Ayṯ-Ruma 10:4 - Ṯarifiṯ 2020

⁴ Li'anna Lmasiḥ ḏayes ḏi netta iy ṯkemmeȓ ccariƹa ḥima marra wi zzayes ɣa yamnen aḏ imeṣȓaḥ ak Arebbi.

Ayṯ-Ruma 10:4 ပူးပေါင်းရင်းမြစ်များ

Matta 3:15

Indeq-d Ƹisa inna-as: "Ɣir qbeȓ ȓexxu, ḏ manaya ig iǧan nican ḥima aḏ ikemmeȓ marra min ixes Siḏi Arebbi." Uca iqbeȓ Yaḥya.

Yuḥanna 1:17

Ccariƹa n Ayṯ-Israʼil ṯemmuc x ufus n Musa. Arḍa ḏ lḥaqiqa niṯenti usint-id x ufus n Ƹisa Lmasiḥ.

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

Ayṯ-Galaṭya 3:24

S manayenni Ccariƹa n Musa tuɣa trebba-yaneɣ ḥetta aȓ wami d yusa Lmasiḥ u ssenni iy ɣa nmeṣȓaḥ ak Arebbi s lʼiman.

Ayṯ-Galaṭya 4:5

Mayemmi? Ḥima aḏ iqeddem lfidya x yinni iy xef ṯḥekkem Ccariƹa n Musa bac aḏaneɣ itbenna Arebbi a niȓi ḏ ṯarwa nnes.

Ayṯ-Kulus 2:10

Kenniw ṯuḏarṯ nwem ṯekmaȓ ak Lmasiḥ iǧan netta ḏ azeǧif itrayyan x marra yinni iḥekkmen ḏ yinni ijehḏen.

Ayṯ-Kulus 2:17

Marra ṯimesȓayin-a niṯenti am ṯiȓi waha n ṯmesȓayin nni iy d ɣa yasen, ṯimesȓayin nni n ṣṣaḥ n Lmasiḥ.

Iƹibraniyen 10:14

Liʼanna yinni itḏewwaȓen ḏ ṣṣaliḥin issiṣfa-ṯen ḏeg yijjen n ṯwaȓa i ȓebda s yijjen n dbiḥeṯ u ṣafi bac aḏ iȓin bȓa ȓƹib.