Ayṯ-Ruma 1:7 - Ṯarifiṯ 2020

⁷ Tariɣ i marra imƹizzen n Arebbi iy iǧan ḏi ṯendint n Ruma ixḍar-ikenniw aḏ tiȓim ḏ ȓmuminin ṣṣaliḥin. Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Ayṯ-Ruma 1:7 ပူးပေါင်းရင်းမြစ်များ

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Ȓexḏayem 15:23

Ssekken akiḏsen ṯabrat-a nnan-asen: "Ay ayṯmaṯneɣ war iǧin ca zi Ayṯ-Israʼil ig izeddɣen ḏi Wanṭakya ḏ Surya ḏ lʼiqlim n Kilikya, netseǧam xawem neccin iy iǧan ḏ arrusul ḏ imeqqranen n jmaƹeṯ n ȓmuminin.

Ȓexḏayem 9:13

Yarra xas Anas inna-as: "A Siḏi, nec xebbaren-ayi aṭṭas n yiwḏan x bnaḏem-a Cawul, mecḥaȓ iƹeddeb netta ȓmuminin nnec ṣṣaliḥin ḏi Lquds.

Ayṯ-Ruma 1:6

Uȓa ḏ kenniw zeg yinni itwaxḍaren aḏ teḏfarem Ƹisa Lmasiḥ.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

Ayṯ-Ruma 9:25

Mammec iqqar Arebbi ḏi Lkitab n nnabi Hucaƹ:

1 Ayṯ-Kurinṯ 1:24

Walakin i yinni umi d iȓaɣa Arebbi, iƹni israʼiliyen ḏ yinni war iǧin ca zi Ayṯ-Israʼil, Lmasiḥ netta ḏ jjheḏ n Arebbi ḏ ȓefhameṯ nnes.

1 Ayṯ-Kurinṯ 16:23

Arḍa n Siḏiṯneɣ Ƹisa akiḏwem yiȓi.

2 Ayṯ-Kurinṯ 13:14

Arḍa n Siḏiṯneɣ Ƹisa Lmasiḥ ḏ ȓemḥibbeṯ n Arebbi ḏ umƹacar n Arruḥ iqeddsen akiḏwem yiȓi marra. Amin.

Ayṯ-Galaṭya 6:18

Ay ayṯma, aḏ yiȓi ak arruḥ nwem arḍa n Siḏiṯneɣ Ƹisa Lmasiḥ. Amin.

Ayṯ-Ufasus 1:2

Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Ayṯ-Ufasus 6:23

Aḏ yiȓi ȓehna i ayṯmaṯneɣ ḏ ȓemḥibbeṯ ak lʼiman zi Arebbi Babaṯneɣ ḏ Siḏiṯneɣ Ƹisa Lmasiḥ.

Ayṯ-Filippas 1:2

Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Ayṯ-Filippas 4:13

Qaƹ ṯimesȓayin zemmareɣ-asent s wenni iy ḏayi iticcen jjheḏ.

Ayṯ-Filippas 4:20

Lƹaḍama i Arebbi Babaṯneɣ i ȓebda n ȓebdaṯ. Amin.

Ayṯ-Filippas 4:23

Aḏ yiȓi ak arruḥ nwem arḍa n Siḏiṯneɣ Ƹisa Lmasiḥ.

Ayṯ-Kulus 1:2

Tariɣ ṯabrat-a i wawmaṯen iy ḏi iǧa lʼiman iǧan ḏ ṣṣaliḥin ḏi ṯendint n Kulus. Akiḏwem yiȓi arḍa ḏ ȓehna zi Arebbi Babaṯneɣ.

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

Ayṯ-Kulus 3:15

Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.

1 Ayṯ-Salunik 1:1

Nec ḏ Bulus, akiḏi Silas ḏ Timutawus. Ntari ṯabrat-a ɣar jmaƹeṯ n ȓmuminin n Ayṯ-Salunik iy yumnen zi Arebbi Babaṯneɣ ḏ Ƹisa Lmasiḥ Siḏiṯneɣ. Akiḏwem yiȓi arḍa ḏ ȓehna.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

1 Ayṯ-Salunik 1:4

Ay ayṯmaṯneɣ yinni iƹizzen x Arebbi, nessen qa netta ixḍar-ikenniw.

1 Ayṯ-Salunik 4:7

Minzi Arebbi war ḏaneɣ d iȓaɣi ca bac a nƹic ḏi min ixenzen; Lla, iȓaɣa-yaneɣ-d a nƹic ḏi min iṣfan.

1 Ayṯ-Salunik 5:28

Akiḏwem yiȓi arḍa n Siḏiṯneɣ Ƹisa Lmasiḥ.

2 Ayṯ-Salunik 1:2

Akiḏwem yiȓi arḍa ḏ ȓehna zi Arebbi Babaṯneɣ ḏ Siḏiṯneɣ Ƹisa Lmasiḥ.

2 Ayṯ-Salunik 3:16

Siḏiṯneɣ n ȓehna aḏawem yuc ijjen ȓehna ḏi aya ȓweqṯ u s marra ṯimesȓayin. Aḏ yiȓi Siḏi Arebbi akiḏwem marra.

2 Ayṯ-Salunik 3:18

Arḍa n Siḏiṯneɣ Ƹisa Lmasiḥ akiḏwem yiȓi marra.

