Ayṯ-Ruma 11:25 - Ṯarifiṯ 2020

²⁵ Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

Ayṯ-Ruma 11:25 ပူးပေါင်းရင်းမြစ်များ

Matta 13:11

Indeq-d Ƹisa inna-asen: "Itwasmeḥ i kenniw aḏ tessnem min inuffaren ḏi ȓmulk ujenna. Walakin niṯni lla, war ḏasen itwasmiḥ ca.

Luqa 21:24

Aṯen nɣen s ȓesyuf, aṯen awin ḏ imeḥbas ɣar marra ȓegnus. Ssenni yinni war iǧin ca zi Ayṯ-Israʼil aḏ heḏmen Lquds aȓ ɣa fnant lʼawqat nsen.

Yuḥanna 10:16

Ɣari iḥuȓiyen nneɣni war ǧin ca ḏi ȓkuri-ya, itxeṣṣa-ayi aṯen d awiɣ. Aḏ sȓen i ṣṣut inu aḏ tiȓi ḏ ijjen n ṯḥimerṯ ḏ ijjen iy ṯen ɣa yarewsen.

Ayṯ-Ruma 1:13

Ay ayṯma, xseɣ aḏ tessnem belli aṭṭas n ṯwaȓaṯin teggeɣ aɣarwem d aseɣ, walakin ȓexxu ƹaḏ war ɣarwem d uwiḍeɣ. Nec xseɣ ȓxeḏmeṯ inu aḏ tenjeḥ ḏaywem mammec ṯenjeḥ jar ȓegnus nneɣni.

Ayṯ-Ruma 11:12

Ȓexxu ȓmuƹṣiyeṯ nni iy ggin Ayṯ-Israʼil meȓa ṯuwi-d lbaraka ḏ ṯameqqrant i ddunect-a, u ƹaweḏ weṭṭu nni iy ggin meȓa yuwi-d lbaraka ḏ ṯameqqrant i yinni war iǧin ca zi Ayṯ-Israʼil, mecḥaȓ ɣa ṯarni lbaraka xmi d ɣa ḏewȓen ɣar ubriḏ?

Ayṯ-Ruma 11:24

Cuf, cek twaqesseḏ zeg uzemmur iƹni ṭṭabiƹa nnec, ssenni twaȓeqqmeḏ ḏi ṯzitunt iƹni maci ṭṭabiƹa nnec. U niṯenti, mecḥaȓ ihwen aḏ twaȓeqqment iƹni ṯiseḍwin n ṯzitunt aḏ twaƹeqbent ɣar lʼaṣel nsent.

Ayṯ-Ruma 12:16

Ƹiceṯ ag wayawya ḏi ȓehna. War semɣareṯ ca ixef nwem, mƹacareṯ ag ipubriṯen. War tarraṯ ca ixef nwem ḏ imiɣisen.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Ruma 9:18

Falihaḏa Arebbi ireḥḥem wenni ixes, isɣannan wenni ixes.

1 Ayṯ-Kurinṯ 10:1

Cuf ay ayṯma, war xseɣ ca aḏ tettum belli ȓejḏuḏ nneɣ tuɣaṯen qaƹin swadday i useynu nni iḥeṭṭa-ṯen. Marra niṯni ẓwan ɣar ujemmaḍ-in n Ȓebḥar Azeggwaɣ.

1 Ayṯ-Kurinṯ 12:1

Fa amma lqudraṯ ruḥiyaṯ. Ay ayṯma, war xseɣ ca axasent tqefaȓem ixef nwem.

1 Ayṯ-Kurinṯ 2:7

Lla, neccin nessawaḍ ijjen n ȓefhameṯ ḏayes ȓmaƹna inuffaren n Arebbi ḏ min itwasnuffaren. Izemmem-it Arebbi qbeȓ ma aḏ d ṯexȓeq ȓweqṯ qaƹ ḥima neccin a netwasemɣar.

1 Ayṯ-Kurinṯ 4:1

Cuf, ammu itxeṣṣa aḏaneɣ ẓren yiwḏan iƹni neccin ḏ ixeddamen n Lmasiḥ, neccin netkellaf x ṯmesȓayin inuffaren n Arebbi.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Ayṯ-Ufasus 3:9

Ƹaweḏ bac aḏ seḍhareɣ mliḥ i marra iwḏan min ixeṭṭeṭ Arebbi ḏi ȓmaƹna nni inuffaren ig ijja netta ḏeg yixef nnes ḏi zmanaṯ iy iƹḏun u ḏ netta ḏ Lxaliq n marra min iǧan ḏ ṯimesȓayin.

Ayṯ-Ufasus 4:18

Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.

2 Buṭrus 3:8

Ay imƹizzen inu, war tettuṯ ca ṯamesȓayṯ-a: Siḏiṯneɣ iḥesseb ijjen n nhar am waȓaf n iseggwusa, iḥesseb aȓaf n iseggwusa am yijjen n nhar.

Lwaḥi 1:20

Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."

Lwaḥi 10:7

Aqa ḏi nhuraṯ nni xmi ɣa ṯṣuḍ lmalaʼika wis sebƹa ḏi zzammar nnes qa ṣafi ssirr n Arebbi ikemmeȓ mammec ḏasen ṯ iƹaweḏ i lƹibad nnes lʼanbiya."

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 7:9

Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.