Ayṯ-Ruma 10:14 - Ṯarifiṯ 2020

¹⁴ Iḏen, mammec ɣa ggen aḏ ȓaɣan x wenni iy zi war yuminen ca? Mammec ɣa ggen aḏ amnen zeg wenni umi war xas sȓin ca? Mammec ɣa ggen axas sȓen meȓa war ḏasen itḥeddiṯ ḥadd?

Ayṯ-Ruma 10:14 ပူးပေါင်းရင်းမြစ်များ

Matta 20:7

Nnan-as: Walu, war ḏaneɣ isexḏem ḥadd. Inna-asen: Ruḥem uȓa ḏ kenniw ɣar umarjeƹ inu.

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Yuḥanna 9:36

Inna-as: "Min iƹna wenni a Siḏi ḥima azzayes amneɣ?"

Ȓexḏayem 19:2

inna-asen: "Ma ihwa-d xawem Arruḥ iqeddsen wami ṯumnem?" Nnan-as: "Lla, neccin ƹemmarṣ war xas nesȓi ca x Arruḥ iqeddsen."

Ȓexḏayem 8:31

Inna-as uḥabaci nni: "Nec, mammec ɣa ggeɣ aḏ fehmeɣ meȓa war ḏayi isefhem can yijjen? Yallah ney-d akiḏi ḏeg ukarru-ya."

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ufasus 2:17

Aqa yusa-d Ƹisa itbeccar netta s Lʼinjil yuwi-awem-d ȓehna i kenniw tuɣa iǧan ṯbeƹƹḏem x Arebbi u ḏ yinni iy d yuḏsen ɣar Arebbi.

Ayṯ-Ufasus 4:21

Wah, ṯȓemḏem x Ƹisa lḥaqiqa iy iǧan ḏayes iƹni meȓa ṯesȓam xas nican.

2 Timutawus 4:17

Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.

Titus 1:3

U ḏi lweqṯ nni ig ixḍar netta ismeḍhar-d lwaƹed-a s ttebcir nni iy zi ḏayi itwakellef s lʼamar n Arebbi wenni iy ḏaneɣ isnejmen.

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Yaƹqub 5:15

U ṯẓaǧiṯ nni ṯenni itqeddamen s lʼiman aḏ tesgenfa wenni iǧan ƹeyyan. Ssenni Siḏiṯneɣ aṯ isbedd. Meȓa igga ȓmuƹṣiyaṯ, aḏas iɣfar.