1 Timutawus 1:2

Tariɣ ṯabrat-a i Timutawus wenni iy iǧan am memmi ḏ ṣṣaḥ ḏi lʼiman. Akiḏec yiȓi arḍa ḏ arraḥmeṯ ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

1 Timutawus 6:2

Isemɣan umi ɣar iǧa ayṯbab nsen ḏ ȓmuminin wa labud aḏasen tṣennaṭen i ayṯbab nsen maci aḏasen agin aḏasen inin lla qa neccin ḏ awmaṯen. Lla, aḏasen xeḏmen ktar liʼanna ayṯbab nsen ḏ niṯni iy ɣa irebḥen zi ȓxeḏmeṯ nni u niṯni tamnen twaƹizzen. Ṯimesȓayin-a seȓmaḏ-iṯent cek, zeyyar xasent.

2 Timutawus 1:2

Tariɣ ṯabrat-a i Timutawus wenni iy iǧan am memmi iƹizzen xafi. Akiḏec yiȓi arḍa ḏ ȓehna ḏ arraḥmeṯ zi Arebbi Babaṯneɣ ḏ Ƹisa Lmasiḥ Siḏiṯneɣ.

2 Timutawus 4:22

Aḏ yiȓi Siḏiṯneɣ ak arruḥ nnec. Aḏ yiȓi arḍa akiḏwem marra.

Titus 1:4

Tariɣ ṯabrat-a i Titus wenni iy iǧan am memmi ḏ ṣṣaḥ ḏi lʼiman-a iy ḏi ncarrec. Akiḏec yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ wenni iy ḏaneɣ isnejmen.

Filimun 1:25

Aḏ yiȓi ak arruḥ nwem arḍa n Siḏiṯneɣ Ƹisa Lmasiḥ.

Filimun 1:3

Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Yaƹqub 1:1

Nec ḏ Yaƹqub ḏ ȓƹabḏ n Arebbi ḏ ȓƹabḏ n Siḏiṯneɣ Ƹisa Lmasiḥ, tseǧameɣ x ṯenƹac n ṯqebbaȓ n ȓmuminin iy itemzeǧaƹen x ṯmura.

1 Buṭrus 1:15

Lla, itxeṣṣa aḏ tiȓim ṯeṣfam ḏi marra min teggem am mammec iṣfa Arebbi wenni iy ḏawem d iȓaɣan.

1 Yuḥanna 3:1

Xzareṯ mecḥaȓ ḏ ṯameqqrant ȓemḥibbeṯ iy ḏaneɣ d yuca Babaṯneɣ wami netwasemma ḏ ṯarwa n Arebbi! U ḏ ṣṣaḥ ammu iy neǧa. Ddunect-a, mayemmi war ḏaneɣ ṯessin ca neccin? Ȓaḥeqqac uȓa ḏ netta war ṯ ṯessin ca.

2 Yuḥanna 1:3

Ƹlaḥsab lḥaqiqa ḏ ȓemḥibbeṯ akiḏneɣ yiȓi arḍa ḏ arraḥmeṯ ḏ ȓehna zi Arebbi Babaṯneɣ ḏ Ƹisa Lmasiḥ wenni iǧan ḏ Mmis n Babaṯneɣ.

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac:

Lwaḥi 2:12

Ari-yas i lmalaʼika n jmaƹṯ n ȓmuminin iy iǧan ḏi ṯendint n Barɣamus, ini-yas qa wenni ɣar iǧa ssif iqḍeƹ x ṯnayen n jjihaṯ, iqqar-ac:

Lwaḥi 2:18

Ari-yas i lmalaʼika n jmaƹṯ n ȓmuminin iy iǧan ḏi ṯendint n Ṯiyatra, ini-yas qa wenni iǧan ḏ Mmis n Arebbi, ṯiṭṭawin nnes ggint am uḥaḏuq n ṯmessi, iḍaren nnes ggin am nneḥḥas iṣfan, iqqar-ac:

Lwaḥi 2:29

Ṣenneṭ mliḥ a wenni itsȓan min iqqar Arruḥ n Arebbi i ṯjumaƹ n ȓmuminin.

Lwaḥi 2:8

Ari-yas i lmalaʼika n jmaƹṯ n ȓmuminin iy iǧan ḏi ṯendint n Smirna, ini-yas qa wenni iǧan ḏ amezwaru uȓa ḏ aneggaru, immuṯ uca ikkar-d zi ȓmewṯ, iqqar-ac:

Lwaḥi 22:21

Aḏ yiȓi arḍa n Siḏiṯneɣ Ƹisa ak kuȓ ijjen. Amin.

Lwaḥi 3:14

Ari-yas i lmalaʼika n jmaƹṯ n ȓmuminin iy iǧan ḏi ṯendint n Lawdukya, ini-yas qa wenni umi qqaren Amin, netta ḏ ccaheḏ ḏayes ȓaman ḏayes ȓḥaqq, zzayes iy d ixȓeq Arebbi marra, iqqar-ac:

Lwaḥi 3:22

Ṣenneṭ mliḥ, a wenni itsȓan min iqqar Arruḥ n Arebbi i ṯjumaƹ n ȓmuminin."

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac: