Ayṯ-Ruma 10:15 - Ṯarifiṯ 2020

¹⁵ U mammec ɣa ggen aḏ ḥeddṯen meȓa war ḏasen d issekk ḥadd? Aqa iqqar Lkitab:

Ayṯ-Ruma 10:15 ပူးပေါင်းရင်းမြစ်များ

Matta 9:38

Ttareṯ zi Bab n ṯfeǧaḥṯ aḏ yarni icewwaren ḏeg umarjeƹ nnes."

Luqa 10:1

Menbaƹd i manaya ixḍar Siḏiṯneɣ ijjen ṯnayen u sebƹin n imeḥḍaren, issekk-iṯen ṯnayen ṯnayen izwaren-as ɣar kuȓ ṯendint ḏ umcan ig igga netta aɣarsen iraḥ.

Luqa 2:10

Ṯenna-asen lmalaʼika nni: "War teggwḏem ca. Aqa nec tbeccareɣ-kenniw s yijjen n ȓexbar imɣar aṭṭas azzayes ifareḥ marra ccaƹb.

Luqa 2:14

"Lƹaḍama i Arebbi Yuƹȓan, ḏ ȓehna n yinni ḏi ṯmurṯ mixef irḍa."

Luqa 8:1

Menbaƹd i manaya iggur Ƹisa zi dcar ɣar dcar zeg ubilaj ɣar ubilaj itḥeddaṯ itbeccar s ȓmulk n Arebbi. Akiḏes ṯenƹac n imeḥḍaren nnes

Yuḥanna 20:21

Inna-asen ƹaweḏ Ƹisa: "Sȓam xawem. Mammec ḏayi d issekk Baba, ammu nec akenniw ssekkeɣ."

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ȓexḏayem 13:26

Inna-asen Bulus: "Ay ayṯma, a ṯarwa n Brahim, ay yinni iteggwḏen Arebbi! Qa ḏ neccin umi d issekk Arebbi awaȓ-a iy zi ɣa nenjem.

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ayṯ-Ruma 1:15

S manaya nec rezzuɣ aṭṭas akenniw beccareɣ s Lʼinjil uȓa ḏ kenniw iy iǧan ḏi ṯendint n Ruma.

Ayṯ-Ruma 15:20

U nec rezzuɣ aḏ tbeccareɣ ȓebda s Lʼinjil ḏi ṯmura mani war xas tesȓin ca x Lmasiḥ bac war benniɣ ca x ca n dsas ig igga ḥadd nneɣni.

Ayṯ-Ufasus 2:17

Aqa yusa-d Ƹisa itbeccar netta s Lʼinjil yuwi-awem-d ȓehna i kenniw tuɣa iǧan ṯbeƹƹḏem x Arebbi u ḏ yinni iy d yuḏsen ɣar Arebbi.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Ufasus 6:15

Qqnem ṯisiȓa i iḍaren nwem bac aḏ teswejḏem ixef nwem aḏ tbeccarem s Lʼinjil n ȓehna.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.