Ayṯ-Ruma 12:3 - Ṯarifiṯ 2020

³ Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

Ayṯ-Ruma 12:3 ပူးပေါင်းရင်းမြစ်များ

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Yuḥanna 3:34

Wenni iy d issekk Arebbi issawaȓ s wawaȓ n Arebbi minzi iticc-as Arruḥ nnes bȓa ȓeqyas.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 11:20

Wah, niṯenti twaqessent ssenni wami war uminent ca; cek ṯeqqimeḏ ḏinni wami ṯumneḏ. Walakin war tsemɣar ca ixef nnec; Lla, ggweḏ!

Ayṯ-Ruma 11:25

Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

Ayṯ-Ruma 12:16

Ƹiceṯ ag wayawya ḏi ȓehna. War semɣareṯ ca ixef nwem, mƹacareṯ ag ipubriṯen. War tarraṯ ca ixef nwem ḏ imiɣisen.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

1 Ayṯ-Kurinṯ 3:10

Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

1 Ayṯ-Kurinṯ 7:17

Kuȓ ijjen aḏ iƹic ṯuḏarṯ nnes mamc ḏas t yuca Siḏiṯneɣ, mamc ḏas d iȓaɣa Arebbi. Ammu iy tweṣṣiɣ nec marra ṯijumaƹ n ȓmuminin.

2 Ayṯ-Kurinṯ 10:13

Walakin neccin a neftaxar s min iǧan nican maci ktar, a neftaxar s min ḏaneɣ ikellef Arebbi iƹni xawem kenniw.

2 Ayṯ-Kurinṯ 12:13

Ma ḏinni ca n ṯmesȓayṯ minxef arḍiɣ nec ḏi ṯjumaƹ n ȓmuminin ṯinneɣni war xas arḍiɣ ca jarawem? Wah icten, iƹni war xawem tbessiȓeɣ ca! Semḥem-ayi x falṭa-ya.

2 Ayṯ-Kurinṯ 12:7

Iḏen immuc-ayi ijjen n usennan ḏeg uysum inu, mayemmi? Ḥima war semɣareɣ ca ixef inu ƹlaḥsab ṯimesȓayin-a istƹejjiben iy ḏayi d isbeyyen Arebbi ḏi lwaḥi. Asennan-a wenni iy d issekken Cciṭan itƹeddab-ayi bac war semɣareɣ ca ixef inu.

Ayṯ-Galaṭya 6:3

Cuf, meȓa can n bnaḏem itfekkar aḏ iftaxar s yixef nnes walakin netta war ḏayes walu, ataf ixeddeƹ ixef nnes.

Ayṯ-Ufasus 3:2

Ma ṯesȓam niɣ lla x lmesʼuliya nni, iƹni ijjen n lbaraka iy ḏayi yuca Arebbi xawem kenniw?

Ayṯ-Ufasus 3:4

Xmi ɣa ṯɣarem manaya aḏ tessnem ȓefhameṯ inu iy ɣari ḏi ȓmaƹna-ya inuffaren x Lmasiḥ.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Filippas 2:13

Minzi ḏ Arebbi ig isxeddamen array nwem ḏ ȓexḏayem nwem bac aḏ teggem lɣaraḍ nnes ḏ aṣebḥan.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

Ayṯ-Kulus 2:13

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ.

1 Timutawus 1:14

Arḍa n Siḏiṯneɣ infeyyeḍ-d xafi s waṭṭas ḏ waṭṭas, akiḏes ijjen n lʼiman ḏ ijjen n ȓemḥibbeṯ ig iǧan ḏi Ƹisa Lmasiḥ.

1 Timutawus 2:15

Ṯamɣarṯ aḏ twasenjem ƹlaḥsab ṯarwa walakin itxeṣṣa wa labud aḏ qqiment niṯenti ḏi lʼiman ḏ ȓemḥibbeṯ ḏ ȓeṣfiyeṯ ƹlaḥsab lmaƹqul.

1 Timutawus 2:9

Amenni ƹaweḏ xseɣ ṯimɣarin aḏaysent yiȓi lʼiḥtiram aḏaysent yiȓi ȓeḥya ḏ lmaƹqul, maci aḏ qqiment s ucewwaf iḍȓeq aṭṭas niɣ s ddheb ḏ jjuwhar ḏ warruḍ iy iɣȓan.

Titus 2:12

Arḍa-ya itrebba-yaneɣ a nenkar ccarr ḏ ccehawaṯ n ddunect-a, a nƹic ḏi zman-a a neḥkam x ṯnefsiyṯ nneɣ aḏayneɣ yiȓi lmaƹqul ḏ lʼiman

Titus 2:2

Yinni imɣaren aḏaysen yiȓi lmaƹqul, aḏ iȓin mweqqrin, aḏ ḥekmen x ṯnefsiyṯ nsen, aḏ iȓin nican ḏi lʼiman ḏ ȓemḥibbeṯ ḏ ṣṣbar.

Titus 2:4

Amenni aḏ rebbant ṯimɣarin ṯimezyanin ḥima aḏ texsent iryazen nsent ḏ ṯarwa nsent,

Titus 2:6

Ammu ƹaweḏ in-asen i iḥenjiren aɣarsen yiȓi ȓaƹqeȓ nsen.

Yaƹqub 4:6

Walakin netta yarni-yaneɣ-d arḍa zzayes. S manaya iqqar Lkitab:

1 Buṭrus 1:13

Iḏen, swejḏem ȓaƹquȓaṯ nwem bac aḏ txeḏmem. Arrem-d ȓbaȓ nwem. Ggem lʼamal nwem ɣir ḏi arḍa n usenjem nni iy ḏawem d ɣa immucen xmi d ɣa imeḍhar Ƹisa Lmasiḥ.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

1 Buṭrus 5:5

Ay iḥenjiren, kenniw ṭaƹeṯ ƹaweḏ i yinni iǧan ḏ imeqqranen. Swejḏeṯ ixef nwem marra kenniw s yijjen n array ak wayawya war ḏayes bu ttakebbur minzi

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

3 Yuḥanna 1:9

Uriɣ ijjen n wawaȓ i jmaƹeṯ walakin yugi Diyutrif i ssulṭa nneɣ ȓaḥeqqac netta iteƹjib-as aḏ yiȓi ḏ amezwaru.