Ayṯ-Ruma 14:14 - Ṯarifiṯ 2020

¹⁴ Nec ssneɣ u mteyyqen ḏi Siḏiṯneɣ Ƹisa aqa min nettet war ḏayes bu can ȓḥajeṯ ḥram. Walakin itiȓi ḥram x wenni iy t itwaȓan ḥram.

Ayṯ-Ruma 14:14 ပူးပေါင်းရင်းမြစ်များ

Marqus 7:2

Ẓrin can imeḥḍaren nnes tetten aɣrum bȓa ma aḏ sirḏen ifassen, iƹni bȓa ma aḏ ggen ȓuḍu nni.

Ȓexḏayem 10:28

Inna-asen: "Qa ṯessnem belli israʼiliyen ɣarsen ḥram aḏ xellṭen ak ȓbarrani niɣ aḏ aḏfen ṯaddarṯ nsen. Walakin Arebbi isfahem-ayi-d qbeȓ war qqareɣ i ḥadd qa cek ḥram niɣ mekruh.

Ayṯ-Ruma 14:2

Ijjen itwaȓa lmakla marra ḥalal. Ijjen nneɣni wenni ɣar iǧa lʼiman nnes iḍƹef itett ɣir ȓxuḍarṯ.

Ayṯ-Ruma 14:20

War heddem ca ȓxeḏmeṯ n Arebbi ƹlaḥsab lmakla. Ḏ ṣṣaḥ marra min iǧan netta ḥalal, walakin ḏ ȓƹib meȓa ṯɣeḍȓeḏ can yijjen s ssabab n min tetteḏ.

Ayṯ-Ruma 14:23

Walakin meȓa ijjen itett itcekka ḏi lmakla nnes, axas itwaḥakem axas itwaƹaqeb liʼanna war itett ca s lʼiman nnes iy ḏayes. U marra min war itiȓin s lʼiman nni netta ḏ ijjen n ȓmuƹṣiyeṯ.

1 Ayṯ-Kurinṯ 10:25

Cceṯ min ma ṯufim itmenza ḏi ssuq n igezzaren, war tseqsam ca jjeṯ ḍḍamir nwem mertaḥ.

1 Ayṯ-Kurinṯ 8:10

Cuf, wenni umi ɣar iǧa lʼiman iḍƹef. Maƹlik iẓri-c cek ɣarek ṯusna zaƹma tetteḏ ḏeg yijjen n zzawyiṯ n lʼaṣnam, iȓi ṯcejjƹeḏ-ṯ cek ḥima uȓa ḏ netta aḏ icc lmakla itqeddamen i lʼaṣnam, niɣ lla?

1 Ayṯ-Kurinṯ 8:7

Walakin maci iwḏan qaƹ ssnen manaya. Ȓebƹaḍ n yiwḏan tuɣa ɣarsen lʼaṣnam ḏ ddin nsen ijheḏ. Meȓa tetten lmakla-ya itqeddamen i lʼaṣnam ataf itɣir-asen manaya ḏ ṣṣaḥ, ḍḍamir nsen iḍeƹfen ataf aḏ ixnez.

1 Timutawus 4:4

Qa marra min d ixȓeq Arebbi ḏ aṣebḥan. Meȓa neqbeȓ-iṯ neccin s ccuker ataf war ḏayes min ɣa nƹiff.

Titus 1:15

Aqa yinni ig iǧan ṣfan ataf qaƹ ṯimesȓayin aḏaysen iȓint ṣfant. Walakin yinni ixenzen war uminen ca ataf war ḏaysen tiȓi uȓa ḏ ijjen n ṯmesȓayṯ ṯeṣfa. Ataf ȓƹaquȓaṯ nsen ḏ ḍḍamiraṯ nsen s ṯnayen texnizen.