Ayṯ-Ruma 1:3 - Ṯarifiṯ 2020

^3-4 U manaya x Mmis Siḏiṯneɣ Ƹisa Lmasiḥ. Ƹlaḥsab ddat nnes ḏ bnaḏem netta zi ddurriṯ n Siḏna Dawed. Walakin ƹlaḥsab Arruḥ nnes iṣfan imeḍhar-d ḏ Mmis n Arebbi s yijjen n jjheḏ imɣar wami iy d ikkar zi ȓmewṯ.

Ayṯ-Ruma 1:3 ပူးပေါင်းရင်းမြစ်များ

Matta 1:1

Wa ḏ lkitab n ȓejḏuḏ n Ƹisa Lmasiḥ, wenni iǧan zi ddurriṯ n Dawed ḏ Brahim.

Matta 1:16

Yaƹqub ijja-d Yusef aryaz n Maryam nettaṯ iy d ijjin Ƹisa ig itwasemman s Lmasiḥ.

Matta 1:6

Yassa ijja-d Dawed azeǧiḏ. Dawed azeǧiḏ ijja-d Suliman zi ṯenni tuɣa iǧan ḏ ṯamɣarṯ n Uryaḥ.

Matta 12:23

Qqimen ȓɣaci nni tƹejjben marra nnan: "Maci ḏ wanita ig iǧan ḏ Mmis n Dawed niɣ?"

Matta 15:22

Ṯusa-d ɣares ijjen n ṯemɣarṯ zi Ayṯ-Kanƹan ṯzeddeɣ ḏinni. Traɣa ṯeqqar-as i Ƹisa: "Rḥem-ayi a Siḏi, a Mmis n Ayṯ-Dawed! Qa yeǧi ḏayes ijjen n jjenn ḏ aƹeffan itƹeddab-it aṭṭas."

Matta 26:63

Iqqim Ƹisa isqar war ḏas yinni walu. Uca inna-as arrays nni: "Tettareɣ zzayec aḏaneɣ ṯejjaǧeḏ s Arebbi iddaren ḥima aḏaneɣ ṯiniḏ: Ma cek ḏ Lmasiḥ ḏ Mmis n Arebbi?"

Matta 27:43

Itwekkeȓ x Arebbi; Meȓa irḍa xas Arebbi aṯ isenjem ȓexxu! Ȓaḥeqqac inna: Nec ḏ Mmis n Arebbi."

Matta 3:17

Ssenni iȓaɣa-d ijjen n ṣṣut zeg ujenna inna-d: "Wa ḏ Memmi iƹizzen, nec farrḥeɣ zzayes."

Matta 9:27

Yuyur ssenni Ƹisa, ḏfaren-ṯ ṯnayen n iḍarɣaȓen tȓaɣan qqaren: "A Mmis n Ayṯ-Dawed, rḥem-aneɣ!"

Luqa 1:35

Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi.

Luqa 1:69

Ismeḍhar-aneɣ-d wenni ḏeg iǧa jjheḏ iy ḏaneɣ ɣa isnejmen, yusa-d zi ddurriṯ n Dawed ȓƹabḏ n Arebbi.

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Yuḥanna 1:34

Nec ẓriɣ manaya s yixef inu, cehhḏeɣ xas belli netta ḏ Mmis n Arebbi."

Yuḥanna 1:49

Inna-as Naṯnahil i Ƹisa: "A Lmuƹallim, qa cek ḏ Mmis n Arebbi, cek ḏ azeǧiḏ n Ayṯ-Israʼil."

Yuḥanna 10:30

Nec ḏ Baba ḏ ijjen."

Yuḥanna 10:36

Ma ṯeqqarem i wenni ixḍar Baba issekk-iṯ-iḏ ɣar ddunect cek ṯenniḏ lbuhtan x Arebbi minzi nniɣ nec ḏ Mmis n Arebbi?

Yuḥanna 20:28

Indeq-d Tuma inna-as: "A Siḏi inu, ay Arebbi inu!"

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Yuḥanna 5:25

Aqa tesȓam ȓḥaqq: Aḏ d tas ȓweqṯ aqa ȓexxu ṯusa-d, aḏ sȓen imettinen i ṣṣut n Mmis n Arebbi u yinni ḏas ɣa isȓen aḏ ddaren.

Yuḥanna 7:42

Inna Lkitab aqa Lmasiḥ aḏ d yas zi ddurriṯ n Dawed, iƹni zi Bayt Laḥem zi dcar manis d yusa Dawed."

