Ayṯ-Ruma 14:18 - Ṯarifiṯ 2020

¹⁸ Wenni iy ɣa ixeḏmen i Lmasiḥ amenni, aqa Arebbi ireṭṭa xas iwḏan tcekkaren-ṯ.

Ayṯ-Ruma 14:18 ပူးပေါင်းရင်းမြစ်များ

Marqus 13:34

Nhar nni aḏ yiȓi am yijjen n ssiyyed irezzu aḏ isafer. Iffeɣ zi ṯeddarṯ nnes, ixeddamen nnes ikellef-iṯen x wagȓa nnes kuȓ ijjen x ȓxeḏmeṯ nnes. Iweṣṣa aƹessas n ṯewwarṯ aḏ iqqim ifaq.

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Ȓexḏayem 10:35

Arebbi iqebbeȓ iwḏan zi mkuȓ ȓgens yinni iy ṯ iteggwḏen teggen min iǧan nican.

Ayṯ-Ruma 12:11

Ḥawȓeṯ war teƹgizem ca. Xeḏmeṯ i Siḏi Arebbi s wuȓ ḏ arruḥ.

Ayṯ-Ruma 14:4

Cek min ṯeƹniḏ bac aḏ tƹeyybeḏ axeddam n midden? Injeḥ niɣ war injiḥ, wanita ḏ ccɣeȓ n siḏis. U ḏ ṣṣaḥ netta aḏ injeḥ liʼanna Siḏi Arebbi izemmar aṯ isenjeḥ.

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

1 Ayṯ-Kurinṯ 7:22

Liʼanna wenni tuɣa iǧan ḏ ismeɣ wami ḏas d iȓaɣa Siḏiṯneɣ, netta ȓexxu ɣares ijjen n lḥurriya zi Siḏiṯneɣ. Amenni ƹaweḏ wenni tuɣa iǧan ɣares lḥurriya, netta ȓexxu iḏweȓ ḏ ismeɣ n Siḏiṯneɣ.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Ayṯ-Kurinṯ 5:11

Falihaḏa wami nessen a neggweḏ zi Siḏiṯneɣ, nrezzu iwḏan aḏ qtanƹen. Y min neƹna neccin issen-iṯ Arebbi mliḥ, u tmenniɣ ƹaweḏ ḍḍamir nwem aḏ issen manayenni.

2 Ayṯ-Kurinṯ 5:9

X manayenni mixef nrezzu? Nrezzu axas narḍa waxxa nzeddeɣ ḏi ddat-a n ddunect-a niɣ ntaggwaj zzayes.

2 Ayṯ-Kurinṯ 6:4

Innama, neccin netqeddam-awem ixef nneɣ s marra minzi neccin ḏ ixeddamen n Arebbi: Iƹni nṣebbar aṭṭas; tekkent xaneɣ ȓemḥayen ḏ tamara ḏ uziyyar;

2 Ayṯ-Kurinṯ 8:21

Ntegg ṯizemmar bac a negg min iǧan ḏ aṣebḥan maci ƹlaḥsab Siḏi Arebbi waha, ntegg ƹaweḏ ƹlaḥsab min twaȓan yiwḏan.

Ayṯ-Filippas 4:18

Ṭṭfeɣ ȓmuneṯ ṯekmaȓ zzaywem u ktar ƹaḏ. Ṯḏebbarem-ayi-d mliḥ wami qebȓeɣ zeg wumaṯneɣ Parfulitus lhadiyaṯ nni iy ḏayi d ṯessekkem. Niṯenti am yijjen ṣṣeḏqeṯ ṯetfuḥ ḏ yijjen n dbiḥeṯ iy ɣa iqbeȓ Arebbi iy ḏas ɣa iƹejben.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

Ayṯ-Kulus 3:24

Kenniw ṯessnem ljaʼiza nwem aḏ tiȓi ḏ ijjen n lwareṯ zi Siḏiṯneɣ. Netta umi ṯxeddmem netta ḏ Siḏiṯneɣ Lmasiḥ.

1 Timutawus 2:3

Manaya ḏ aṣebḥan yarḍa xas Arebbi iy ḏaneɣ d isnejmen,

1 Timutawus 5:4

Cuf, ṯajjaȓṯ nni meȓa ɣares iḥenjiren niɣ ḏ ayyawen ataf ḏ niṯni iy t ɣa iƹawnen aḏ ȓemḏen ḏ amezwaru aḏ sxeddmen lʼiman nsen ak lƹaʼila nsen aḏ arren ȓxir i lwalidin nsen. Aqa manaya yarḍa xas Arebbi.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.

1 Buṭrus 2:20

Walakin meȓa ṯeƹṣam ṯeccim xas aƹmuḏ ṯeṣbarem x manayenni, ma ḏayes can n ccuker? Lla, walu. Meȓa ṯeggim ȓxir ṯetwaƹeddbem xas ṯeṣbarem xas, ataf manaya wah ḏayes ijjen n ccuker ḏ ameqqran zzaṯ i Arebbi.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.

1 Buṭrus 3:16

ḏ yijjen n ḍḍamir mertaḥ. Ammu yinni xawem iqqaren ȓbaṭeȓ ataf aḏ seḏḥan s ṯicri nwem ṯaṣebḥant iy xawem tƹeyyaben niṯni.