Ayṯ-Ruma 12:8 - Ṯarifiṯ 2020

⁸ Ijjen meȓa itcejjaƹ, u labud aḏ icejjeƹ. Ijjen meȓa itṣeddaq, u labud aḏ yiȓi ḏ asexxay. Ijjen meȓa itraya, u labud aḏ iray s wuȓ nnes. Ijjen meȓa ireḥḥem, u labud aḏ irḥem s ȓefraḥeṯ nnes.

Ayṯ-Ruma 12:8 ပူးပေါင်းရင်းမြစ်များ

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ȓexḏayem 13:12

Iẓra manayenni lƹamil ȓexddenni yumen, iqqim iḏehhec s ttaƹlim n Siḏiṯneɣ.

Ȓexḏayem 13:15

Menbaƹd i ṯɣuri zi Lkutub n Ccariƹa n Musa ḏ lʼanbiya, ssekken arruyas n ṯemziḏa awaȓ nsen i Barnaba ḏ Cawul nnan-asen: "Ay ayṯma, meȓa ɣarwem can wawaȓ iy zi ɣa ṯcejjƹem ccaƹb-a, inim-asen-ṯ."

Ȓexḏayem 15:32

Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 20:2

Itcejjaƹ imeḥḍaren ḏinni s waṭṭas n wawaȓen. Wami iƹḏu ḏi jwayeh nni, yuweḍ ɣar Lyunan

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ȓexḏayem 4:36

Ḏinni ijjen qqaren-as Yusef, ƹaweḏ semman-ṯ arrusul s Barnaba iƹni Netta zi ccurfa n Ayṯ-Lawi ḏ mmis n ṯendint n Qubruṣ.

Ayṯ-Ruma 12:13

Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

Ayṯ-Ruma 13:6

Ƹaweḏ ḏ wanita ḏ ssabab iy xef txeǧasem ḍḍariba liʼanna yinni iḥekkmen niṯni ḏ ixeddamen n Arebbi, xeddmen ḏi manaya.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 14:3

Walakin wenni issawaȓen ak yiwḏan s min iƹȓem zi Arebbi ataf issawaḍ-asen ijjen n wawaȓ bac aḏ twajehhḏen aḏ twacejjƹen aḏ twaṣebbaren.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

2 Ayṯ-Kurinṯ 8:12

Liʼanna bnaḏem meȓa s ȓxaḍar nnes, min ɣa iṣeddeq aḏ itwaqbeȓ. Walakin ƹlaḥsab min ɣares ḏ agȓa maci ƹlaḥsab min war ɣares.

2 Ayṯ-Kurinṯ 9:11

Aɣarwem yiȓi ȓxir aṭṭas ḏi marra bac ataf aḏ tiȓim ṣaxiyin. U xmi ɣa nessiweḍ ṣṣaḏaqa-ya nwem aḏ teḏweȓ ḏ ijjen n ccuker i Arebbi.

2 Ayṯ-Kurinṯ 9:13

Ṣṣaḏaqa-ya ṯuca ddalil xawem, zzayes iy ɣa ḥemḏen ṣṣaliḥin Arebbi. Ṯumnem s Lʼinjil n Lmasiḥ, ṯṭaƹem-as xmi tṣeddaqem aṭṭas xasen u x marra iwḏan.

2 Ayṯ-Kurinṯ 9:7

Kuȓ ijjen itxeṣṣa-yas aḏ iṣeddeq s min inwa ḏeg wuȓ nnes maci s uxeyyaq niɣ s bessif, minzi Arebbi itexs wenni itṣeddaqen s ȓefraḥeṯ.

Ayṯ-Ufasus 6:5

Ay isemɣan, ṭaƹem i ayṯbab nwem ḏi ddunect-a, weqqarem-ṯen ggwḏem-ṯen s yijjen n wuȓ iṣfa amecnaw mammec ṯṭaƹam i Lmasiḥ.

Ayṯ-Kulus 3:22

Ay isemɣan, ṭaƹeṯ i ayṯbab nwem n ddunect-a ḏi marra ṯimesȓayin. Ṭaƹem-asen maci ɣir xmi ḏawem tbeddan ɣar uzeǧif waha ḥima aḏasen ṯƹejbem; Lla, ṭaƹem-asen s ȓxaḍar nwem akiḏwem ṯiȓi ijjen n ṯiggwḏi ḏi Siḏiṯneɣ.

1 Ayṯ-Salunik 2:3

Awaȓ nneɣ iy zi netweṣṣa war d itis ca zeg uɣḏar niɣ zi min ixenzen niɣ zi ṯeḥraymiṯ.

1 Ayṯ-Salunik 2:8

Ammu iy nethella ḏaywem netxes-ikenniw. Nfareḥ wami ncarec akiḏwem Lʼinjil ḏ ṯuḏarṯ nneɣ minzi ṯƹizzem xaneɣ aṭṭas.

1 Timutawus 4:13

Ḥetta aȓ d ɣa yaseɣ nec sxeddam ixef nnec mliḥ s ṯɣuri n Lkutub ḏ uḥeddeṯ ḏ useȓmeḏ.

1 Timutawus 5:17

Imeqqranen n jmaƹeṯ n ȓmuminin yinni iteḥkamen mliḥ u labud aṯen tweqqarem ḏ ḍubli, xaṣṣatan yinni ixeddmen aṭṭas ḏeg uḥeddeṯ ḏ useȓmeḏ.

1 Timutawus 6:18

Tweṣṣa-ṯen aḏ ggen ȓxir aḏ iȓin ḏ twajar ƹlaḥsab lḥasanaṯ aḏ iȓin ṣaxiyin aḏ iȓin wejḏen bac aḏ ṣeddqen aḏ ḏebbaren.

Iƹibraniyen 10:25

A nmun ak wayawya maci a nesmeḥ ḏi lwajib-a am mammec nnumen [nnimen] ȓebƹaḍ n yiwḏan. Lla, a ncejjeƹ ayawya, u ktar ƹaḏ xmi netwaȓa Nhar n Siḏiṯneɣ iqarreb-d.

Iƹibraniyen 13:17

Ṭaƹeṯ i yinni xawem itrayyan, ggem-asen array minzi ḏ yinni ig iḥeṭṭan ȓaƹmar nwem. Aḏ ucen niṯni ȓeḥsab x manaya i Arebbi. Ṭaƹeṯ i yina bac ȓxeḏmeṯ nsen azzayes farḥen war xasen tbessiȓ ca. Meȓa ṯeggim ṯaɣennant ataf war kenniw ineffeƹ walu.

Iƹibraniyen 13:22

Fa ay ayṯma tettareɣ-awem aḏ teṣbarem i wawaȓ inu iy zi kenniw tweṣṣiɣ minzi uriɣ-awem-d ɣir ijjen n ṯebrat ḏ ṯamezyant.

Iƹibraniyen 13:24

Siwḍem-asen sȓam i marra yinni iy xawem itrayyan ḏ marra ṣṣaliḥin. Yina zi Iṭalya sawwaḍen-awem-d sȓam.

Iƹibraniyen 13:7

Ƹeqȓeṯ x yinni iy xawem itrayyan iƹni yinni issiwȓen akiḏwem s wawaȓ n Arebbi. Fekkareṯ ḏi min urwen niṯni s ṯuḏarṯ nsen, ggeṯ mammec iy ggin niṯni s lʼiman nsen.