Ayṯ-Ruma 14:13 - Ṯarifiṯ 2020

¹³ Iḏen zi ssa aȓ ṯsawent itxeṣṣa-yaneɣ u labud war netƹeyyib ca x wayawya; Lla, itxeṣṣa-kenniw aḏ tfekkarem mliḥ ḥima war ṯɣeṭṭȓem ca ijjen wumaṯwem niɣ aṯ tesfecȓem.

Ayṯ-Ruma 14:13 ပူးပေါင်းရင်းမြစ်များ

Matta 16:23

Walakin Ƹisa ineqȓeb-d ɣar Buṭrus inna-as: "Aggwej xafi ɣar ḏeffar a Cciṭan! Cek am yijjen n uzru ḏeg ubriḏ inu tneqȓaḏeɣ ḏayes. Cek war tfekkareḏ ca amecnaw Arebbi; Lla, cek tfekkareḏ amecnaw bnaḏem."

Matta 18:7

Ya tamara n yiwḏan x ssabab n ṯmesȓayin itawin ɣar ȓmuƹṣiyeṯ. Ṯimesȓayin nni aḏ d asent, walakin ya tamara n bnaḏem nni ig iteggen manayenni!

Matta 7:1

War tƹeyyabem ḥadd ḥima war kenniw itƹeyyib ca Arebbi.

Luqa 12:57

Kenniw, mayemmi war tmeyyizem ca s yixef nwem min iǧan ḏ ȓḥaqq?

Luqa 17:2

Netta, meȓa cedden ijjen n uzru n ṯsirṯ s usɣun ɣar yiri nnes aṯ nḍaren ḏi ȓebḥar, ataf ḥsen i netta zi meȓa yuwi ijjen zeg imezyanen-a ɣar ȓmuƹṣiyeṯ.

Ayṯ-Ruma 11:9

Iqqar nnabi Dawed:

Ayṯ-Ruma 14:10

Iwa cek mayemmi tƹeyyabeḏ umac? Cek mayemmi ṯseḥqareḏ umac? Neccin marra a nbedd zzaṯ i lƹarc n Arebbi mani iy ɣa netwaḥkem.

Ayṯ-Ruma 14:3

Wenni itwaȓan marra lmakla ḥalal itxeṣṣa-yas war iseḥqir ca wenni war itetten ca. Ƹaweḏ wenni war itetten ca itxeṣṣa-yas war itƹeyyib ca x wenni itwaȓan lmakla marra ḥalal liʼanna Arebbi iqbeȓ-iṯ.

Ayṯ-Ruma 14:4

Cek min ṯeƹniḏ bac aḏ tƹeyybeḏ axeddam n midden? Injeḥ niɣ war injiḥ, wanita ḏ ccɣeȓ n siḏis. U ḏ ṣṣaḥ netta aḏ injeḥ liʼanna Siḏi Arebbi izemmar aṯ isenjeḥ.

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 11:13

Ḥekmeṯ s yixef nwem. Ma maƹqul ṯamɣarṯ aḏ teẓẓaǧ i Arebbi bȓa ma aḏ teɣmes i uzeǧif nnes?

2 Ayṯ-Kurinṯ 5:14

Liʼanna ȓemḥibbeṯ n Lmasiḥ tsayṭar xaneɣ wami nessen ijjen immuṯ ƹlaḥsab marra iwḏan. Falihaḏa ȓmewṯ nnes ḏ ȓmewṯ n marra iwḏan.

2 Ayṯ-Kurinṯ 6:3

War nesrusi walu ḏeg ubriḏ i ḥadd bac aṯ neɣḍeȓ ḥima war tifen bu ȓƹib ḏi ȓxeḏmeṯ nneɣ.

Ayṯ-Filippas 1:10

Ḥima aḏ tixḍarem min iǧan ḏ aṣebḥan ḥima aḏ tiȓim ṯeṣfam bȓa ȓƹib ɣar nhar n Lmasiḥ.

1 Timutawus 5:14

Iḏen, xseɣ ṯajjaȓin ṯimezyanin aḏ meȓcent aḏ d jjent iḥenjiren aḏ sugurent ṯaddarṯ nsent mliḥ war tejjint bu can lfurṣa i ȓaƹḏu axasent issiweȓ s ȓƹib.

Yaƹqub 2:4

Iƹni teggem s wuḏemawen ak wayawya tmeyyazem jar yiwḏan s lʼafkar ṯiƹeffanin.

Yaƹqub 4:11

Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.

1 Yuḥanna 2:10

Walakin wenni itexsen umas ataf netta itƹic ḏi nnur ataf war ɣares min ṯ ɣa iɣeḍȓen.

Lwaḥi 2:14

Walakin ƹeyybeɣ xac can ṯmesȓayin wami akiḏec can iwḏan iy tbaƹen ttaƹlim n Balƹam. Netta tuɣa iseȓmaḏ-as i Barak mammec ɣa igg ṯaxcebṯ i Ayṯ-Israʼil bac aḏ ccen dbiḥeṯ itqeddamen i lʼaṣnam aḏ fesḏen.