Ayṯ-Ruma 12:12 - Ṯarifiṯ 2020

¹² Farḥeṯ ḏi lʼamal. Ṣbareṯ x tamara. Dawwmeṯ x ṯẓaǧiṯ.

Ayṯ-Ruma 12:12 ပူးပေါင်းရင်းမြစ်များ

Matta 5:12

Ḍeḥceṯ, farḥeṯ. Aqa ɣarwem ijjen n lʼajar ḏ ameqqran ḏeg ujenna ȓaḥeqqac amenni iy twaƹeddben lʼanbiya tuɣa iǧan qbeȓ nwem.

Luqa 10:20

Innama, war farrḥeṯ ca wami jnun ḏawem teggen array. Lla, farḥeṯ wami isemawen nwem urin zemmen ḏeg ujenna."

Luqa 21:19

S ṣṣbar nwem ataf aḏ tnejmem.

Luqa 8:15

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

Ȓexḏayem 1:14

Yina kuȓ nhar tmunen marra s yijjen n lfikra tẓaǧan, akiḏsen can n ṯemɣarin ḏ Maryam yemmas n Ƹisa ḏ ayṯmas.

Ȓexḏayem 12:5

Tƹessasen x Buṭrus ḏi ȓeḥbes, jmaƹeṯ n ȓmuminin tettaren xas i Arebbi.

Ȓexḏayem 2:42

Ȓmuminin ȓebda tesȓan i ttaƹlim n arrusul, tmunen ag wayawya am wawmaṯen, tetten aɣrum ag wayawya, tẓaǧan.

Ȓexḏayem 6:4

bac neccin arrusul a nuc ȓweqṯ nneɣ i ṯẓaǧiṯ ḏ uḥeddeṯ."

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Ayṯ-Ruma 15:4

Cuf, marra min yurin ḏi Lkutub ḏi zman urin-ṯ bac azzayes neȓmeḏ neccin. Awaȓ n Arebbi itcejjaƹ-aneɣ, itawi-yaneɣ-d ṣṣbar ḥima aɣarneɣ yiȓi lʼamal.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 8:25

Lla, walakin meȓa ƹaḏ war ṯ nufi ca ataf aṯ nraja s ṣṣbar.

1 Ayṯ-Kurinṯ 13:13

Aqaṯen ȓexxu qqimen ṯȓaṯa-ya: lʼiman ḏ lʼamal ḏ ȓemḥibbeṯ yina. Maca zi yina ȓemḥibbeṯ ṯuƹȓa.

2 Ayṯ-Kurinṯ 12:8

Ttareɣ-as i Siḏiṯneɣ ṯȓaṯa n ṯwaȓaṯin bac axafi isbeƹƹeḏ manaya.

Ayṯ-Filippas 3:1

Ȓexxu ay ayṯma aḏ kemmȓeɣ, farḥeṯ s Siḏiṯneɣ! War ɣari bu lmuckil aḏawem ƹawḏeɣ ṯimesȓayin-a s ṯira, kenniw ƹaweḏ azzaysent twaḥḍam zi lxaṭar.

Ayṯ-Filippas 4:4

Farrḥeṯ ȓebda s Siḏiṯneɣ! Aḏawem iniɣ awaȓ-a ƹaweḏ, farrḥeṯ!

Ayṯ-Kulus 1:11

Ntettar i Arebbi aḏ tjehḏem ḏi marra ṯizemmar nwem ƹlaḥsab lquwwa nnes iǧan ƹaḍima bac aḏ tbeddem aḏ teṣbarem mliḥ s ȓefraḥeṯ,

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 4:12

Isawwaḍ-awem-d sȓam Pafras netta ig iǧan zi ṯmurṯ nwem, netta ḏ ijjen n uxeddam n Ƹisa Lmasiḥ. Ȓebda itaḥeȓ ḏi ṯẓaǧiṯ ƹlaḥsab kenniw bac aḏ tbeddem x dsas aḏ tiȓim ṯemɣarem ḏi lʼiman nwem war ɣarwem itȓi bu ccekk ḏi marra min ixes Arebbi.

Ayṯ-Kulus 4:2

Teggem lmejhud s ṯẓaǧiṯ nwem, iȓim ƹlabal ḏi ṯẓaǧit nwem cekkarem Arebbi.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

1 Ayṯ-Salunik 5:8

Neccin lla, neccin ḏ ṯarwa n nhar, aɣarneɣ yiȓi ȓaƹqeȓ. A negg ṯjilit nni n ȓeḥḏiḏ iǧan nettaṯ n lʼiman ḏ ȓemḥibbeṯ. A negg lkask nneɣ iǧan netta ḏ lʼamal n ufekki.

