Ayṯ-Ruma 10:9 - Ṯarifiṯ 2020

⁹ Qa meȓa ṯcehḏeḏ s uqemmum nnec illa Ƹisa ḏ Siḏic, meȓa ṯumneḏ s wuȓ nnec illa Arebbi isekkar-iṯ-iḏ zi ȓmewṯ, ataf aḏ tnejmeḏ.

Ayṯ-Ruma 10:9 ပူးပေါင်းရင်းမြစ်များ

Luqa 12:8

Aḏawem iniɣ: Wenni zzayi ɣa icehḏen nec zzaṯ i yiwḏan, ataf azzayes cehḏeɣ nec Mmis n bnaḏem zzaṯ i lmalaʼikaṯ n Arebbi.

Yuḥanna 9:22

Nnan lwalidin nnes amenni minzi ggwḏen zeg imeqqranen n Ayṯ-Israʼil. Tuɣa imeqqranen nni tafqen belli wenni ɣa icehḏen Ƹisa ḏ Lmasiḥ, aṯ ṭerden zi ṯemziḏa.

Ȓexḏayem 16:31

Nnan-as: "Amen zi Siḏiṯneɣ Ƹisa aḏ tnejmeḏ cek ḏ ȓeḥbab nnec."

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Ȓexḏayem 2:32

Ƹisa-ya wanita isekkar-iṯ-iḏ Arebbi zi ȓmewṯ, aqa neccin marra ncehheḏ x manaya.

Ȓexḏayem 8:36

Gguren ḏeg ubriḏ uwḍen ɣar can waman. Inna-as uḥabaci nni: "Aqac aman mujud, min ḏayi yuɣen nec war twaṭehhareɣ ca s waman-a?"

Ayṯ-Ruma 10:10

Liʼanna s wuȓ nnec cek tamneḏ, ac isemṣȓaḥ Arebbi akiḏes. U s uqemmum nnec cek ṯcehhḏeḏ, cek ṯnejmeḏ.

Ayṯ-Ruma 14:11

Aqa yura ḏi Lkitab:

Ayṯ-Ruma 14:9

Liʼanna x manaya iy xef immuṯ Lmasiḥ uca ṯeƹqeb-d ḏayes ṯuḏarṯ ḥima aḏ yiȓi netta ḏ Siḏiṯsen n yinni immuṯen ḏ yinni iddaren.

Ayṯ-Ruma 4:24

Lla, yura ƹaweḏ ƹlaḥsab neccin umi ḏaneɣ isemṣȓaḥ akiḏes wami zzayes numen zi Arebbi wenni iy d isekkaren Siḏiṯneɣ Ƹisa zi ȓmewṯ.

Ayṯ-Ruma 8:34

Wi izemmaren axasen iḥkem? Uȓa ḏ ijjen! Liʼanna netta Ƹisa Lmasiḥ ig immuṯen. U ktar, ikkar-d zi ȓmewṯ u ḏ netta iy iǧan x ufusi n Arebbi, itcafaƹ ḏayneɣ.

1 Ayṯ-Kurinṯ 12:3

S manayenni xseɣ aḏ tfehhmem mliḥ belli war ḏinni ḥadd aḏ yini s Arruḥ n Arebbi ! Ƹaweḏ war ḏinni ḥadd aḏ yini illa s Arruḥ iqeddsen.

Ayṯ-Filippas 2:11

Aḏ iƹtaref kuȓ yiȓes aḏ yini x Ƹisa Lmasiḥ qa netta ḏ Siḏiṯneɣ azzayes isemɣar Arebbi Babaṯneɣ.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Yuḥanna 4:15

Wenni ɣa icehḏen Ƹisa ḏ Mmis n Arebbi, ataf Arebbi iqqim ḏayes ataf netta iqqim ḏi Arebbi.

2 Yuḥanna 1:7

Aqa aṭṭas n iṯarrasen niṯni ḏ iɣeddaren ffɣen-d ɣar ddunect-a, nekkaren belli Ƹisa Lmasiḥ imeḍhar-d s ddat n bnaḏem. Aṯarras-a iy iǧan ammu netta ḏ aɣeddar waha ḏ ddejjal iy iǧa.