Ayṯ-Ruma 12:1 - Ṯarifiṯ 2020

¹ Iḏen fa ay ayṯma, s arraḥmeṯ n Arebbi tcejjaƹeɣ-kenniw aḏ tqeddmem ixef nwem i Arebbi amecnaw ijjen n dbiḥeṯ ṯeddar, ḏ ṯamqeddest, axas yarḍa netta. Manaya ḏ lwajib n lƹibada xawem.

Ayṯ-Ruma 12:1 ပူးပေါင်းရင်းမြစ်များ

Luqa 7:47

X manaya aḏac iniɣ, ȓmuƹṣiyaṯ nni iy ṯegga aṭṭas twaɣfarent-as minzi nettaṯ ḏayes ȓemḥibbeṯ aṭṭas. Wenni umi twaɣfarent ȓmuƹṣiyaṯ ḏrus, netta ḏayes ȓemḥibbeṯ ḏrus."

Ayṯ-Ruma 12:2

War teggem ca min teggen yiwḏan ḏi ȓweqṯ-a ṯanita. Itxeṣṣa aɣarwem yiȓi ijjen n ȓaƹqeȓ ḏ jḏiḏ ḥima aḏ twabeddȓem, ssenni aḏ tessnem kenniw min ixes Arebbi, iƹni min iṣebḥan ḏ min ḏas iteƹjiben war ḏayes bu uxeṭṭi.

Ayṯ-Ruma 15:30

Fa tettareɣ zzaywem ay ayṯma, s Siḏiṯneɣ Ƹisa Lmasiḥ ḏ ȓemḥibbeṯ n Arruḥ n Arebbi aḏ tbeddem akiḏi s ṯẓaǧiṯ nwem ɣar Arebbi s ssabab inu.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

Ayṯ-Ruma 6:13

War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican.

Ayṯ-Ruma 6:16

Ma war ṯessinem ca? Meȓa ṯsellmem ixef nwem i can yijjen ṯḏewȓem ḏ isemɣan ṯṭaƹam-as, ataf aḏ tḏewȓem ḏ isemɣan i wenni umi ṯṭaƹam. Imma aḏ tṭaƹem i ȓmuƹṣiyeṯ itawin ɣar ȓmewṯ, imma aḏ tṭaƹem i wenni iy kenniw ɣa yawin ɣar ṣṣulḥ akiḏes.

Ayṯ-Ruma 6:19

Nec ssawaȓeɣ akiḏwem s yijjen n wawaȓ ƹadi liʼanna iqseḥ x bnaḏem aḏ ifhem manaya. Qbeȓ tuɣa tqeddamem kuȓ ṭṭarf zi ddat nwem bac azzayes itwagg lfasad ḏ ccarr itemɣuren. Walakin ȓexxu tqeddameṯ ddat nwem aḏ texḏem min iǧan nican ḥima aḏ tiȓim ṯeṣfam.

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.

2 Ayṯ-Kurinṯ 4:1

S manaya, war ntefciȓ ca minzi ɣarneɣ ȓƹaheḏ-a wanita s arraḥmeṯ n Arebbi.

2 Ayṯ-Kurinṯ 4:16

X manaya neccin war ntefciȓ ca. Waxxa ṭṭabiƹa n ddat nneɣ ɣar barra traḥ, ṭṭabiƹa nneɣ ɣar ḏaxeȓ tejhiḏ nhar x nhar.

2 Ayṯ-Kurinṯ 5:20

Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Ufasus 5:10

Meyyzeṯ ƹaweḏ min ḏas iteƹjiben i Siḏi Arebbi.

Ayṯ-Filippas 1:20

Trajiɣ s wur inu nec tmenniɣ war tseḏḥiɣ ca qaƹ x lwajib inu. Lla, nec tzeƹƹameɣ ȓexxu aḏ zeƹmeɣ menbaƹd bac s ddat inu azzayes imɣar Lmasiḥ waxxa aḏ mmṯeɣ niɣ aḏ ddareɣ.

Ayṯ-Filippas 2:17

Nec farrḥeɣ akiḏwem s yijjen n ȓefraḥeṯ maƹlic meȓa ferrɣen-ayi-d waha am yijjen n ṣṣeḏqeṯ n iḏammen x dbiḥeṯ nwem iy tqeddamem kenniw s lʼiman nwem.

Ayṯ-Filippas 4:18

Ṭṭfeɣ ȓmuneṯ ṯekmaȓ zzaywem u ktar ƹaḏ. Ṯḏebbarem-ayi-d mliḥ wami qebȓeɣ zeg wumaṯneɣ Parfulitus lhadiyaṯ nni iy ḏayi d ṯessekkem. Niṯenti am yijjen ṣṣeḏqeṯ ṯetfuḥ ḏ yijjen n dbiḥeṯ iy ɣa iqbeȓ Arebbi iy ḏas ɣa iƹejben.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

1 Ayṯ-Salunik 4:10

Wah, ḏ ṣṣaḥ texsem marra ayṯmaṯwem iy kiḏwem itƹicen ḏi lʼiqlim n Masidunya. Walakin netweṣṣa-kenniw ay ayṯma aḏ tarnim ƹaḏ ktar.

1 Ayṯ-Salunik 5:12

Fa ay ayṯma, neqqar-awem weqqarem yinni ixeddmen jarawem ig iǧan xawem nehhan-kenniw.

1 Timutawus 2:3

Manaya ḏ aṣebḥan yarḍa xas Arebbi iy ḏaneɣ d isnejmen,

1 Timutawus 5:4

Cuf, ṯajjaȓṯ nni meȓa ɣares iḥenjiren niɣ ḏ ayyawen ataf ḏ niṯni iy t ɣa iƹawnen aḏ ȓemḏen ḏ amezwaru aḏ sxeddmen lʼiman nsen ak lƹaʼila nsen aḏ arren ȓxir i lwalidin nsen. Aqa manaya yarḍa xas Arebbi.

Filimun 1:10

Tettareɣ-cek x Wanisamu wenni iǧan am memmi, arriɣ-ṯ nec ḏ mmi wami tuɣaṯ akiḏi ḏi ȓeḥbes.

Filimun 1:9

walakin ḥsen ac ttareɣ manaya s ȓemḥibbeṯ. Iwa nec ḏ Bulus aqayi numɣareɣ, ȓexxu aqayi ƹaweḏ ḏi ȓeḥbes ƹlaḥsab Siḏiṯneɣ Ƹisa.

Iƹibraniyen 13:22

Fa ay ayṯma tettareɣ-awem aḏ teṣbarem i wawaȓ inu iy zi kenniw tweṣṣiɣ minzi uriɣ-awem-d ɣir ijjen n ṯebrat ḏ ṯamezyant.

1 Buṭrus 2:20

Walakin meȓa ṯeƹṣam ṯeccim xas aƹmuḏ ṯeṣbarem x manayenni, ma ḏayes can n ccuker? Lla, walu. Meȓa ṯeggim ȓxir ṯetwaƹeddbem xas ṯeṣbarem xas, ataf manaya wah ḏayes ijjen n ccuker ḏ ameqqran zzaṯ i Arebbi.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.