Ayṯ-Ruma 11:20 - Ṯarifiṯ 2020

²⁰ Wah, niṯenti twaqessent ssenni wami war uminent ca; cek ṯeqqimeḏ ḏinni wami ṯumneḏ. Walakin war tsemɣar ca ixef nnec; Lla, ggweḏ!

Ayṯ-Ruma 11:20 ပူးပေါင်းရင်းမြစ်များ

Luqa 18:14

Aḏawem iniɣ: Wenni ijemmƹen ḍḍariba iḏweȓ ɣar ṯeddarṯ nnes mliḥ imeṣȓaḥ ak Arebbi, afarrisi nni lla. Minzi wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran."

Ȓexḏayem 18:6

Wami bḏan tƹarraḍen-as tbuṣaren xas, imseḥ arruḍ nnes am yijjen n chaḏeṯ xasen inna-asen: "Iḏammen nwem x yirawen nwem, qa nec tberriɣ azeǧif inu zzaywem. Ssa aȓ ṯsawent aḏ raḥeɣ ɣar yinni war iǧin ca zi Ayṯ-Israʼil."

Ayṯ-Ruma 11:18

Walakin war tsemɣar ca ixef nnec x ȓefruƹ nni itwaqessen. Mayemmi? War tettu ca belli ḏ iẓewran nni iy cek iysin, war iǧi bu ḏ cek iy ṯen iysin.

Ayṯ-Ruma 11:21

Iwa, meȓa Arebbi tuɣa war iḥinn ca ḏi ȓefruƹ n lʼaṣel, uȓa ḏ cek war ḏayek itḥinni ca.

Ayṯ-Ruma 12:16

Ƹiceṯ ag wayawya ḏi ȓehna. War semɣareṯ ca ixef nwem, mƹacareṯ ag ipubriṯen. War tarraṯ ca ixef nwem ḏ imiɣisen.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

Ayṯ-Ruma 3:3

Iwa meȓa ȓebƹaḍ zzaysen war uminen ca, ma s lkufer nsen iy zi ɣa isbeṭṭeȓ Arebbi ȓƹaheḏ nnes?

1 Ayṯ-Kurinṯ 10:12

S manaya wenni umi itɣiȓ-as qa ibedd war iweṭṭi ca, itxeṣṣa-yas aḏ d yarr ȓbaȓ nnes.

1 Ayṯ-Kurinṯ 15:1

Fa ay ayṯma akenniw sfekkareɣ x Lʼinjil iy zi kenniw beccareɣ, iƹni netta ṯqebȓem-ṯ u mtebṯin xas.

1 Ayṯ-Kurinṯ 16:13

Iȓiṯ ƹlalbal, beddeṯ nican ḏi lʼiman, iȓiṯ ḏ iryazen, iȓiṯ ṯjehḏem.

2 Ayṯ-Kurinṯ 1:24

Lʼianna war iǧi bu netḥekkem x lʼiman nwem; Lla, nxeddem akiḏwem bac aḏ tfarḥem. Aqa s lʼiman nwem iy ṯbeddam nican.

2 Ayṯ-Kurinṯ 10:5

Netrezza awaȓen ḏ kuȓ array iy ḏi iǧa ttakebbur ig itƹarraḍen i min nessen x Arebbi. Nḥebbes kuȓ lfikra ḥima ataf aḏ tṭaƹ i Lmasiḥ.

Ayṯ-Filippas 2:12

Iḏen ay imƹizzen inu, mamc tuɣa ṯetṭaƹam ȓebda zi qbeȓ wami tuɣayi akiḏwem, amenni ƹaweḏ iy ɣa ḏayi ṯṭaƹem wami xawem ɣabeɣ. Iƹni aḏ teqqimem teggem lmejhud bac aḏ tkemmȓem mliḥ ḏeg usenjem nwem s yijjen n ṯiggwḏi ḏ yijjen n tarjiji.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

2 Ayṯ-Salunik 2:4

Netta itƹarraḍ i Arebbi isemɣar ixef nnes x marra minxef iǧa isem n Arebbi ḏ min ƹebbḏen yiwḏan ḥetta aḏ iqqim ḏi Ṯemziḏa ṯameqqrant n Arebbi aḏ iƹeyyeḍ aḏ yini qa nec ḏ Arebbi.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

Iƹibraniyen 3:12

Ay ayṯma, ḥḍam ixef nwem bac uȓa ḏ ijjen zzaywem war ɣares itiȓi wuȓ ḏ abercan niɣ war ḏayes itiȓi bu lʼiman bac war itbeƹƹiḏ ca netta x Arebbi iddaren.

Iƹibraniyen 3:19

Iwa neccin netwaȓa belli tuɣa war zemmaren ca aḏ aḏfen ḏi arraḥeṯ n Siḏi Arebbi minzi ugin aḏ amnen.

Iƹibraniyen 4:11

Iḏen wa labud a negg lmejhud nneɣ bac a naḏef ḏi arraḥeṯ nni ḥima uȓa ḏ ijjen war iweṭṭi ḏi nnefs n ȓmuƹṣiyeṯ.

Iƹibraniyen 4:6

Iḏen ƹaḏ qqimen ȓebƹaḍ n yiwḏan aḏ aḏfen ḏi arraḥeṯ-a n Siḏi Arebbi, yinni itwabeccaren zi qbeȓ war uḏifen ca ḏinni liʼanna war uminen ca.

Yaƹqub 2:19

Cek tamneḏ belli Arebbi netta ḏ ijjen? Iwa mliḥ, walakin uȓa ḏ ccayaṭin tamnen s manayenni terjijin.

Yaƹqub 4:6

Walakin netta yarni-yaneɣ-d arḍa zzayes. S manaya iqqar Lkitab:

1 Buṭrus 1:17

Meȓa ṯeqqarem-as "A Baba" i wenni iteḥsaben ȓexḏayem n kuȓ bnaḏem bȓa uḏemawen ataf itxeṣṣa aḏ tƹicem s yijjen n ṯiggwḏi axmi ɣa ṯƹezzbem ḏi ṯmurṯ-a.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.

1 Buṭrus 5:9

Ƹarrḍem-as i Ibȓis, beddem nican x dsas n lʼiman nwem minzi ṯessnem belli ayṯmaṯwem ḏi marra ddunect-a aqa twaƹeddaben am kenniw.

Lwaḥi 18:7

Mecḥaȓ ma ṯsemɣer ixef nnes, mecḥaȓ ma ṯƹic ḏi ccehweṯ nnes, anectenni iy t ɣa ṯƹeddbem, anectenni iy t ɣa ṯesxeyyqem. Liʼanna nettaṯ ṯeqqar ḏeg wuȓ nnes: Aqa qqimeɣ ḏa am lmalika, nec war ǧiɣ ca ḏ ṯajjaȓṯ, ƹemmarṣ aḏ ḥezneɣ.

Lwaḥi 3:17

Cek ṯeqqareḏ zaƹma qa nec ḏ ijjen n ttajar ggiɣ aṭṭas n wagȓa war ḥḏijeɣ walu. Iwa war ṯessineḏ ca qa cek ḏ amqeṭṭaƹ ḏ ameɣbun, ḏ imesƹi, ḏ aḏarɣaȓ, ḏ aƹeryan.