2 Ayṯ-Salunik 1:4

X manaya ḏ kenniw ig iǧan ḏ ccan nneɣ jar ṯjumaƹ n ȓmuminin, nessawaȓ x ṣṣbar nwem ḏ lʼiman nwem ḏi marra aƹeddeb nni ḏ marra ȓemḥayen nni iy xawem iy tekken.

2 Ayṯ-Salunik 3:5

Aḏ issiweḍ Siḏiṯneɣ uȓawen nwem ɣar ȓemḥibbeṯ n Arebbi, ƹaweḏ ɣar ṣṣbar n Lmasiḥ.

1 Timutawus 6:11

Fa cek ay aryaz n Arebbi, arweȓ zi marra manaya ḏfar min iǧan nican ḏ min ḏas iteƹjiben i Arebbi ḏ lʼiman ḏ ȓemḥibbeṯ ḏ ttasiƹ n ȓxaḍar ḏ ttawaḍuƹ.

2 Timutawus 3:10

Walakin cek ṯessneḏ mliḥ ttaƹlim inu ḏ ubriḏ n ṯuḏarṯ inu ḏ lɣaraḍ inu ḏ lʼiman inu ḏ ttasiƹ n ȓxaḍar inu ḏ ȓemḥibbeṯ inu ḏ ṣṣbar inu

Titus 2:13

u neccin ɣir netraja lʼamal nni itwabarken iƹni Nhar nni iy ḏayes d ɣa ṯmeḍhar lƹaḍama n Arebbi Ameqqran ḏ Umsenjem nneɣ Ƹisa Lmasiḥ.

Titus 3:7

Ḥima a nwareṯ zzayes, aɣarneɣ yiȓi ijjen n lʼamal n ṯuḏarṯ ṯenni war ifennin ca liʼanna nmeṣȓaḥ ak Arebbi s arḍa nnes.

Iƹibraniyen 10:32

Fa ƹeqȓeṯ x wussan nni iƹḏun wami xawem d iceƹceƹ nnur. Ṯeṣbarem x yijjen n umenɣi iqseḥ, ṯwajham aƹeddeb.

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Iƹibraniyen 12:1

Iḏen ƹlaḥsab niṯni, iƹni ȓechuḏ nni n lʼiman iy xaneɣ itennḍen am yijjen n umuni ḏ ameqqran, labud a nekkar a nekkes kuȓ dqeȓ ḏ kuȓ ȓmuƹṣiyeṯ iy ḏaneɣ iseḥṣaren. A nazzȓeṯ s ṣṣbar ṯazzȓa nni iy ḏaneɣ itrajan ɣar zzaṯ.

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Iƹibraniyen 5:7

Ḏeg wussan nni iy ḏi tuɣa iddar Ƹisa ḏi ṯmurṯ-a, itẓaǧa itȓaɣa x Arebbi s jjheḏ u s imeṭṭawen itettar-as i wenni izemmaren aṯ isenjem zi ȓmewṯ. Arebbi itṣennaṭ-as wami Ƹisa iteggweḏ zzayes.

Iƹibraniyen 6:12

War nexs ca aḏ tƹegzem. Itxeṣṣa aḏ tiȓim am yinni itwaraṯen s ṣṣbar ḏ lʼiman nsen x ṯmesȓayin nni iy zi ṯen iwƹeḏ Arebbi.

Iƹibraniyen 6:15

Iwa ammu wami iraja Brahim s yijjen n ṣṣbar yuweḍ-as-d min zi ṯ iwƹeḏ Arebbi.

Yaƹqub 5:7

Ay ayṯma, ṣbareṯ aȓ d ɣa yas Siḏiṯneɣ. Xzareṯ ɣar ufeǧaḥ mammec itraja ṯafeǧaḥṯ n ṯmurṯ nnes, itraja-t s yijjen n ṣṣbar aȓ ɣa yuweṯ unẓar amezwaru ḏ wenni aneggaru.

1 Buṭrus 4:13

Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

2 Buṭrus 1:6

u ƹaweḏ arnim ȓeḥkam x yixef nwem ak ṯusna-ya nwem; u ƹaweḏ arnim ṭṭaƹa i Arebbi ak ȓeḥkam-a x yixef nwem;

Lwaḥi 13:10

Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.