Ayṯ-Ruma 12:6 - Ṯarifiṯ 2020

⁶ Ƹlaḥsab lbaraka iy ḏaneɣ immucen ɣarneɣ neccin lqudraṯ, kuȓ lqudra war tcibbih ca ḏi ṯenneɣni. Ijjen meȓa yuca-as Arebbi lwaḥi, u labud aḏ isexḏem lqudra-ya ƹlaḥsab lʼiman nnes.

Ayṯ-Ruma 12:6 ပူးပေါင်းရင်းမြစ်များ

Matta 23:34

X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint.

Matta 25:22

Ƹaweḏ iqarreb-d uxeddam nni umi yuca aȓefayen n ȓuznaṯ inna-as i siḏes: A siḏi, ṯuciḏ-ayi cek aȓefayen n ȓuznaṯ, nec uwiɣ-d aȓefayen nneɣni.

Luqa 11:49

X manaya ƹaweḏ ṯeqqar lḥikma n Arebbi aḏasen ssekkeɣ lʼanbiya ḏ arrusul, ijjen aṯ nɣen ijjen axas azzȓen.

Ȓexḏayem 13:1

Ḏi jmaƹeṯ n ȓmuminin ḏi ṯendint n Wanṭakya ḏinni lʼanbiya ḏ imseȓmaḏen. Niṯni ḏ Barnaba, ḏ Simƹan wenni umi qqaren Abercan, ḏ Luqyus zi Lqurina, ḏ Manahen wenni ig irebban ak uzeǧiḏ Hirudus zi ṯemẓi nnes, ḏ Cawul.

Ȓexḏayem 15:32

Yahuḏa ḏ Silas niṯni ḏ l'anbiya, tcejjaƹen ȓmuminin s waṭṭas n wawaȓen, ggin ḏaysen uȓ.

Ȓexḏayem 2:17

Arebbi inna: Ḏeg wussan ineggura aḏ farɣeɣ Arruḥ inu x marra iwḏan. Ṯarwa nwem ḏ yissiṯwem aḏ ssiwȓen s min ƹeȓmen zi Arebbi. Iḥenjiren nwem aḏ ẓren lwaḥi, iwessura nwem aḏ arjan ṯirja.

Ȓexḏayem 21:9

Netta ɣares arbeƹa n ṯḥenjirin ḏ ṯiƹzriyin ssawaȓent s min ƹeǧment zi Arebbi.

Ayṯ-Ruma 1:11

Nec rezzuɣ s waṭṭas akenniw ẓreɣ ḥima aḏawem uceɣ ijjen n lqudra ruḥiya iy ḏawem ɣa yucen jjheḏ.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

1 Ayṯ-Kurinṯ 12:18

Walakin ȓexxu Arebbi isettef ṭrufaṯ n ddat issen kuȓ icten mammec ixes at igg.

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.

1 Ayṯ-Kurinṯ 14:1

Ḏfareṯ abriḏ n ȓemḥibbeṯ, rzuṯ mliḥ x lqudraṯ ruḥiyaṯ xaṣṣatan ṯenni n wawaȓ itwaƹeȓmen zi Arebbi.

1 Ayṯ-Kurinṯ 14:24

Walakin, meȓa ṯessawaȓem marra kenniw s wawaȓen iy ṯƹeȓmem zi Arebbi yuḏef-d jarawem ḥadd zi barra niɣ ḏ ijjen n lkafir, ataf aḏ iḥess ḏeg yixef nnes qa aḏ itwaḥaseb aḏ iqneƹ zzaywem marra netta ḏ lƹaṣi, ataf azzayes twasufɣen marra lʼasrar n wuȓ nnes. Ṯumma aḏ isejjeḏ aḏ iƹbeḏ Arebbi aḏ yini qa Arebbi ḏ ṣṣaḥ aqaṯ jarawem!

1 Ayṯ-Kurinṯ 14:29

Fa lʼanbiya u labud aḏ ssiwȓen ṯnayen niɣ ṯȓaṯa. Inneɣni aḏ meyyzen awaȓen nni.

1 Ayṯ-Kurinṯ 3:5

Iwa min iƹna Apullus? Min iƹna Bulus? Neccin ḏ ixeddamen waha, ṯumnem x ufus nneɣ mammec ḏaneɣ d yuca Siḏi Arebbi a nexḏem.

1 Ayṯ-Kurinṯ 7:7

Rezzuɣ marra iryazen aḏ iȓin am nec. Walakin kuȓ ijjen ɣares ṯizemmar iy ḏas yuca Arebbi, ijjen ɣares ṯin, ijjen ɣares ṯa.

2 Ayṯ-Kurinṯ 8:12

Liʼanna bnaḏem meȓa s ȓxaḍar nnes, min ɣa iṣeddeq aḏ itwaqbeȓ. Walakin ƹlaḥsab min ɣares ḏ agȓa maci ƹlaḥsab min war ɣares.

Ayṯ-Ufasus 3:5

Ȓmaƹna-ya war ṯiḏ ismeḍhar ca Arebbi i ṯarwa n Adam ḏi zmanaṯ iy iƹḏun am mammec ṯiḏ ismeḍhar ȓexxu s Arruḥ iqeddsen i arrusul ṣṣaliḥin ak lʼanbiya.

Ayṯ-Ufasus 4:11

Ḏ netta ig ixḍaren arrusul ḏ lʼanbiya ḏ yinni ig itbeccaren s Lʼinjil ḏ ȓfuqaha ḏ imseȓmaḏen.

Ayṯ-Filippas 3:15

Falihaḏa marra neccin ig itemɣuren ḏi lʼiman itxeṣṣa a nfekkar amenni. Meȓa kenniw war ṯfekkarem ca amenni ḏ Arebbi iy kenniw ɣa isfehmen.

1 Ayṯ-Salunik 5:20

War tseḥqarem ca awaȓen nni iy ƹeȓmen yiwḏan zi Arebbi qqaren-ṯen.

2 Buṭrus 1:20

Min iǧan muhim qaƹ itxeṣṣa u labud aḏ tfehmem belli uȓa ḏ ijjen n wawaȓ zi lʼanbiya iy iǧan ḏi Lkitab, lʼaṣel nnes war d ikki ca zi min itfessaȓ bnaḏem.