Ayṯ-Ruma 12:19 - Ṯarifiṯ 2020

¹⁹ Ay imƹizzen inu, war tentaqamem zi ḥadd, lƹiqab jjem-ṯ i Arebbi. Aqa Lkitab iqqar: <Ḏ nec ig itentaqamen, ḏ nec iy itxeǧasen, iqqar-it Siḏi Arebbi.>

Ayṯ-Ruma 12:19 ပူးပေါင်းရင်းမြစ်များ

Matta 5:39

Walakin nec qqareɣ-awem: War tƹarraḍem ca i wenni iǧan ḏ aƹeffan. Wenni c ɣa iseqqȓen ɣar uɣembub jjiheṯ ṯafusiṯ ḏewwaȓ-as jjiheṯ nneɣni.

Ayṯ-Ruma 12:14

Barkeṯ i yinni kenniw itƹeddaben, barkeṯ war ṯen neƹƹȓem ca.

Ayṯ-Ruma 12:17

War tarram ca ccarr s ccarr. Arrem-d ȓbaȓ nwem bac aḏ teḥtarmem marra iwḏan ḏi min teggem.

Ayṯ-Ruma 13:4

Aqa netta ḏ axeddam n Arebbi ac infeƹ. Walakin meȓa teggeḏ ccarr ggweḏ zzayes, war iysi ca ssif bȓa ssabab. Netta ḏ axeddam n Arebbi itxeǧas itƹaqab wenni iteggen ccarr.

Ayṯ-Ufasus 4:27

Iƹni war tejjaṯ ca abriḏ i Cciṭan aḏ yaḏef ḏeg wuȓawen nwem.

1 Ayṯ-Salunik 4:6

Ƹlaḥsab manaya itxeṣṣa labud uȓa ḏ ijjen war iḍeǧem umas war ṯ itɣecci ca liʼanna ḏ Siḏiṯneɣ ig itxeǧasen x marra ṯimesȓayin-a mammec ḏawem ṯ nenna qbeȓ neƹȓem-awem xas.

2 Timutawus 4:14

Iskander wenni itṣennaƹen nneḥḥas iḍarr-ayi aṭṭas, aṯ ixeǧes Arebbi x ȓefƹayeȓ nnes.

Iƹibraniyen 10:30

Aqa neccin nessen belli ḏ Arebbi ig innan qa ḏ nec ig itentaqamen aṯen xeǧseɣ.