Ayṯ-Ruma 1:20 - Ṯarifiṯ 2020

²⁰ Zeg wami ṯeǧa ddunect-a, min war itwaẓerren n Arebbi iƹni jjheḏ nnes itduman ḏ ṭṭabiƹa nnes yuƹȓan, nfehhem-iṯent nẓerr-iṯent mliḥ ḏi ṯmesȓayin itwaxeȓqen. Ƹlaḥsab manaya iwḏan war ɣarsen bu lƹuder.

Ayṯ-Ruma 1:20 ပူးပေါင်းရင်းမြစ်များ

Matta 5:45

ḥima aḏ tiȓim ḏ ṯarwa n Babaṯwem iy iǧan ḏeg ujenna. Ȓaḥeqqac itsummur-d ṯfuct x yinni iṣebḥanen ḏ yinni iƹeffanen. Iticc anẓar i yinni iteggen ȓxir ḏ yinni iteggen ccarr.

Marqus 10:6

Walakin zeg wami ṯebḏa ddunect Arebbi ixȓeq-d aryaz ḏ ṯemɣarṯ.

Yuḥanna 1:18

Uȓa ḏ ijjen war iẓri Arebbi ƹemmarṣ. Mmis waḥḏes ig iǧan ḏeg wuȓ n Babas ḏ netta iy ḏaneɣ d ismeḍharen Siḏi Arebbi.

Yuḥanna 15:22

Maƹlik war d usiɣ ssiwȓeɣ akiḏsen, ataf war ɣarsen bu ȓmuƹṣiyeṯ. Walakin ȓexxu war ɣarsen bu lƹuder x ȓmuƹṣiyeṯ nsen.

Ȓexḏayem 17:29

Cuf, neccin meȓa ḏ ṯarwa n Arebbi, itxeṣṣa-yaneɣ war netfekkir ca belli wenni yuƹȓan qa netta am ddheb niɣ am nnuqarṯ niɣ am uzru. Arebbi war iǧi ca ḏ lʼaṣnam ig itṣennaƹ bnaḏem s lfikra nnes ḏ ṯzemmar nnes.

Ȓexḏayem 22:1

"Ay ayṯma ay imɣaren, ṣennṭeṯ-ayi mliḥ ȓexxu bac aḏ ḏafƹeɣ x yixef inu!"

Ayṯ-Ruma 1:19

Aqa min zemmaren yiwḏan aṯ ssnen x Arebbi imeḍhar-asen-d, liʼanna Arebbi netta s yixef nnes iy ḏasen-t-id ismeḍharen.

Ayṯ-Ruma 16:26

Ȓexxu iban-d manaya i yiwḏan itwassen s Lkutub n lʼanbiya. Arebbi iƹni wenni itduman i ȓebda yumar azzayes amnen marra ȓegnus aḏas ṭaƹen.

Ayṯ-Ruma 2:1

Iḏen ay aryaz, cek meȓa tƹeyyabeḏ x yiwḏan, ataf war ɣarek bu ȓḥaqq min ma ṯeƹniḏ. Liʼanna xmi tƹeyyabeḏ x can yijjen, tƹeyyabeḏ x yixef nnec, mayemmi? Liʼanna cek teggeḏ kif-kif mammec teggen niṯni!

Ayṯ-Ruma 2:15

Yina seḍharen-d belli min yurin ḏi ccariƹa aqaṯ ɣarsen yura ḏeg wuȓawen nsen. Ȓaƹquȓaṯ nsen iy zi ṣaḥḥen manaya, ḍḍamir nsen iƹeǧem-asen xmi teggen min iǧan ḏ aṣebḥan niɣ ḏ min iǧan war iḥȓin.

1 Ayṯ-Kurinṯ 1:20

Wenni itefhamen zaƹma, ȓexxu mani iǧa? Amseȓmaḏ n ccariƹa zaƹma, ȓexxu mani iǧa? Lfilasuf n ȓweqṯ-a zaƹma, ȓexxu mani iǧa? Yak Arebbi isbuheȓi ȓefhameṯ n yiwḏan n ddunect-a ṯanita?

Ayṯ-Kulus 1:15

Mmis netta ḏ ṣṣifeṯ n Arebbi wenni war nzemmar ca neccin aṯ nẓer. Netta ḏ amenzu iḥekkem x qaƹ min d itwaxeȓqen.

Ayṯ-Kulus 2:9

Liʼanna Lmasiḥ marra min iǧan n Arebbi izḏeɣ ḏi ddat nnes.

1 Timutawus 1:17

Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

1 Timutawus 6:16

Ḏ netta waḥḏes iy war itmettin ƹemmarṣ, izeddeɣ ḏeg yijjen n nnur iy war izemmar ḥadd aɣares d iqarreb iƹni wenni umi ƹemmarṣ war ṯ iẓri bnaḏem war izemmar aṯ iẓer. Ḏ netta iy ɣa yiȓi uweqqar ḏ jjheḏ i ȓebda. Amin.

Iƹibraniyen 11:27

S lʼiman ikkar Musa iffeɣ zi Miṣra, war iggwiḏ ca zeg uɣḍab n uzeǧiḏ nni. Iṭṭef ḏi lʼiman nnes am yijjen itwaȓan Arebbi netta war izemmar aṯ iẓer ḥadd.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.