Ayṯ-Ruma 14:1 - Ṯarifiṯ 2020

¹ Fa wenni umi iḍƹef lʼiman nnes qebȓem-ṯ jarawem bȓa ma akiḏes ṯmenɣem x lʼafkar nnes.

Ayṯ-Ruma 14:1 ပူးပေါင်းရင်းမြစ်များ

Matta 12:20

War itrezzi bu ɣanim imeyyȓen, war isexsay ṯfawṯ n ṯefṯiȓt iteggen ddexxan, aȓ ɣa irbeḥ ȓḥaqq.

Matta 14:31

Ȓexddenni yuca-as Ƹisa fus nnes iṭṭef-iṯ inna-as: "Lʼiman nnec ḏ uqlil waha, mayemmi iy ḏayi ṯcekkeḏ?"

Matta 18:10

Ɣarwem aḏ tḥeggarem can ḥadd zeg imezyanen-a. Qqareɣ-awem: Lmalaʼikaṯ nsen ḏeg ujenna ȓebda xezzarent Baba iǧan ḏeg ujenna.

Marqus 7:19

Minzi war itiḏef ca ɣar wuȓ nnes; Lla, itraḥ ɣar uƹeddis iteffeɣ zi ddat." (S manaya Ƹisa yarra marra lmakla ḥalal.)

Luqa 17:2

Netta, meȓa cedden ijjen n uzru n ṯsirṯ s usɣun ɣar yiri nnes aṯ nḍaren ḏi ȓebḥar, ataf ḥsen i netta zi meȓa yuwi ijjen zeg imezyanen-a ɣar ȓmuƹṣiyeṯ.

Yuḥanna 13:20

Aqa tesȓam ȓḥaqq: Wenni iqebbȓen wenni iy d ɣa ssekkeɣ, aqa iqbeȓ-ayi. Wenni ḏayi iqebbȓen, aqa iqebbeȓ uȓa ḏ wenni iy ḏayi d issekken."

Ȓexḏayem 28:2

Ibarbariyen n ṯmurṯ nni ggin ḏayneɣ ȓxir aṭṭas. Reḥben zzayneɣ marra, ceƹƹȓen-aneɣ ṯimessi minzi tuɣa ṯesmeḍ ƹaweḏ iccaṯ unẓar.

Ayṯ-Ruma 11:15

Aqa wami xasen yuzzeȓ Arebbi, isemṣȓaḥ netta ddunect-a akiḏes. Ƹaweḏ xmi ṯen ɣa iqbeȓ, aḏ tiȓi am ṯuḏarṯ i yinni immuṯen!

Ayṯ-Ruma 14:2

Ijjen itwaȓa lmakla marra ḥalal. Ijjen nneɣni wenni ɣar iǧa lʼiman nnes iḍƹef itett ɣir ȓxuḍarṯ.

Ayṯ-Ruma 14:21

Ḏ ijjen n ȓxir meȓa war tetteḏ ca aysum, niɣ war ṯsesseḏ ca aman uḍiȓ, niɣ ḏ can ȓḥajeṯ nneɣni iy ɣa iɣeḍȓen umac.

Ayṯ-Ruma 14:3

Wenni itwaȓan marra lmakla ḥalal itxeṣṣa-yas war iseḥqir ca wenni war itetten ca. Ƹaweḏ wenni war itetten ca itxeṣṣa-yas war itƹeyyib ca x wenni itwaȓan lmakla marra ḥalal liʼanna Arebbi iqbeȓ-iṯ.

Ayṯ-Ruma 15:1

Fa neccin ig ijehḏen itxeṣṣa-yaneɣ a narbu ḍḍuƹef n yinni war ijhiḏen ca, maci a negg min ḏaneɣ iteƹjiben i yixef nneɣ u ṣafi.

Ayṯ-Ruma 15:7

S manaya qebȓeṯ ayawya mammec iy kenniw iqbeȓ Lmasiḥ ḥima aḏ tsemɣarem Arebbi.

Ayṯ-Ruma 4:19

Ṯumma lʼiman nnes war inqiṣ ca waxxa ɣares ƹȓayen miyya n iseggwusa, waxxa issen ixef nnes war izemmar ca ṯamɣarṯ nnes Sara war tirew ca.

1 Ayṯ-Kurinṯ 9:22

Arriɣ ixef inu am yijjen iḍƹef ɣar yinni iḍeƹfen bac ataf aṯen rebḥeɣ. Arriɣ ixef inu ḏ marra i marra iwḏan bac aḏ ggeɣ marra lʼimkaniyaṯ aḏ snejmeɣ ca zzaysen.

Ayṯ-Filippas 2:29

Reḥḥbem-ṯ s Siḏiṯneɣ s yijjen n ȓefraḥeṯ ḏ ṯameqqrant, weqqareṯ iryazen am netta.

1 Ayṯ-Salunik 5:14

Ay ayṯma, nhaṯ yinni itbaƹen farq-ccɣeȓ, cejjƹeṯ yinni itefciȓen, ƹawneṯ yinni iteḍƹifen, ṣebbareṯ ak marra.

Iƹibraniyen 5:14

Walakin lmakla n ṣṣaḥ tetten-teṯ ɣir yinni war iǧin ca ḏ iseyman. Niṯni zemmaren i lmakla nni n ṣṣaḥ minzi ȓebda xeddmen i ṯɣuri nni iy qqaren tmeyyazen jar min iǧan ḏ aṣebḥan ḏ jar min iǧan ḏ aƹeffan.

2 Yuḥanna 1:10

Wenni iy ɣarwem d itasen war d itiwi akiḏes ttaƹlim-a, itxeṣṣa-kenniw war ṯ ṯsiḏifem ca ɣar ṯuḏrin nwem war ḏas ṯeqqarem ca ḥetta uȓa ḏ azul.