi. Wenni issawaȓen s wawaȓ ig iƹȓem zi Arebbi netta imɣar x wenni issawaȓen s lluɣaṯ ruḥiyaṯ, illa meȓa can yijjen aḏ istarjem ḥima aḏ istenfeƹ jmaƹeṯ n ȓmuminin.

1 Ayṯ-Kurinṯ 7:15

Innama, wenni niɣ ṯenni war yuminen ca meȓa ismeḥ, ṣafi aḏ ismeḥ. Iƹni ȓmumen-a ḏ ȓmumna-ya ɣarsen lḥurriya s ḍḍuruf-a liʼanna iȓaɣa-yawem-d Arebbi aḏ tƹicem ḏi ȓehna.

1 Ayṯ-Kurinṯ 8:1

Fa lmakla itqeddamen i lʼaṣnam. Neccin marra iḏneɣ ɣarneɣ ṯusna, iƹni nessen ṯimesȓayin. Ṯusna-ya iy nessen tsuffa iwḏan s ttakebbur, walakin ȓemḥibbeṯ tarni ḏayneɣ jjheḏ.

2 Ayṯ-Kurinṯ 12:19

Mecḥaȓ zeg wami ṯnewwam zaƹma ndafeƹ x yixef nneɣ zzaṯwem waha? Lla ay imƹizzen inu, nessawaȓ marra manaya ḏi Lmasiḥ zzaṯ i Arebbi bac akenniw nsejheḏ.

2 Ayṯ-Kurinṯ 13:11

Ṣafi ay ayṯma, farrḥeṯ. Ṣeȓḥeṯ ibriḏen nwem nican. Tṣennaṭeṯ ɣari min ḏawem qqareɣ. Iȓiṯ ḏ ijjen ḏi array nwem. Tƹiceṯ ḏi ȓehna. Arebbi nneɣ n ȓemḥibbeṯ ḏ ȓehna aḏ yiȓi akiḏwem.

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

Ayṯ-Ufasus 4:29

War tejjaṯ ca aḏ d iffeɣ zeg uqemmum nwem can wawaȓ ḏ aƹeffan. Lla, aḏ d iffeɣ zzayes ɣiȓ awaȓ aṣebḥan wenni itcejjaƹen ḏ wenni itḥellalen bac azzayes snefƹen yinni ḏas itesȓan.

1 Timutawus 1:4

Aḏasen ṯiniḏ war ḏeffarem ca ṯiḥuja niɣ ḏ ṯacejjarṯ nni war iqeṭṭin ca x ȓejḏuḏ nwem. Ṯimesȓayin-a am ṯina ɣir tsejjaƹent-aneɣ bac a nweddar ḏi lʼafkar ixwan, war ḏaneɣ ṯsiwwiḍent ca ɣar min itxeṭṭeṭ Arebbi minzi min ḏaneɣ isawwaḍen ɣar Arebbi netta ḏ lʼiman.

2 Timutawus 2:22

Fa arweȓ zi ccahawaṯ nni ṯiƹeffanin n ṯemẓi, ḏeffar ṣṣulḥ ḏ lʼiman ḏ ȓemḥibbeṯ ḏ ȓehna ak yinni iy d iȓaɣan x Siḏiṯneɣ s yijjen n wuȓ iṣfa.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

1 Buṭrus 3:11

Itxeṣṣa aḏ iggwej x ccarr aḏ igg ȓxir, aḏ irzu x ssalam aṯ iḏfar.