Ayṯ-Ruma 13:1 - Ṯarifiṯ 2020

¹ Labud aḏ iṭaƹ kuȓ ijjen i ṣḥab n ȓmexzen liʼanna war iǧi bu ȓmexzen illa wenni d ikkin zi Arebbi. U yinni iḥekkmen ḏ Arebbi iy ṯen iggin.

Ayṯ-Ruma 13:1 ပူးပေါင်းရင်းမြစ်များ

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Yuḥanna 19:11

Indeq-d Ƹisa inna-as: "War ɣarek bu jjheḏ xafi illa meȓa immuc-ac zi Arebbi. Ƹlaḥsab manaya, wenni iy ḏayi d yuwin ɣarec, ɣares ddnub ktar zzayek."

Ȓexḏayem 2:41

Ssenni yinni iqebȓen awaȓ nnes ruḥen twaṭehharen s waman. Nhar nni marnin can ṯeȓtaȓaf iḏsen ɣar ȓmuminin.

Ayṯ-Ruma 12:21

War tejja ca ccarr ac iɣȓeb, ḏ cek iy ɣa iɣeȓben ccarr s ȓxir.

Ayṯ-Ruma 13:2

X manaya wi itƹarraḍen i ȓmexzen, itƹarraḍ i min igga Arebbi. U yinni ḏasen itƹarraḍen aḏ twaƹaqben.

Ayṯ-Ufasus 5:21

Ṯaƹem i wayawya ƹlaḥsab ȓuweqqar nwem i Lmasiḥ.

1 Timutawus 2:2

ḏ izeǧiḏen ḏ marra yinni iḥekkmen bac a nƹiceṯ ḏeg yijjen n ȓehna bȓa ssdaƹ ḏeg yijjen n ṭṭaƹa n Arebbi ḏ yijjen n lmaƹqul.

Titus 3:1

Sfekkar i ȓmuminin aḏ ggen array i ȓḥukkam ḏ ȓmexzen, aḏasen ṭaƹen aḏ iȓin wejḏen i kuȓ ȓxeḏmeṯ ḏ ṯaṣebḥant.

Yahuḏa 1:8

Ammu ƹaweḏ iṯarrasen-a. Ƹlaḥsab ṯirja nsen sexnazen ddat nsen, nekkaren ssulṭa, qqaren awaȓen war iḥȓin x lmexluqaṯ n ujenna.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Lwaḥi 19:16

Yura x učammir ḏ umeṣṣaḍ nnes ijjen n yisem iƹni ḏ Azeǧiḏ n izeǧiḏen ḏ Mawlana n mawlanaṯ.