Ayṯ-Ruma 10:2 - Ṯarifiṯ 2020

² Nec cehhḏeɣ xasen rezzun aḏ ggen lwajib ak Arebbi, walakin war ssinen ca aḏ ggen lwajib.

Ayṯ-Ruma 10:2 ပူးပေါင်းရင်းမြစ်များ

Yuḥanna 16:2

Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Ȓexḏayem 21:20

Wami sȓin i manayenni, ḥemḏen Arebbi nnan-as i Bulus: "Cuf ay umaṯneɣ mecḥaȓ n uȓufaṯ n israʼiliyen iy yumnen! Marra iḏsen rezzun aḏ ggen lwajib ƹlaḥsab ccariƹa nneɣ.

Ȓexḏayem 21:28

Snekkaren ṯɣuyyeṯ qqaren: "Ay iryazen n Ayṯ-Israʼil! Qa aryaz-a wenni iseȓmaḏen iwḏan marra ḏi mkuȓ amcan irezzu aḏ ƹarrḍen ccaƹb nneɣ ḏ ccariƹa nneɣ ḏ umcan-a nneɣ! Ƹaweḏ isiḏef-d iyunaniyen ɣar ṯemziḏa ṯameqqrant, isexnaz amcan-a muqeddes."

Ȓexḏayem 22:22

Sȓin mliḥ i Bulus ḥetta aȓ wami inna awaȓ-a aneggaru. Ȓexddenni snekkaren xas ṯɣuyyeṯ nnan: Mḥaṯ aryaz-a zi ddunect-a, war isḏiheǧ ca aḏ iqqim ƹaḏ iddar!

Ȓexḏayem 22:3

"Nec ḏ aʼisraʼili xeȓqeɣ ḏi ṯendint n Ṭarsus ḏi lʼiqlim n Kilikya, walakin nec ymiɣ ḏi ṯendint-a ḏanita. Ɣriɣ ɣar iḍaren n lʼustad Gamlil twarebbiɣ s ccariƹa n ȓejḏuḏ nneɣ mammec ḏaneɣ ṯweṣṣa ṯa s ṯa kuȓci. Rezzuɣ aḏ ggeɣ lwajib ak Arebbi s wuȓ inu mamc ṯrezzum aḏ teggem kenniw marra nhara.

Ayṯ-Ruma 10:1

Inna-asen Bulus: Ay ayṯma, mecḥaȓ tmenniɣ s wuȓ inu tẓaǧiɣ i Arebbi aḏ tenjem lʼumma inu.

Ayṯ-Ruma 10:3

Wami war ssinen ca mammec igga Arebbi isemṣȓaḥ akiḏes bnaḏem, kkaren niṯni ḏfaren abriḏ nsen nniṯ war qbiȓen ca abriḏ n Arebbi.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

2 Ayṯ-Kurinṯ 8:3

Aqa nec cehhḏeɣ ṣeddqen s min zemmaren aḏ ucen, qa ḏ ṣṣaḥ ṣeddqen ktar zi min zemmaren. Ggin manaya s ȓxaḍar nsen waḥeḏsen,

Ayṯ-Galaṭya 1:14

Tuɣa nec tgaƹƹaḏeɣ mliḥ ḏi ddin n Ayṯ-Israʼil ƹȓayen qaƹ ḥsen zeg iqrinen inu. Tuɣa nec rezzuɣ aṭṭas aḏ ggeɣ lwajib ƹlaḥsab lƹadaṯ n ȓejḏuḏ inu.

Ayṯ-Galaṭya 4:15

Iwa, manis ṯekka ȓefraḥeṯ nni tuɣa ɣarwem? Aqa cehhḏeɣ xawem belli maƹlik tuɣa ṯzemmarem, iȓi ṯqeȓƹem-d ṯiṭṭawin nwem ṯucim-ayi-ṯent.

Ayṯ-Filippas 1:9

Ḏ ṯanita ḏ ṯẓaǧiṯ inu ataf aḏ tarni ȓemḥibbeṯ nwem ktar u ktar bac aḏ tessnem marra aḏ tmeyyzem marra.

Ayṯ-Filippas 3:6

Ƹlaḥsab zƹameṯ inu nec tuɣa tƹeddabeɣ jmaƹeṯ n ȓmuminin n Lmasiḥ. Ƹlaḥsab lqawanin iy iǧan ḏi ccariƹa tuɣayi s bȓa ȓƹib.

Ayṯ-Kulus 4:13

Nec cehhḏeɣ xas irebbeȓ xawem mliḥ ḏ yinni ƹaweḏ iǧan ḏi ṯendint n Lawdukya ḏ yinni iǧan ḏi ṯendint n Yirapulis.