Ayṯ-Ruma 12:7 - Ṯarifiṯ 2020

⁷ Ijjen meȓa itsexxar, u labud aḏ isexxar. Ijjen meȓa iseȓmaḏ, u labud aḏ iseȓmeḏ.

Ayṯ-Ruma 12:7 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Yuḥanna 3:2

Yusa-d ɣar Ƹisa s ǧiȓeṯ inna-as: "A Lmuƹallim, neccin nessen belli cek ḏ amseȓmaḏ iy d yusin zi Arebbi. War izemmar uȓa ḏ ijjen aḏ igg can lmuƹjizaṯ zi min teggeḏ cek illa meȓa kiḏes Arebbi."

Ȓexḏayem 13:1

Ḏi jmaƹeṯ n ȓmuminin ḏi ṯendint n Wanṭakya ḏinni lʼanbiya ḏ imseȓmaḏen. Niṯni ḏ Barnaba, ḏ Simƹan wenni umi qqaren Abercan, ḏ Luqyus zi Lqurina, ḏ Manahen wenni ig irebban ak uzeǧiḏ Hirudus zi ṯemẓi nnes, ḏ Cawul.

Ȓexḏayem 20:20

War zzaywem snuffareɣ walu, nec txebbareɣ-kenniw s marra min kenniw ɣa inefƹen. Seȓmaḏeɣ-awem-ṯ zzaṯ i yiwḏan u ƹaweḏ zi ṯeddarṯ ɣar ṯeddarṯ.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ȓexḏayem 6:1

Ḏeg wussan nni lƹadad n imeḥḍaren imarni. Ȓmuminin iy ssawaȓen s lluɣa ṯayunaniṯ tceṯcan zeg yinni issawaȓen lƹibriya, qqaren qa neccin ṯajjaȓin nneɣ war ḏasent ticcen bu ȓḥaqq nsent xmi ferrqen lmuƹawana mkuȓ nhar.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 12:5

Ḏinni lʼanwaƹ n lmesʼuliyaṯ, walakin Siḏiṯneɣ ḏ ijjen.

1 Ayṯ-Kurinṯ 14:26

Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.

Ayṯ-Galaṭya 6:6

Fa wenni umi seȓmaḏen awaȓ n Arebbi, itxeṣṣa aḏ icarec netta ak wenni iseȓmaḏen zi marra min iǧan ḏ aṣebḥan.

Ayṯ-Ufasus 4:11

Ḏ netta ig ixḍaren arrusul ḏ lʼanbiya ḏ yinni ig itbeccaren s Lʼinjil ḏ ȓfuqaha ḏ imseȓmaḏen.

Ayṯ-Kulus 4:17

Inim-as i Arkippus u labud aḏ tkemmȓeḏ lwajib n ȓxeḏmeṯ iy ṯqebȓeḏ zi Siḏiṯneɣ.

1 Timutawus 2:7

X manayenni iy twaxḍareɣ nec bac aḏ ḥeddṯeɣ aḏ iȓiɣ ḏ arrasul aḏ iȓiɣ ḏ amseȓmaḏ ƹlaḥsab lʼiman ḏ ȓḥaqq jar yinni war iǧin ca zi Ayṯ-Israʼil. Qqareɣ lmaƹqul maci ḏ ixarriqen.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Timutawus 4:16

Xzar ḏi ṯuḏarṯ nnec ḏ ṯmesȓayin iy ṯseȓmaḏeḏ, arni ḏaysent. Liʼanna meȓa ṯeggiḏ manaya aḏ tesnejmeḏ ixef nnec ḏ yinni iy ḏac itsȓan.

1 Timutawus 5:17

Imeqqranen n jmaƹeṯ n ȓmuminin yinni iteḥkamen mliḥ u labud aṯen tweqqarem ḏ ḍubli, xaṣṣatan yinni ixeddmen aṭṭas ḏeg uḥeddeṯ ḏ useȓmeḏ.

2 Timutawus 2:2

Ṯimesȓayin nni iy ṯesȓiḏ zzayi zzaṯ i waṭṭas n ȓechuḏ, ejj-iṯent am yijjen n lʼamana ak iryazen ataf ḏaysen ttiqeṯ, ƹaweḏ iryazen nni zemmaren aḏ sȓemḏen iwḏan nneɣni.

2 Timutawus 2:24

Fa axeddam n Siḏiṯneɣ labud war itmenɣi ca s wawaȓ aṭṭas; Itxeṣṣa-as aḏ yiȓi ḍrif ak marra iwḏan, ataf issen aḏ iseȓmeḏ, ataf ɣares ttasiƹ n ȓxaḍar.

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.