Ȓexḏayem 2:30

Azeǧiḏ Dawed tuɣa ḏ nnabi iƹni issen belli iwƹeḏ-iṯ Arebbi inna-as aqa aḏ sɣimeɣ ijjen zi ddurriṯ nnec x lƹarc nnec.

Ȓexḏayem 3:13

Lla, ḏ Arebbi n ȓejḏuḏ nneɣ iƹni Arebbi n Brahim ḏ Arebbi n Isḥaq ḏ Arebbi n Yaƹqub. Liʼanna ḏ netta iy d isbeyynen lƹaḍama nnes ḏeg uxeddam nnes Ƹisa. Walakin ḏ kenniw iy ṯ isellmen i lḥukkam ṯenkarem-ṯ zzaṯ i Bilaṭus wami tuɣa irezzu aḏas iḍȓeq.

Ȓexḏayem 8:36

Gguren ḏeg ubriḏ uwḍen ɣar can waman. Inna-as uḥabaci nni: "Aqac aman mujud, min ḏayi yuɣen nec war twaṭehhareɣ ca s waman-a?"

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ayṯ-Ruma 1:9

Liʼanna Arebbi iy ƹebbḏeɣ s marra uȓ inu tbeccareɣ s Lʼinjil n Mmis, netta qa issen tfekkareɣ ḏaywem ȓebda ḏi ṯẓaǧiṯ inu. Tettareɣ meȓa ixes Arebbi aȓ uneggaru aḏ afeɣ abriḏ aɣarwem d aseɣ.

Ayṯ-Ruma 4:1

Iwa min ɣa nini x jeddiṯneɣ Brahim? Min ḏas iweqƹen i netta?

Ayṯ-Ruma 9:5

Usin-d zi ssalaf ṣṣaliḥin, u zeg uẓwer nsen iy d yusa Lmasiḥ ḏ ddat ḏ bnaḏem. Arebbi itwaḥmeḏ i ȓebda, wenni iḥekkmen x marra. Amin.

1 Ayṯ-Kurinṯ 1:9

Arebbi ḏayes ttiqeṯ, zzayes iy ḏaneɣ d yusa uȓaɣi a nƹacar Memmis iƹni Siḏiṯneɣ Ƹisa Lmasiḥ.

1 Ayṯ-Kurinṯ 10:18

Fekkareṯ ḏi Ayṯ-Israʼil, yak yinni itetten dbiḥaṯ niṯni carrcen ḏi ȓmeḏbaḥ nni, niɣ lla?

Ayṯ-Galaṭya 4:4

Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

1 Timutawus 2:5

Liʼanna ḏinni ijjen n Arebbi waḥḏes ḏ yijjen lwasiṭ waḥḏes jar Arebbi ḏ yiwḏan iƹni aryaz-a ḏ Ƹisa Lmasiḥ.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

2 Timutawus 2:8

Fekkar ḏi Ƹisa Lmasiḥ wenni iy d isekkar Arebbi zi ȓmewṯ, netta lʼaṣel nnes zi Dawed. Ḏ manaya ig iǧan ḏi Lʼinjil iy tbeccareɣ nec.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

1 Yuḥanna 3:23

Aqa ṯanita ḏ ȓuṣiyeṯ nnes a namen zeg yisem n Mmis Ƹisa Lmasiḥ, a ntexs ayawya am mammec iy ḏaneɣ d iweṣṣa netta.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

1 Yuḥanna 4:15

Wenni ɣa icehḏen Ƹisa ḏ Mmis n Arebbi, ataf Arebbi iqqim ḏayes ataf netta iqqim ḏi Arebbi.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

1 Yuḥanna 5:5

Min iƹna wenni iɣellben x ddunect-a? Wenni iɣellben ḏ wenni yumnen illa Ƹisa ḏ Mmis n Arebbi.

2 Yuḥanna 1:7

Aqa aṭṭas n iṯarrasen niṯni ḏ iɣeddaren ffɣen-d ɣar ddunect-a, nekkaren belli Ƹisa Lmasiḥ imeḍhar-d s ddat n bnaḏem. Aṯarras-a iy iǧan ammu netta ḏ aɣeddar waha ḏ ddejjal iy iǧa.

Lwaḥi 2:18

Ari-yas i lmalaʼika n jmaƹṯ n ȓmuminin iy iǧan ḏi ṯendint n Ṯiyatra, ini-yas qa wenni iǧan ḏ Mmis n Arebbi, ṯiṭṭawin nnes ggint am uḥaḏuq n ṯmessi, iḍaren nnes ggin am nneḥḥas iṣfan, iqqar-ac: