8 Iwa min iqqar Lkitab? Iqqar: Iƹni awaȓ-a netta ḏ lʼiman iy zi netḥeddaṯ.
Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."
Nnan-as: "Amen zi Siḏiṯneɣ Ƹisa aḏ tnejmeḏ cek ḏ ȓeḥbab nnec."
Falihaḏa, lʼiman itas-d zi min netsȓa, u min ntesȓa netta ḏ awaȓ n Lmasiḥ.
Akenniw sseqsiɣ x yijjen n ṯmesȓayṯ waha. Ma ihwa-d xawem Arruḥ iqeddsen wami ṯṭaƹem i Ccariƹa n Musa? Lla, ihwa-d wami ṯesȓim i Lʼinjil ṯumnem zzayes.
Iḏen, mammec ḏawem d iticc Arebbi Arruḥ iqeddsen itegg jarawem lmuƹjizaṯ? Wac xmi tṭaƹam i Ccariƹa n Musa? Lla, xmi tesȓam Lʼinjil tamnem zzayes.
Ṯimesȓayin-a meȓa ṯesbeyyaneḏ-ṯent-id i ayṯmaṯneɣ aḏ tiȓiḏ cek ḏ ijjen n uxeddam ḏ aṣebḥan n Ƹisa Lmasiḥ, aḏ tiȓiḏ twarebbiḏ s wawaȓen n lʼiman ḏ ttaƹlim nni aṣebḥan iy ṯḏeffareḏ cek.
Aqa twaxeȓqem-d ḏ jḏiḏ maci zeg yijjen n zzarriƹeṯ ifennan; Lla, ṯenni war ifennin ca ƹemmarṣ, s wawaȓ n Arebbi iddaren itdumman.
maca awaȓ n Arebbi itɣima i ȓebda.> Awaȓ-a netta ḏ Lʼinjil iy ḏawem d itwabeccaren.
